Toj lek snaʼ xkʼanvan li Diose, pe ¿kʼu yuʼun oy relijionetik ti ep kʼusitik chopol tspasik akʼo mi chchanubtasvanik ta sventa li Diose? Jaʼ ta skoj ti jaʼik jecheʼ relijione. Ta skoj ti tsjutik kʼop xchiʼuk li kʼusitik tspasike, sokesojbeik˗o skʼoplal li Diose. ¿Kʼutik yelan spasojik? ¿Kʼu van yelan chaʼi sba yuʼunik? Xchiʼuk ¿kʼusi tspas Dios ta stojolal li relijionetik taje?

1. ¿Kʼuxi sokesojbeik skʼoplal Dios ta skoj li kʼusi chakʼik ta chanele?

Li jecheʼ relijionetike sjelojik ta jutbil kʼop «li kʼusi melel ta sventa Diose» (Romanos 1:25). Yuʼun epal relijionetike muʼyuk jamal chalbeik krixchanoetik kʼusi sbi li Diose. Pe li Vivliae chal ti skʼan jtunesbetik li sbi Diose (Romanos 10:13, 14). Junantik jnitvanejetik ta relijione chalik ti jaʼ la jech tskʼan yoʼonton kʼalal oy kʼusi chopol chkʼot ta pasele. Pe taje maʼuk melel, yuʼun maʼuk ta smul li kʼusitik chopol chkʼot ta pasele (kʼelo Santiago 1:13). Ta skoj ti vaʼ yelan chchanubtasvanike, ep buchʼutik namajemik ta stojolal li Diose.

2. ¿Kʼuxi sokesojbeik skʼoplal Dios ta skoj li kʼusitik tspasike?

Li Jeovae chkʼuxubin li krixchanoetike, pe li jecheʼ relijionetike muʼyuk jech tspasik. Li Vivliae chal ti stsoboj xa sba li smulike, yuʼun «kʼotem xa kʼalal to ta vinajel» (Apokalipsis 18:5). Li relijionetike voʼne xa tajek ti stikʼoj sbaik ta politikae, tskolta sbaik ta paskʼop xchiʼuk jaʼ ta smulik ti yichʼoj milel epal krixchanoetike. Junantik jnitvanejetik ta relijione jkʼulejik tajek xchiʼuk tsujik ta yakʼel takʼin li buchʼutik chkʼotik ta stemploike. Skotol li kʼusitik tspasike chakʼik ta ilel ti mu xojtikinik li Diose. Jaʼ yuʼun, mu xuʼ xkaltik ti jaʼ chtunesatik yuʼun li Diose (kʼelo 1 Juan 4:8).

3. ¿Kʼu yelan chaʼi sba Dios ta skoj li kʼusi tspas li jecheʼ relijionetike?

Mi chopol chavil li kʼusitik tspas li jecheʼ relijionetike, ¡nopo noʼox avaʼi kʼu yelan chaʼi sba li Jeovae! Skʼanoj krixchanoetik li Diose, pe ilinem ta stojolal li jnitvanejetik ta relijione, yuʼun tsokesbat skʼoplal xchiʼuk chilbajinik li xchiʼiltakik ta chʼunolajele. Li Diose jamal chal ti tslajesbe skʼoplal li jecheʼ relijionetike, «vaʼun mi jaʼuk xa bu chichʼ tael» (Apokalipsis 18:21). Jutuk xa tajek skʼan slajesbe skʼoplal (Apokalipsis 18:8).

 JCHANTIK TO BATEL MAS

4. Li Diose muʼyuk lek chil li yan relijionetike

Ep krixchanoetike tsnopik ti lek skotol li relijionetike, yuʼun xkoʼolaj la ta beetik ti chakʼ onoʼox kojtikintik li Diose. Pe ¿mi melel van taje? Kʼelik Mateo 7:13, 14 xchiʼuk albeik skʼoplal li sjakʼobil liʼe:

• Jech kʼuchaʼal chal li tekstoe, ¿kʼu la yelan li sbelel kuxlejale?

Kʼelik li VIDEOE xchiʼuk albeik skʼoplal li sjakʼobil liʼe:

• ¿Mi chal Vivlia ti lek chil skotol relijionetik li Diose?

 6. Li Diose tskʼan tskolta lokʼel krixchanoetik li ta jecheʼ relijione

Kʼelik Apokalipsis 18:4 a xchiʼuk albeik skʼoplal li sjakʼobil liʼe:

• Li Diose tskʼan tskolta lokʼel li buchʼutik loʼlabilik yuʼun li jecheʼ relijione. ¿Kʼu yelan chavaʼi taje?

7. Jechuk-o xavojtikin li melel Diose

Li kʼusitik chopol tspasik xchiʼuk chalik li jecheʼ relijionetike, ¿mi chopol xa kʼusi chlik anop ta stojolal li Dios eke? Nopo avaʼi ta stojolal jun nichʼonil ti mu xchʼun li mantal ch˗akʼbat yuʼun stote, chlokʼ batel ta sna xchiʼuk chlik spas li kʼusitik chopole. Li totile muʼyuk lek chil li kʼusi tspas xnichʼone. ¿Mi lek van ti jaʼ xkakʼbetik smulin li totil ta skoj li kʼusi tspas xnichʼone?

• ¿Mi lek van ti xkakʼbetik smulin Jeova xchiʼuk ti xkiktatik-o ta skoj li kʼusitik chopol tspas li jecheʼ relijionetike?

 ¿KʼUSI LA ACHAN?

Li jecheʼ relijionetike sokesojbeik skʼoplal Dios ta skoj li kʼusitik chakʼik ta chanele xchiʼuk li kʼusitik chopol spasojike. Jaʼ yuʼun, li Diose poʼot xa slajesbe skʼoplal.

Svulesobil ta joltik

• ¿Kʼu yelan chavil li kʼusitik spasojik xchiʼuk li kʼusi chakʼik ta chanel li jecheʼ relijionetike?

• ¿Kʼu van yelan chil Jeova li jecheʼ relijionetike?

• ¿Kʼusi tspas Dios ta stojolal li jecheʼ relijionetike?