NGÚERUÜ̃ 13
Nhuãcü yaõgüü̃tücumüneta Tupanana niĩgatchiẽẽ i duü̃ü̃gü?
Tchi Tupana tüü̃ nangetchaü̃gu, tüꞌcüü̃ muü̃ma tchieü̃gü yaõgütücumügü naügüü̃? Erü ngẽma natücumü i yaõgünetaü̃ niĩ, rü nüü̃ nanguꞌẽẽ i dora Tupanatchiga. Nhuãcü natücumü i yaõgüneta Tupanana tüü̃ iĩgatchiẽẽ ya duẽẽgü? Taꞌacü Tupana nagu narüĩnü i ngẽmatchiga? Taꞌacü tá Tupana naüü̃?
1. Nhuãcü yaõgüü̃tücumüneta norü ngúetaegagu i duü̃ü̃gü Tupanana niũgatchiẽẽ?
Rü yaõgüü̃tücumüneta dorama nananguꞌẽẽ rü tama aicumaü̃ma. (Romacü̃ãꞌ 1:25) Cuaꞌãtchiruü̃ i Tupanaégatchiga tama nanguꞌẽẽ, notürü Tupanaarü Ore nanguꞌẽẽ na Tupanaéga rü nameẽtchiü̃ nüü̃ icuaꞌeü̃. Ngẽguma tchieü̃ nangupetügu rü nümaü̃ i paigü rü ãẽꞌgacügü i yaõgü nüü̃ niu: “Ngẽma Tupanaarü ngútchaü̃ niĩ.” Notürü ngẽma dora niĩ. (Romacü̃ãꞌ 10:13, 14) Tupana taguma i taꞌacü tchieü̃ naü. (Nawa naugütae Tiagu 1:13.) Nhaa doragügagu i duü̃ü̃gü Tupanana niĩgatchiẽẽ.
2. Nhuãcü yaõgüü̃tücumüneta ngẽma naügüü̃gagu i duü̃ü̃gü Tupanana niĩgatchiẽẽ?
Rü Tupanaarü Ore nüü̃ niu na yaõgüü̃tücumünetaarü pecadugü “rü nügüétüwa narünucue, rü marü dauü̃guü̃ i naanewa nangu”. (Apocaríchiu 18:5) Muü̃ma i taunecügu i ãẽꞌgacü i yaõgüü̃ napuracüe i puritchicamaã rü nuü̃ narüngü̃ẽẽ i gueragü rü nagagu muü̃tchiü̃ i duü̃ü̃gü nayueü̃. Rü nümaü̃ i ãẽꞌgacügü i yaõgüü̃ namuarü dĩẽruãgü rü nüü̃ nameẽtchi, rü guü̃ma i ngẽma dĩẽrugagu i yaõgüü̃tücumücü̃ãꞌ. Rü ãẽꞌgacügü i yaõgüü̃ nüü̃ niugü na Tupanaarü ngútchaü̃ naügüü̃ notürü Yeuwarüü̃ tama meã duü̃ü̃güna nadau. Aicuma niĩ nümagü tama Tupanaü̃ nacuaꞌgüü̃. — Nawa naugütae 1 Juã́ũ 4:8.
3. Taꞌacü Tupana nagu narüĩnü i yaõgüü̃tücumütchigaü̃?
Yeuwa nanu yaõgüü̃tücumünetamaã erü ngẽma tama nüna nadau i norü duü̃ü̃gü rü ngẽmaãcü Tupanana tüü̃ niĩgatchiẽẽ. Yeuwa duü̃ü̃güü̃ nangetchaü̃ü̃tchi. Ngẽmacaꞌ namaã nanauegu na paama narüoẽ tá i yaõgüü̃tücumüneta rü “tagutáma teé wena cuü̃ nadauü̃”. — Apocaríchiu 18:8, 21.
YEERA NÜÜ̃ CUCUAꞌ
Ngĩã nüü̃ tadau i ngúeruü̃wa: (1) Taꞌacü Tupana nagu narüĩnü i yaõgüü̃tücumünetatchiga? (2) Taꞌacü ga yaõgüü̃tücumüneta naügü gutchinütchireü̃? (3) Rü tüꞌcüü̃ cuma rü tama ícuyange i taꞌacü i ngẽma naü rü ngẽmagagu cuma rü tama ícuyatchaãtchi na nüü̃ cucuaꞌtchaü̃ i Yeuwatchiga?
4. Tupana tama nanayau guü̃ma yaõgüü̃tücumügü
Muü̃ma i duü̃ü̃gü nagu narüĩnüe na yaõgüü̃tücumügü yiĩgü i ngẽma namagü i toraü̃ü̃gü tanaĩmare Tupanacaꞌ. Eꞌna ngẽma aicuma niĩ? Nawa naugütae Mateu 7:13, 14. Yicama pegümaã pideagü ngẽmatchiga:
-
Taꞌacü i Tupanaarü Ore nüü̃ niu natchiga nama i maü̃caꞌ?
Nüü̃ cudau i VÍDEO. Yicama pegümaã pideagü ngẽmatchiga:
-
Eꞌna Tupanaarü Orewa nüü̃ niu na guü̃ma yaõgüü̃tücumügü Tupana nanayauü̃?
5. Rü yaõgüü̃tücumüneta tama nanaweꞌ i Tupanaarü ngetchaü̃
Rü yaõgüü̃tücumü rü Tupanana niĩgatchiẽẽ i duü̃ü̃gü. Ngẽmagagu i tchieü̃gü naügüü̃ wüi cuaꞌãtchiruü̃ i gueragüü̃ narüngü̃ẽẽ. Nüü̃ cudau i VÍDEO. Yicama pegümaã pideagü ngẽmatchiga:
-
Taꞌacü muü̃ i yaõgüü̃tücumügü naügüü̃ Norü Tare Guera Guã i Naanewa?
