EISHOMO 13
Oku Ediini z’Ebishuba Zirikujwekyera Kubi Ruhanga
Ruhanga ku araabe ari rukundo, ahabw’enki ediini nyingi ezirikugira ngu nizimujwekyera nizikora ebihagaro bingi? N’ahabw’okugira ngu n’ez’ebishuba, kandi nizimujwekyera kubi. Nizimujwekyera kubi zita? Eki nikimureetera kwehurira ata? Kandi naija kukora ki?
1. Ediini z’ebishuba nizijwekyera zita kubi Ruhanga kurabira omu nyegyesa zaazo?
Ab’ediini z’ebishuba “amazima ga Ruhanga bakagahindura [bakagahaanisamu] ebishuba.” (Abarooma 1:25) Nk’eky’okureeberaho, ediini nyingi tizirikwegyesa abakuratsi baazo eiziina rya Ruhanga. Kwonka, Baibuli neegira ngu eiziina rya Ruhanga riine kukoresibwa. (Abarooma 10:13, 14) Haabaho akagwe, abeebembezi b’ediini abamwe nibagira ngu Ruhanga nikwo akunzire. Kwonka ekyo n’ekishuba. Ruhanga tiwe bukomooko bw’ebintu bibi. (Shoma Yakobo 1:13.) Eky’obusaasi, ebishuba by’ediini bireeteire abantu baingi kugumirwa kukunda Ruhanga.
2. Ediini z’ebishuba nizijwekyera zita kubi Ruhanga kurabira omu bikorwa byazo?
Ediini z’ebishuba tizirikutwariza abantu nk’oku Yehova arikubatwariza. Baibuli neegira ngu ebibi by’ediini z’ebishuba “bituumire byahika ahaiguru munonga.” (Okushuuruurwa 18:5) Ediini zitwire nizeejumba omu by’obutegyeki, nizishagika entaro, kandi zireeteire abantu baingi kufa nari kushagika abarikubaita. Abeebembezi b’ediini abamwe nibakunda embeera nungi z’okujarama, n’ahabw’ekyo nibashaba abakuratsi baabo esente. Ebikorwa byabo ebi nibyoreka ngu tibarikumanya Ruhanga, ekirikumanyisa ngu tibahikire kumujwekyera.—Shoma 1 Yohaana 4:8.
3. Ediini z’ebishuba nizireetera Ruhanga kwehurira ata?
Ebikorwa by’ediini z’ebishuba ku biraabe nibikugwisa kubi, noogira ngu nibireetera Yehova kwehurira ata? Naakunda abantu, kwonka ainiire ekiniga abeebembezi b’ediini abarikumujwekyera kubi, kandi abarikutwariza kubi abakuratsi baabo. Naaraganisa ngu ediini z’ebishuba niziija kucwekyerezibwa obutagaruka ‘kureebwa obundi.’ (Okushuuruurwa 18:21) Juba, Ruhanga naija kucwekyereza ediini z’ebishuba zoona.—Okushuuruurwa 18:8.
SHWIJUMA GYE
Yongyera kumanya oku ediini z’ebishuba zirikureetera Ruhanga kwehurira. Shwijuma ebirikukiraho ebi ediini zikozire, n’ahabw’enki eki kitaine kukuremesa kumanya Yehova.
4. Ti diini zoona ngu Ruhanga naazisiima
Baingi nibagira ngu ediini ni nk’emihanda etarikushushana erikuhitsya ahari Ruhanga. Kwonka shi eki kihikire? Shoma Matayo 7:13, 14, kubaasa kugarukamu ekibuuzo eki:
-
Baibuli neeshoboorora eta omuhanda ogurikuhitsya omu magara?
Zaana VIDIYO, kubaasa kugarukamu ekibuuzo ekirikukurataho.
-
Baibuli shi neegira ngu hariho ediini nyingi ezirikushemeza Ruhanga?
5. Ediini z’ebishuba tizirikworeka rukundo nk’eya Ruhanga
Ediini nyingi nizijwekyera kubi Ruhanga omu miringo mingi. Omuringo gumwe ogurengyesereize n’okwejumba omu ntaro. Kureeba eky’okureeberaho kimwe, Zaana VIDIYO, kubaasa kugarukamu ebibuuzo ebirikukurataho.
