O Del hino kamiben. Soske but vjeri, so phenen, hoj o Del hin lenca, keren igen bare nalačhipena? Bo hine falošna a oleha keren le Devleske ladž. Soha leske keren ladž? Sar pre lende dikhel o Del? So lenca kerela?

1) Sar keren falošna vjeri ladž le Devleske oleha, so sikhľaren?

Falošna vjeri „previsarde čačipen pal o Del pro klamišagos.“ (Rimanom 1:25) Len tumenge, ola vjeri na sikhľaren, savo hin Devleskero nav. Aľe e Biblija phenel, kaj te vakeras le Devleskero nav. (Rimanom 10:13, 14) Te pes ačhel trapišagos, but rašaja the pastora vakeren: „Ada pes ačhiľa, bo o Del oda avka kamelas“. Aľe hin oda avka? Na! Le Devlestar ňigda na avel o nalačhipen! (Pregen Jakub 1:13) Hin amenge phares, aľe oda, so vakeren a keren rašaja the pastora, odcirdňa imar but manušen le Devlestar.

2) Sar keren falošna vjeri ladž le Devleske oleha, so keren?

Rašaja the pastora na keren le manušenca šukares. Na keren oda, so kamel o Del Jehovas. E Biblija phenel, hoj kerde „imar ajci but bini, hoj te bi pes dinehas pre jekh kopa, dochudňahas dži andro ňebos.“ (Zjavenie 18:5) Imar but šela (stovki) berša o rašaja vakeren le politikenge andre oda, so te kerel. Tiš pes thoven andro maribena maškar o krajini. Hin lenge pro šero, keci but manuša hijaba (jevavales) mule. Varesave rašaja the pastora peske dživen igen rajikanes a mek cirden le manušendar o love. Olestar, so keren, sikaven, hoj čačes na prindžaren le Devles. Keren leske bari ladž. A mek pestar kerde vareso, so lendar o Del na kerďa. (Pregen 1. Jána 4:8)

3) Sar dikhel o Del pro falošna vjeri?

Te hin tuke nalačhes olestar, so keren o falošna vjeri, paľis sar hin le Jehovaske? O Jehovas igen rado dikhel le manušen. Vašoda hino tiš igen choľamen pro rašaja the pastora. Bo leske keren ladž a dukhaven le manušen. Diňa amenge peskero lav, hoj dojekh falošno vjera odčhivela a „imar ňigda adaj na ela.“ (Zjavenie 18:21) O Del so neksigeder odčhivela savore falošna vjeri. (Zjavenie 18:8)

 DODŽAN TUT BUTER

4) O Del na prilel savore vjeri

But manuša paťan, hoj vjeri hine sar droma u savore ľidžan ko jekh Del. Aľe hin oda čačipen? Pregen Matúš 7:13, 14 a vakeren jekhetane:

• So adaj genďal, savo drom ľidžal ko dživipen?

Mukh o VIDEJO a vakeren jekhetane.

• Hin andre Biblija, hoj but vjeri hine lačhe andre le Jehovaskere jakha?

 6) O Del kamel lačhe manušendar, kaj te omukhen falošno vjera

Pregen Zjavenie 18:4 a a paľis vakeren jekhetane:

• O Del kamel, kaj lačhe džene te omukhen vjera, so len na sikhľarel čačipen. A tu so bi kerehas?

7) Dureder sikhľuv pal o čačikano Del

Varesave manuša hine choľamen pro Del, bo peske mišľinen, hoj hino zajekh nalačhe vjerenca. Tu sar pre oda dikhes? Le tuke, hoj hin čhavo, savo na kamel te šunel peskere lačhe dades. Geľa lestar het a kerel le dadeske bari ladž. O dad našťi avri ačhel oda, so kerel. Na rado oda dikhel. Aľe o čhavo the avka furt dživel pal peskero. Soske na kamas te čhivel pro dad, sar dživel leskero čhavo?

• Soske na kamas te čhivel pro Jehovas oda, so nalačho keren o vjeri? Soske kamas dureder te sikhľol pal o Jehovas?

 SO SIKHĽIĽAM

Falošna vjeri keren ladž le Devleske oleha, so sikhľaren a oleha, save džungaľipena keren. O Del odčhivela savore falošna vjeri.

So bi phenehas

• Sar dikhes pre oda, so sikhľaren u so keren falošna vjeri?

• Sar pre lende dikhel o Jehovas?

• So lenca kerela o Del?