Pa Dios nga guendarannaxhii ne ca religión ca rusiidicaʼ ne rúnicaʼ stale cosa lu labe, ¿xiñee rúnicabe stale cosa ni cadi jneza yaʼ? Purtiʼ nácacabe religión ni qué rusiidiʼ ni dxandíʼ. Pur modo rusiguiicabe binni ne guiráʼ ni rúnicabe runi biidicabe lá Dios. ¿Ximodo runi biidicabe lá Dios yaʼ? ¿Ximodo runi sentir Dios pur guiráʼ ni rúnicabe yaʼ? ¿Ne xi chiguni Dios para guni chaahuiʼ ni yaʼ?

1. ¿Ximodo rucaacabe binni guiníʼ ique ni cadi dxandíʼ de Dios pur ni rusiidicabe?

Ca religión ni qué rusiidiʼ ni dxandíʼ ca qué «runi crécabe ni dxandíʼ de Dios» lugar de nga la? runi crécabe «ni cadi dxandíʼ de laabe» (Romanos 1:​25). Stale religión qué rusiidicaʼ binni tu láʼ Dios. Peru Biblia rusiidiʼ risaca nga iquiiñenu labe (Romanos 10:​13, 14). Ne ora rizaaca xiixa desgracia, ca líder stiʼ ca religión ca riniʼcaʼ bizaaca ni purtiʼ nga nga ná Dios. Peru cadi dxandíʼ ni. Purtiʼ qué gapa Dios donda pur guiráʼ cosa malu ni rizaaca (biindaʼ Santiago 1:​13). Triste guininu ni, peru pur ni rusiidicabe rucaacabe binni guixeleʼ de Dios.

2. ¿Ximodo rucaacabe binni guiníʼ ique ni cadi dxandíʼ de Dios pur ni rúnicabe?

Ca religión ni qué rusiidiʼ ni dxandíʼ, qué runi tratarcaʼ binni casi modo runi tratar Jehová binni. Sicaríʼ ruzeeteʼ Biblia de religión ni qué rusiidiʼ ni dxandíʼ: «Maʼ guca montón guiráʼ pecadu stini dede maʼ yendani guibáʼ» (Apocalipsis 18:5). Maʼ xadxí nga de riuu ca religión ca lu política, runi apoyarcaʼ guerra ne runi laacaʼ huayati stale binni. Ne cumu riuulaʼdxiʼ ca líder stiʼ ca religión ni qué rusiidiʼ ni dxandíʼ gácacaʼ ricu ne gápacaʼ stale luju la? rinábacaʼ ca xpínnicaʼ bueltu. Pur ni rúnicabe rusihuínnicabe qué runibiáʼcabe Dios. Nga runi, qué gápadicabe derechu de guiníʼcabe o gúnicabe xiixa lu lá Dios (biindaʼ 1 Juan 4:8).

3. ¿Ximodo runi sentir Dios ora ruuyaʼ guiráʼ ni runi ca religión ni qué rusiidiʼ ni dxandíʼ?

Pa ridxiichiluʼ ora ruuyaluʼ guiráʼ ni runi ca religión ni qué rusiidiʼ ni dxandíʼ, ¡bixuiʼlú ximodo runi sentir Jehová! Laabe nadxiibe binni peru cadxiichinebe ca líder stiʼ ca religión ca purtiʼ cayuni biidicaʼ labe ne cadi galán modo runi tratarcaʼ binni. Cayabi Dios laanu zunitilú guiráʼ religión ni qué rusiidiʼ ni dxandíʼ ne maʼ «qué ziuuruʼ dxi guihuinni» (Apocalipsis 18:​21). Maʼ cadi candaa zanitilú guiráʼ religión ni qué rusiidiʼ ni dxandíʼ (Apocalipsis 18:8).

 GUIZÍʼDIRUNU JMA

4. Cadi guiráʼ diʼ religión nga ruuyaʼ Dios jneza

Stale binni ná zanda cuiluʼ intiica religión purtiʼ guirácani ruchíñacani binni ra nuu Dios. Peru ¿ñee dxandíʼ nga la? Laguundaʼ Mateo 7:​13, 14 ne laiquiiñeʼ pregunta riʼ para güitu diidxaʼ:

• Casi ná Biblia, ¿ximodo nga neza ni zeʼ lu guendanabani?

Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:

• ¿Ñee rusiidiʼ Biblia jneza ruuyaʼ Dios guiráʼ religión la?

6. Racalaʼdxiʼ Dios guiree binni de ndaaniʼ ca religión ni qué rusiidiʼ ni dxandíʼ

Laguundaʼ Apocalipsis 18:4 a ne laiquiiñeʼ pregunta riʼ para güitu diidxaʼ:

• Racalaʼdxiʼ Jehová gacané guiráʼ binni ni huayuniná ca religión ni qué rusiidiʼ ni dxandíʼ. ¿Ximodo ruuyaluʼ ni racalaʼdxiʼ Dios guni?

7. Cadi gusaana de guiziidiluʼ de Dios ni dxandíʼ

Neca runi ca religión ni qué rusiidiʼ ni dxandíʼ stale cosa malu, ¿xiñee cadi naquiiñeʼ guchaaluʼ modo riníʼ íqueluʼ de Dios? Bixuiʼlú ti hombrehuiiniʼ ni qué naʼ guzuubaʼ stiidxaʼ bixhoze, ngue runi biree de ra lidxi ne biʼniʼ cosa ni cadi jneza. Peru qué riuulaʼdxiʼ bixhózebe ni rúnibe. Yanna, ¿ñee jneza nga ugáʼninu donda ique bixhózebe pur ca cosa malu rúnibe la?

• ¿Ñee jneza nga ugáʼninu donda ique Jehová pur ca cosa ni cadi jneza runi ca religión ni qué rusiidiʼ ni dxandíʼ ne pur nga gusaana de guizíʼdinu de laabe la?

 XI BIZÍʼDINU

Maʼ biʼniʼ biidiʼ ca religión ni qué rusiidiʼ ni dxandíʼ lá Dios pur ca ni rusiidicaʼ ne pur ca cosa malu ni huayúnicaʼ. Maʼ qué zandaa zunitilú Dios laacabe.

Xi biziidiluʼ

• ¿Ximodo ruuyaluʼ ni rusiidiʼ ne ni runi ca religión ni qué rusiidiʼ ni dxandíʼ?

• ¿Ximodo ruuyaʼ Jehová ca religión ni qué rusiidiʼ ni dxandíʼ?

• ¿Xi zuni Dios ca religión ni qué rusiidiʼ ni dxandíʼ?