-
Amakanisa maingi gakakora ki omu Rutaro rw’Ensi Yoona II?
-
Ebi amakanisa ago gaakozire nibikureetera kwehurira ota?
Shoma Yohaana 13:34, 35 na 17:16, kubaasa kugarukamu ebibuuzo ebi:
-
Yehova naayehurira ata yaareeba ediini nizeejwanzya omu ntaro?
-
Ediini z’ebishuba nizijunaanwa ahabw’ebihagaro bingi ebirikubaho. Oreebire miringo ki ei ediini ziremirwe kworeka rukundo nk’eya Ruhanga?
Ediini z’ebishuba tiziine rukundo nk’eya Ruhanga
6. Ruhanga naayenda kucungura abantu kuruga omu diini z’ebishuba
Shoma Okushuuruurwa 18:4, a kubaasa kugarukamu ekibuuzo eki:
-
Okumanya ngu Ruhanga naayenda kujuna abantu abahabisiibwe ediini z’ebishuba nikikureetera kwehurira ota?
7. Gumizamu nooyega ebirikukwata ahari Ruhanga ow’amazima
Ebikorwa by’ediini z’ebishuba shi bishemereire kukureetera kwanga Ruhanga? Teekateeka aha ky’okureeberaho ky’omutsigazi orikwanga kukuratira obuhabuzi burungi bwa ishe, reero akaruga omuka akatandika kukora ebihagaro. Ishe tarikusiima ebikorwa bye. Mbwenu shi nikiba kiri eky’oburyo kuta orubanja ahari ishe?
-
N’eky’obwengye shi kucwera Yehova orubanja okarekyera aho kwega ebirikumukwataho ahabw’ebikorwa bibi by’ediini z’ebishuba?
ABAMWE NIBAGIRA NGU: “Tindikufayo ahari Ruhanga, ahakuba ediini zireetsireho oburemeezi bwingi.”
-
Naiwe nooyehurira otyo?
-
Ahabw’enki ebikorwa by’ediini z’ebishuba bitashemereire kukureetera kwanga Yehova?
OMU BUGUFU
Ediini z’ebishuba nizijwekyera kubi Ruhanga zirikwegyesa ebigwire kandi zirikukora n’ebihagaro. Ruhanga naija kuzicwekyereza.
Okweijutsya
-
Nooyehurira ota ahabw’enyegyesa z’ediini z’ebishuba n’entwaza yaazo?
-
Ediini z’ebishuba nizireetera Yehova kwehurira ata?
-
Ruhanga naija kukorera ki ediini z’ebishuba?
JUMBURA EBINDI
Yetegyereze emiringo ebiri ei ediini z’ebishuba zirikukira kugwisamu kubi Ruhanga.
“Ediini Zoona shi Nizishushana? Zoona Nizihitsya Ahari Ruhanga?” (Eky’aha mukura)
Ahabw’enki Yehova naayenda ngu tumuramye turi hamwe n’abandi?
“Nikyetengyesa Kuza omu Diini Etebeekanisiibwe?” (Eky’aha mukura)
Omwegyesa w’ediini akaba naateganisibwa ebikorwa by’ediini ye. Kwonka eki tikiramuremeise kwega amazima agarikukwata ahari Ruhanga.
“Ekyareeteire Omwegyesa w’Ediini Kuruga omu Kanisa Ye” (Awake!, Febwari 2015)
Kumara emyaka mingi, ediini zitwire nizeegyesa ebishuba ahari Ruhanga ebirikumureebekyesa nk’otarikufayo kandi otaine saasi. Yetegyereze bimwe aha bishuba bishatu ebyo.
“Ebishuba Ebirikureetera Baingi Kugumirwa Kukunda Ruhanga” (Omunaara gw’Omurinzi, Novemba 1, 2013)
a Kubaasa kumanya ahabw’enki ediini z’ebishuba nizigambwaho nk’omukazi maraaya orikwetwa Babulooni Orukuru omu kitabo ky’Okushuuruurwa, reeba Ebirikukiraho 1.
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
