Cheʼ Dios nakeʼ yelarheke, bixhkieʼ beneʼ rnheke rheanelachhike leʼ chi bhenke tazian taxhinaj. Tan naka yelarheanelachhi uxhiyee. Lhen tan rnheke kan lhen tan rhonke chi bkanditajke ló Dios. Nákaʼ chi bhenke. Nákaʼ rhaka ki Dios katiʼ rlenhe kanha rhonke. Bi gonhe.

1. Nákaʼ chi bkanditajke ló Dios lhen tan rseediekeneʼ

Yelarheanelachhi uxhiyee chi botzaake «talí ki Dios lhen uxhiyee» (Romanos 1:​25). Kanho, ku rseediekene nákaʼ rziʼló Dios. Sanlhe, lo Biblia rnhe rkin ugonherhachhin laweʼ (Romanos 10:​13, 14). Balakeʼ rnheke katiʼ rhaka to taxhinaj Dios goonhene gaka kan. Sanlhe ku naka lí tan rnhekenhaʼ. Leʼ bebata napeʼ dolaʼ ki ta malha rhaka (blaba Santiago 1:​13). Rhon bayechi inherha, uxhiyee kan chi bhen ga beneʼ zian suake zitoʼ lhen Dios.

2. Nákaʼ chi bkanditajke ló Dios lhen tan rhonke

Yelarheanelachhi uxhiyee be rleʼ benachi kanha rleʼ lhekeʼ Jeobá, Biblia rnhe: «dolaxhguiaʼ kieke chi bchhin yibathe» (Apocalipsis 18:5). Yelarheanelachhi uxhiyee zeaj gayoane yiza rgotza kieke lo política, rdakeʼ dila, rhotike beneʼ o rdeke lataj gati beneʼ zian. Bala beneʼ nacheke gnerho lo religión, tazian ta napakeʼ lhen rnabake domiʼ ki beneʼ rhedobike lhen lhekeʼ na kan seke kixhajke derha ta rgonkenhechhin. Kaʼ rhonke rlueʼ besla nombheke Dios. Lhekaʼ, a waka inherha rhonke tan rnaba Dios (le ulaba 1 Juan 4:8).

3. Nákaʼ rhaka ki Dios katiʼ rlenhe tan rhon yelarheanelachhi uxhiyee

Cheʼ lueʼ ku rheyolachhiloʼ ta rhon yelarheanelachhi uxhiyee, ¡bhenkalho kuenda nákaʼ rhaka ki Jeobá! Leʼ rhekene benachi, sanlhe rchixhine katiʼ rlenhe beneʼ rkanditajke laweʼ lhen rsakakeʼ nakathezi beneʼ zeajkeʼ lhen lhekeʼ. Dios rneʼ yelarheanelachhi uxhiyee weyiniti na «berhebata yileʼkerha» (Apocalipsis 18:​21). Yastikaga na yosnitieʼ derha yelarheanelachhi uxhiyee (Apocalipsis 18:8).

 KSEEDIRHA MÁSRHE KI TANÍ

4. Dios ku rheyolachhie derha yelarheanelachhi

Beneʼ zian rhonke kuenda yogothe yelarheanelachhi naka neza rcheeʼ rhoʼo na suarha gago lhen Dios. A naka kan. Le ulaba Mateo 7:​13, 14 na le ktzalaj ki taní:

• Kaʼ rnhe lo Biblia, nonákaʼ naka neza rcheeʼ lo yelaneban.

Le uyo VIDEO na le ktzalaj ki taní:

• A rseedie Biblia, Dios rheyolachhie derha yelarheanelachhi.

 6. Dios rzelachhie yibeaje benachi yookeʼ lo yelarheanelachhi uxhiyee

Le ulaba Apocalipsis 18:4 a na le ktzalaj ki taní:

• Nákaʼ rhekelho tan Dios rzelachhie yibeaje ka benachi yookeʼ lo yelarheanelachhi uxhiyee.

7. Be ksanloʼ tan zealho ryedieloʼ ki Dios balhabalí

A rhala gonloʼ kuenda Dios nakeʼ beneʼ malha xhtolaʼ tan chi bhen ka yelarheanelachhi uxhiyee. Bhenka kuenda ki to binxhkuidiʼ ku rzenagabe tan rhee lhebe xhozibi na rzaabi lichhibi na rzolobi rhombi ta malha, xhozibi ku rheyolachhie tan rhombi. A waka inherha xhozibi napeʼ dolaʼ ki ta malha rhombi.

• A waka inherha Jeobá napeʼ dolaʼ ki tan rhonka yelarheanelachhi uxhiyee na ksanrha tan ryedierha kieʼ.

 TA CHI BYEDIERHA

Yelarheanelachhi uxhiyee chi bkanditaj ló Dios lhen tan rseediekeneʼ kan lhen taxhinaj chi bhenke, yastikaga na Dios yosnitieʼ ka yelarheanelachhi uxhiyee.

A rhanelho

• Bi rhonloʼ kuenda ki tan chi bhen lhen tan chi bseedie ka yelarheanelachhi uxhiyee.

• Nákaʼ rleʼ Jeobá ka yelarheanelachhi uxhiyee.

• Bi gon Dios lhen ka yelarheanelachhi uxhiyee.