13-ТӤ УРОК
Кызьы зэмос луисьтэм религия Инмарез сантэма
Инмар — со яратон ке, соку малы религиос, кудъёсыз верало, Инмарлэсь кылзӥсько шуыса, сомында лек ужъёс лэсьто? Малы ке шуоно со религиос зэмос ӧвӧл. Соос Инмар сярысь пӧяса дышето. Кызьы соос пӧяло? Кызьы со шоры учке Инмар? Мар со кароз?
1. Кызьы зэмос луисьтэм религия аслаз дышетонъёсыныз Инмарез сантэма?
Зэмос луисьтэм религия Инмар сярысь зэмлыклэсь палэнэ кожиз (Римъёслы 1:25). Кылсярысь, тросэз религиос уг дышето, Инмарлэн нимыз вань шуыса. Нош Библия верамъя, Инмарлы нимызъя вазиськыны кулэ (Римъёслы 10:13, 14). Куке кыӵе ке шуг-секытъёс кылдо, священникъёс верало, Инмарлы озьы кулэ вал шуыса. Но со пӧяськон. Визь сынаськонъёс но шуг-секытъёс Инмар бордысь уг пото. (Лыдӟе Иаковлэсь 1:13.) Жаляса верано луэ, священникъёс пӧяськемен сэрен, тросэз адямиос Инмарлэсь палэнско.
2. Кызьы зэмос луисьтэм религия аслаз ужъёсыныз Инмарез сантэма?
Зэмос луисьтэм религия адямиосын ассэ Иегова кадь уг возьы. Библиын верамын: «Солэн сьӧлыкъёсыз Инмозь вуизы» (Усьтӥськон 18:5). Трос дауръёс ӵоже ини религиос кивалтӥсьёсты ас киязы возё но ожъёсты нуыны юртто. Зэмос луисьтэм религиен сэрен трос адямиос бырыны шедизы. Куд-ог священникъёслы кельше узыр улыны, соин ик соос черке ветлӥсьёслэсь коньдонзэс кыско. Сыӵе ужъёсынызы соос возьмато, Инмарез чик уг тодо шуыса. Соослэн правозы ӧвӧл вераны, соосты Инмар пуктӥз шуыса. (Лыдӟе 1 Иоаннлэсь 4:8.)
3. Кызьы Инмар зэмос луисьтэм религия шоры учке?
Зэмос луисьтэм религилэн ужъёсыз шоры учкыса, тӥляд вожды потэ ке, соку кызьы Иегова учке солэн ужъёсыз шоры? Со яратэ адямиосты но солэн туж вожез потэ, священникъёс со сярысь пӧяса верало но асьсэды адямиосын туж урод возё шуыса. Иегова кылзэ сётэ, зэмос луисьтэм религия пырак ӵожелы быдтэмын луоз шуыса (Усьтӥськон 18:21). Ӝоген Инмар вань зэмос луисьтэм религиосты быдтоз (Усьтӥськон 18:8).
МУРГЕС ЭСКЕРЕ
Тросгес тодэ, кызьы Инмар зэмос луисьтэм религия шоры учке. Озьы ик тодэ зэмос луисьтэм религилэн ужъёсыз сярысь но со сярысь, малы лэзёно ӧвӧл, солэн ужъёсыз Иегова сярысь тодыны мед люкетозы шуыса.
4. Вань религиос Инмарлы уг ярало
Тросэз адямиос малпало, религиос — со пӧртэм сюресъёс шуыса, кудъёсыз Инмар доры нуо. Но озьы-а со? Лыдӟе Матфейлэсь 7:13, 14 но та юанлы валэктон сётэ:
-
Библия верамъя, кыӵе сюрес улонэ нуэ?
Учке ВИДЕОРОЛИКЕЗ но та юанлы валэктон сётэ:
-
Вера-а Библия, Инмарлы вань религиос ярало шуыса?
5. Зэмос луисьтэм религия Инмарлэсь яратэмзэ уг возьматы
Зэмос луисьтэм религия Инмарез сантэма. Кылсярысь, со туж яркыт адӟиське, куке со ожъёсы пыриське. Учке ВИДЕОРОЛИКЕЗ но та юанъёслы валэктонъёс сётэ:
-
Мар каризы тросэз черкъёс Кыкетӥ дунневыл ож дыръя?