-
Taꞌacügu curüĩnü i ngẽmatchiga?
Nawa naugütae Juã́ũ 13:34, 35 rü 17:16. Yicama pegümaã pideagü ngẽmatchiga:
-
Ngẽguma yaõgüü̃tücumügü i gueragüü̃ narüngü̃ẽẽgu, i taꞌacü Yeuwa nagu narüĩnü i ngẽmatchiga?
-
Rü yaõgüü̃tücumüneta muü̃tchi i tchieü̃gü nanaügüü̃ rü ngẽmaãcü tama nanaweꞌ i Tupanaarü ngetchaü̃, taꞌacü marü nüü̃ cudau i ngẽmatchiga?
Rü yaõgüü̃tücumüneta tama nanaweꞌ i Tupanaarü ngetchaü̃
6. Tupana nanawaꞌe i duü̃ü̃güü̃ narüngü̃ẽẽ i yaõgüü̃tücumünetana niĩgatchiẽẽ
Nawa naugütae Apocaríchiu 18:4. a Yicama pegümaã pideagü ngẽmatchiga:
-
Rü yaõgüü̃tücumüneta duü̃ü̃güü̃ nawomüẽẽgü. Rü ngẽmacaꞌ Tupana nanawaꞌe i duü̃ü̃güü̃ narüngü̃ẽẽ i yaõgüü̃tücumünetana niĩgatchiẽẽ, taꞌacü nagu curüĩnü i ngẽmatchiga?
7. Rü Tupanatchiga aicumacü nacaꞌ cunguꞌama
Eꞌna taꞌacü i yaõgüü̃tücumüneta tchieü̃ naügüü̃ rü ngẽma cuü̃ Tupanana quiũgatchiẽẽ? Nagu curüĩnü, wüi papa naneü̃ naucuꞌẽ notürü nüma tama nanatüga naĩnü, rü ngẽma nane ínaũũ rü tchieü̃ naüü̃ tá. Rü taꞌacü nane naüü̃ rü nanatücaꞌ tama name. Rü nhuꞌmatchi nane tchieü̃ naü, eꞌna nanatügagu niĩü̃?
-
Eꞌna Yeuwagagu niĩ ngẽma yaõgüü̃tücumüneta tchieü̃ naüü̃gü? Rü ngẽmagagu tá ícuyatchaãtchi cunguꞌ?
NÜMAÜ̃ DUÜ̃Ü̃GÜ NÜÜ̃ NIU: “Guü̃ma yaõgüü̃tücumügü name erü guü̃ma Tupanaü̃icatama nicuaꞌüü̃güü̃.”
-
Taꞌacü nagu curüĩnü i ngẽmatchiga?
-
Woo muü̃ma i yaõgüü̃tücumü nüü̃ niu na Tupanaü̃ nicuaꞌüü̃güü̃, tüꞌcüü̃ Tupana tama nanayau guü̃ma yaõgüü̃tücumügü?
TAꞌACÜ MARÜ NÜÜ̃ CUCUAꞌ?
Rü yaõgüü̃tücumüneta rü Tupanana nayaĩgatchiẽẽ i duü̃ü̃gü. Rü ta tchieü̃caꞌ nananguꞌẽẽ rü tchieü̃ naügü. Rü Tupana nanaoẽẽ ta ngẽma yaõgüü̃tücumüneta.
Ngeü̃rüüü̃ i curü ngãü̃?
-
Taꞌacü nagu curüĩnü yaõgüü̃tücumünetatchiga nanguꞌẽẽgagu rü naügügagu?
-
Taꞌacü Yeuwa nagu narüĩnü i yaõgüü̃tücumünetatchiga?
-
Taꞌacü tá Tupana nanaü i yaõgüü̃tücumünetamaã?
YEERA NACAꞌ NADAU
Nüü̃ nadau tare nacümagü na yaõgüü̃tücumüneta tama i Tupanaarü ngútchaü̃ naügüü̃.
“Guü̃ma yaõgüü̃tücumügü name niĩ? Eꞌna guü̃ma i ngẽma Tupana nanayau?” (Artchigu sitewa: jw.org)
Tüꞌcüü̃ Yeuwa nanawaꞌe na togümaã wüigu nüü̃ ticuaꞌüü̃?
“Eꞌna tanawaꞌegü wüi yaõgüü̃tücumücü̃ãꞌ?” (Artchigu sitewa: jw.org)
Nüü̃ nadau i ore wüi paitchiga na nayema muü̃ma cagü norü yaõgüü̃tücumütchiga. Notürü tama nüü̃ narütchau rü nacaꞌ nadau i aicumaü̃ Tupanatchiga.
“Tüꞌcüü̃ wüi pai norü tupauca ínayataꞌ?” (Nacaꞌ idautchi!, fewereru 2015gu)
Muü̃tchi taunecügu i yaõgüü̃tücumügü nüü̃ niu doragü i Tupanatchiga. Ngẽmagagu muü̃ma duü̃ü̃gügu narüĩnü na Tupana natchiecüma rü tama nacaꞌ nagutchaãẽü̃. Nüü̃ cucuaꞌ i aicuma ngẽma tamaeꞌpüꞌ i doratchiga.
“Doragü na Tupanana niĩgatchiẽẽ i duü̃ü̃gü” (Dauü̃taecü, 1 nowẽbruarü 2013gu)
a Rü Tupanaarü Ore nüü̃ niu na yaõgüü̃tücumüneta wüi ngeü̃rüü̃ yiĩü̃ rü naãégaü̃ i taü̃ne ya Babiróniã. Nüü̃ nadau nawa Meã nüü̃ nacuaꞌ 1.
