Mạeng Mawu kai kakěndagẹ̌, kawe nụe piạ lawọ kakanoạ dal᷊akị kẹ̌koatengu manga agama měngẹ̌ngaku měnẹ̌němbah si Sie? Sěběnarẹ̌e, manga agama ene kai palsu. I sire nakawuhụ arengu Mawu. Kerea manga agama ene nakawuhụ arengu Mawu? Kerea pěndangu Mawu soal u ene? Kụ apa sarung koatengu Mawu su manga agama ene?

1. Kerea agama palsu nakawuhụ arengu Mawu bọu manga těntirong i sire?

Agama palsu seng ”něnukarẹ̌ katěngadẹ̌ soal u Mawu dingangu konti”. (Roma 1:​25) Contone, kal᷊awokange agama palsu tawe něněntiro arengu Mawu su manga tumatol᷊ene. Sěmbal᷊ia, Alkitapẹ̌ naul᷊ị arengu Mawu harusẹ̌ paketang. (Roma 10:​13, 14) Pirang katau těmbonangu agama naul᷊ị mạeng piạ barang dal᷊akị nariadi, ene kai kapulung Mawu. Katewe, ene konti. Mawu bal᷊inẹ simbul᷊u barang dal᷊akị. (Basa Yakobus 1:13.) Konting manga agama ene, seng nakarau taumata bọu Mawu.

2. Kerea agama palsu nakawuhụ arengu Mawu bọu kakanoạ i sire?

Agama palsu tawe měkẹ̌koạ taumata kere cara Yehuwa. Alkitapẹ̌ naul᷊ị, ’Dosang [agama palsu] seng natampung mal᷊awọ sarang nakarating langị.’ (Wahyu 18:5) Hasụe su taunge, manga agama seng timol᷊e politikẹ̌, timol᷊e perang, dingangu nakakoạ lawọ taumata nipate. Pirang katau těmbonangu agama seng něbiahẹ̌ kere taumata kalạ, kụ i sire mědẹ̌dorong doitẹ̌ bọu manga tumatol᷊eng i sire. Kakanoạ i sire něnodẹ i sire běgang Mawu, hakị u ene i sire tawẹ apa hakẹ̌ měngaku měnẹ̌němbah Mawu.​—Basa 1 Yohanes 4:8.

3. Kerea pěndangu Mawu su agama palsu?

Mạeng manga hal᷊ẹ̌ nikoạ u agama palsu nakakoạ si kau nẹ̌pědu, tumuhụ si kau kerea pěndang i Yehuwa? Yehuwa makěndagẹ̌ su taumata, katewe i Sie pědu su manga těmbonangu agama apang nakawuhụ areng’E dingangu dal᷊akị měkoạ tumatol᷊eng i sire. Mawu nẹ̌diandi, agama palsu sarung ipakawinasa kụ ”i sie seng tawe kaěbakeng”. (Wahyu 18:21) Seng mal᷊ighạ, Mawu sarung mapakawinasa kěbị agama palsu.​—Wahyu 18:8.

 BANGKA PAKARAL᷊UNG

4. Tawe kěbị agama makal᷊uasẹ̌ Mawu

Lawọ taumata mangimang, manga agama ene mẹ̌sul᷊ungu dal᷊eng nẹ̌tatěntang kụ mahumpạ sarang Mawu. Katewe, apa ene nihino? Basa Matius 7:​13, 14, bọu ene bisarai kakiwal᷊o ini:

• Kerea Alkitapẹ̌ nělahẹ dal᷊eng sarang pěbawiahẹ̌?

Putarẹ̌ VIDEONE, bọu ene bisarai kakiwal᷊o ini.

• Apa Alkitapẹ̌ naul᷊ị piạ lawọ agama nakal᷊uasẹ̌ Mawu?

 6. Mawu mapulu mapakawebasẹ̌ taumata bọu agama palsu

Basa Wahyu 18:​4, * bọu ene bisarai kakiwal᷊o ini:

• Kerea pěndangu su tempong nakasingkạ Mawu mapulu mapakawebasẹ̌ taumata apang seng nikontiangu agama palsu?

7. Turusẹ̌e pěngěndung soal u Mawu nihino

Apa kakanoạ dal᷊akị nikoạu agama palsu ene nakapěngaruh pěndangu soal u Mawu? Kěnang pẹ̌tiněna piạ sěngkatau anạ esẹ tawe timuhụ si papạe. I sie limintụ bọu wal᷊e kụ někoạ lawọ barang dal᷊akị. I papạe tawe setuju dingangu kakanoạu anạe. Kawe nụe tawẹ adile mạeng mapẹ̌sal᷊ang i papạe ual᷊ingu kakanoạu anạe?

• Apa adilẹ̌ mạeng i kitẹ mapẹ̌sal᷊ang Yehuwa kụ měngědo měngěndung soal i Sie ual᷊ingu manga kakanoạu agama palsu?

 RINGKASAN

Agama palsu seng nakawuhụ arengu Mawu bọu těntiro nẹ̌sal᷊a dingangu kakanoạ dal᷊akị. Mawu sarung měminasa agama palsu.

Apa seng nikaěndungangu?

• Kerea pěndangu su těntiro dingangu kakanoạu agama palsu?

• Kerea pěndang i Yehuwa su agama palsu?

• Apa sarung koatengu Mawu su agama palsu?