God i lab. Bat aukam ol rilizan meke plenti nugudting, ane ol akt wase dempla tok ane wok po God? Dem rilizan i laiwan. Dempla tise ol rong aidia baut God, prom wanem ol i spik ane mekem. Wiskain wei ol i lai baut God? Wiskain God pil baut dis? Ane wanem God go mekem po dem rilizan?

1. Wiskain ol laia rilizan lai baut God wea ol tising blo dempla?

Ol laia rilizan “nomo bin wande bilib da trutok blo God, dempla bin mata bilib ol laitok.” (Rom 1:25) Plenti rilizan no tise neim blo God po pipol uda pole dempla. Bat, da Baibol spik yumi mas yuze neim blo God. (Rom 10:13, 14) Sam bigman blo rilizan spik wen ol nugudting i apen, God bin wande demting po apen. Bat, datwan i lai. God kan meke nugudting. (Rid Zemes 1:13.) Sorewan, dem lai blo rilizan, meke pipol stap longwei prom God.

2. Wiskain ol laia rilizan lai baut God prom wanem ol i mekem?

Laia rilizan no trite pipol wase Zeoba trite pipol. Da Baibol spikbaut laia rilizan dat “ebridem sin blo em i mina bigwan, ol i ipemap go antap kese eben.” (Rebaleisan 18:5) Po mina longtaim prom bipotaim, ol rilizan bin zoin wea ol politik samting, ol i blese woa, dempla meke trabol ane ol bin gri wea ol kiling blo nadakain plenti pipol. Sam lida blo rilizan i gridi po mani prom demwan uda pole dempla, bikoz ol wande gede demplaselp olkain plas samting po stail. Wei blo dempla prube ol prapa no sabe God, so ol nogad rait po tis baut em o lide pipol po em.​—Rid 1 Zon 4:8.

3. Wiskain God pil baut ol laia rilizan?

Ip yu pil wail prom wanem dempla i mekem, wiskain yu tingk Zeoba mas pil? Em labe pipol, bat em wail wea dem lida blo rilizan, uda lai baut em ane trite pipol nugudwei. Em promis em go distroi ol laia rilizan ane “dempla nogo luk yu gen.” (Rebaleisan 18:21) I no long nau, God go pinis ebridem laia rilizan.​—Rebaleisan 18:8.

 TINGBAUT MO NAU

4. God no gri po gad olkain rilizan

Plenti pipol bilib dat ol rilizan i wase ol dipren rod dat gopo God. Bat i tru a? Rid Matiu 7:13, 14 NWT, ane tokbaut dis kwestin ya:

• Wiskain da Baibol tokbaut da rod po kese longlaip poeba?

Plei da BIDYO, ane tokbaut dis kwestin ya.

• Wiswei, Baibol spik olkain rilizan ken plize God a?

 6. God wande seibe pipol prom ol laia rilizan

Rid Rebaleisan 18:4, a ane tokbaut dis kwestin ya:

• Wiskain yu pil nau yu sabe God wande seibe demwan uda ol laia rilizan bin blape dempla?

7. Kipgo ane lan mo baut da tru God

Mas dem nugudting ol laia rilizan i spik ane mekem, seinze wiskain yu tingbaut God? Tingbaut wan boi uda tanewei prom da waiztok papa blo em bin gibe em. Da boi bin libe aus ane pole mina nugudlaip. Da papa no gri wea wanem da boi bin mekem. Aukam i no rait po bleime da papa, po wanem da stronged boi mekem wea em laip?

• So, yu tingk i rait po bleime Zeoba ane stap prom lanbaut em bikoz ol nugudting ol laia rilizan i mekem?

 WANEM YU BI LAN

Ol laia rilizan bin lai baut God wea ol tising blo dempla ane ol nadakain rongting ol i mekem. God go distroi ol laia rilizan.

Wiskain Yu Go Spik

• Wiskain yu pil baut wanem ol laia rilizan i tis ane wanem ol i mekem?

• Wiskain Zeoba pil baut ol laia rilizan?

• Wanem God go mekem po ol laia rilizan?