-
Мар тӥ малпаськоды соослэн ужъёссы сярысь?
Лыдӟе Иоаннлэсь 13:34, 35 но 17:16. Собере та юанъёслы валэктонъёс сётэ:
-
Тӥ малпамъя, кызьы учке Иегова религиослэн ожъёсы пыриськемзы шоры?
-
Зэмос луисьтэм религия трос секыт йыружъёс лэсьтэ. Со уг возьматы, Инмар яратӥсь шуыса. Кыӵе ужъёсысьтыз со адӟиське?
Зэмос луисьтэм религия Инмарлэсь яратэмзэ уг возьматы
6. Инмарлэн потэ, адямиос зэмос луисьтэм религиысь мед потозы шуыса
Лыдӟе Усьтӥськонэз 18:4 a но та юанлы валэктон сётэ:
-
Инмарлэн юрттэмез потэ адямиослы, кудъёссэ зэмос луисьтэм религия пӧяз. Кыӵе шӧдонъёсты тӥляд кылдо, тае тодыса?
7. Азьланяз но зэмос Инмар сярысь тодон-валан басьтэ
Зэмос луисьтэм религилэн ужъёсыз шоры учкыса, луэ-а вераны, кыӵе со Инмар? Пуктэ син азяды таӵе учырез. Пиез, атаезлэсь кылзӥськытэк, дорысьтыз кошке но урод ужъёс лэсьтыса улыны кутске. Атаезлы пиезлэн озьы улэмез уг кельшы. Шонер луоз-а пиезлэн ужъёсыз понна атайзэ янгыше уськытыны?
-
Шонер-а Иеговаез янгыше уськытыны со понна, мар лэсьтэ зэмос луисьтэм религия? Малы зэмос луисьтэм религилэн ужъёсыз милемлы люкетыны кулэ ӧвӧл Иегова сярысь тодон-валан басьтыны?
КИН КЕ НО ВЕРАНЫ БЫГАТОЗ: «Эн вералэ мыным религия сярысь. Соос ваньзы пӧясько».
-
Мар тӥ малпаськоды та пумысен?
-
Малы, зэмос луисьтэм религилэн ужъёсыз шоры учкыса, уг луы вераны, кыӵе со Иегова?
ТОДЭ ВАЁН
Зэмос луисьтэм религия аслаз дышетонъёсыныз но лек йыружъёсыныз Инмарез сантэма. Инмар зэмос луисьтэм религиез быдтоз.
Мае тон тодӥд?
-
Мар тӥ малпаськоды зэмос луисьтэм религилэн ужъёсыз но дышетонъёсыз сярысь?
-
Кызьы учке Иегова зэмос луисьтэм религия шоры?
-
Мар кароз Инмар зэмос луисьтэм религиен?
ТРОСГЕС ТОДЭ
Тодэ, кызьы тросэз религиос Инмарез сантэмало.
«Ваньмыз-а религиос Инмар доры нуо?» (jw.org сайтысь статья)
Малы Иеговалэн потэ, ми солы мукет адямиосын ӵош мед йыбыртъяломы шуыса?
«Кулэ-а оскись адямилы кыӵе ке религиозной организация пӧлы пырыны?» (jw.org сайтысь статья)
Одӥг священник малпаны кутскиз, солэн религиез шонер уг дышеты шуыса. Озьы ке но со Инмар сярысь зэмлыкез утчамысь ӧз дугды.
«Малы священник черкысьтыз кошкиз» («Сайкалэ!», 2015-тӥ ар, тулыспал)
Дауръёс ӵоже религиос Инмар сярысь пӧяса дышетӥзы. Соин адямиос малпаны кутскизы, Инмар адямиосты уг яраты шуыса. Тодэ, кызьы Библия возьматэ, со зэм ӧвӧл шуыса.
«Малы куд-огъёсызлы Инмарез яратыны секыт» («Возьмаськон башня», 2013-тӥ ар, 1-тӥ шуркынмон)
a Со сярысь, малы Усьтӥськон книгаын зэмос луисьтэм религия сярысь «Быдӟым Вавилон» нимо кышномурт сярысь кадь верамын, тодыны луоз 1-тӥ ватсам валэктонысь.
