Sapos God garem love, why nao staka religion wea sei olketa stand for hem duim staka nogud samting? Datwan minim olketa religion hia false. Olketa duim and talem samting wea spoelem nem blo God. Hao nao olketa duim datwan? Hao nao tingting blo God abaotem olketa samting hia wea olketa duim? And wat nao bae God duim lo olketa?

1. Hao nao teaching blo false religion spoelem nem blo God?

False religion “no laek bilivim tru samting abaotem God, bat olketa bilivim samting wea no tru.” (Rome 1:25) Example nao, staka religion no teachim nem blo God lo olketa member blo olketa. Bat Bible sei iumi mas iusim nem blo God. (Rome 10:13, 14) Samfala bigman lo religion sei hem will blo God taem nogud samting happen. Bat datwan no tru. No enitaem God kosim nogud samting for happen. (Readim James 1:13.) Olketa laea teaching hia mekem hem hard for pipol lovem God.

2. Hao nao olketa samting wea false religion duim spoelem nem blo God?

False religion no olsem Jehovah wea treatim gud pipol. Bible sei “sin bilong [false religion] barava staka.” (Revelation 18:5) For staka handred year finis, olketa religion joinim politik, sapotim war, and duim or kosim samting wea mekem staka pipol for dae. Samfala bigman blo religion laek for kamap rich so olketa demandim selen from olketa member lo church blo olketa. Olketa samting hia showim olketa nating savve lo God, so olketa no garem raet for stand for hem.​—Readim 1 John 4:8.

3. Hao nao tingting blo God abaotem false religion?

If iu feel nogud lo olketa samting wea false religion duim, iu tingse Jehovah bae feel hao? From hem lovem pipol, hem feel nogud lo olketa bigman blo religion wea spoelem nem blo hem, and treatim nogud olketa member blo olketa. Hem sei bae hem distroem false religion and “bae hem lus for olowe.” (Revelation 18:21) Klosap nao God bae finisim evri false religion.​—Revelation 18:8.

 DIG GO MOA

4. God no hapi lo evri religion

Staka pipol sei olketa religion olsem olketa difren road wea go lo God. Hao, datwan hem tru? Readim Matthew 7:13, 14, then discussim tugeta kwestin hia:

• Wat nao Bible talem abaotem road wea pipol savve followim for kasem laef?

Pleim VIDEO, then discussim tugeta kwestin hia.

• Hao, Bible sei God acceptim staka religion?

 6. God laek helpem pipol for go aot from false religion

Readim Revelation 18:4, a then discussim tugeta disfala kwestin:

• Hao nao tingting blo iu taem iu savve God laek for helpem pipol wea false religion laea lo olketa?

7. Gohed lane abaotem trufala God

Hao, olketa nogud samting wea false religion talem and duim shud mekem iu feel nogud lo God? Tingim wanfala son wea no laek obeyim dadi blo hem. Hem lusim haos and go duim olketa samting wea nogud tumas. Datfala dadi no hapi lo olketa samting hia wea son blo hem duim. Hao, bae hem fair for blamem datfala dadi for olketa samting wea bighed son blo hem duim?

• Hao, bae hem fair for blamem Jehovah and stop for lane abaotem hem bikos lo olketa nogud samting wea false religion duim?

 MAIN POINT

From false religion teachim olketa laea samting and duim olketa nogud samting, datwan spoelem nem blo God. God bae distroem false religion.

Review

• Hao nao tingting blo iu abaotem teaching blo olketa false religion and samting wea olketa duim?

• Hao nao tingting blo Jehovah abaotem false religion?

• Wat nao God bae duim lo false religion?