Ka si du tie nga Mbori nga nyemuse, tipagine agu aboro namanga tiyo nga i narukuba Mbori amanga dungu gbegberẽ apai ti ni? Ka pepai ngba taata gene, agi apambori re nga ziree pambori, i nayugo ziree tipa Mbori. Waigu i ayugo ziree tipa ko? Gako bipai nga gine tipa gipai re? Na ginipai ko nika mangaha tipa gipai re?

1. Waigu apambori ayugo aziree tipa Mbori vurube gaha ayugopai?

Ziree pambori ima aria ‘ga Mbori rengo na ziree.’ (ARomo 1:25) Ni kpiapai, badungu apambori ayugongo rimo Mbori fu gayo aboro te. Ono tie, Baibiri nagumba gupai nga si naida aboro mangisunge na rimo Mbori. (ARomo 10:13, 14) Bete kura abangbembatayo rogo pambori naagumba gupai nga, ho gbegberẽpai amanga ni kina Mbori du idihe wo. Ono gipai re nga ziree. Anga Mbori nga mburu gu gbegberẽ apai namanga te. (Mo gedi Yakoba 1:13.) Si nafu kina gberãrago nga agu aziree ayugopai nga ga apambori ima turũso aboro kusayo ti Mbori.

2. Waigu Ziree pambori ayugo aziree tipa Mbori rogo gaha mangaapai yo?

Ziree pambori amanganga aboro ngba gu gene Yekova amanga aboro ngbaha te. Baibiri nape gupai nga, ga ziree pambori ‘ingaapai ada kina ku ngbangbaturũ yo.’ (Yugoti 18:5) Tipa dungu agarã, apambori aima rimiso tihe kurogo birĩ-zogarago yo, kini songodi pa so avura, kini sa badungu aboro i nakpi watadu kini idipa kpio dungu aboro. Bete abangbembatayo naraka gu raka nga ga kumuko na kini mangi apefuo yo ngbaome i nafu marã fuyo tipa i naraka gu raka re. Gi gayo mangapai re nayugo gupai ayugu nzunzu nga i ainongo Mbori te, ka ani apenga pa gu tie nga ka rukuba ko ya.​—Mo gedi 1 Yoane 4:8.

3. Ga Mbori bipai nga gine tipa ziree pambori?

Ka si dunga gu mangapai nga ga ziree pambori nasa ro mo du na zinga, mo nabihe nga Yekova nabihe wai? Ko ima kpinyemu aboro, ono ko na zinga na agu abangbembatayo rogo pambori nayugo ziree tipa ko na kini mangi fu apefuo yo gbegberẽ. Ko kidohe nga ko nika gbarasa ziree pambori na ‘i abí nga ha berewe wa sa te.’ (Yugoti 18:21) Barambeda, Mbori nika gbarasa ziree apambori dunduko.​—Yugoti 18:8.

 MO WIRIKI KURA DUNGU APAI

4. Mbori aidanga na apambori dunduko te

Dungu aboro idi kuti gupai nga apambori wakina kparakakparaka agene nga gu nandu dunduko kina ko yo du Mbori ni. Ono ya mo rengo du nga gipai re? Mo gedi Matayo 7:13, 14, na tifuoho, mo ki sakipai tipa gi sanahe re:

• Waigu Baibiri asakapai tipa gu gene nandu ko yo du unga ni?

Mo bi gu VIDIO re, na tifuoho, mo ki sakipai tipa gu sanahe ngbe fuoho.

• Ya mo Baibiri nape gupai nga badungu apambori kinaho nasa ngbarago ti Mbori?

 6. Mbori naida ka undo aboro i kuru rogo ziree pambori

Mo gedi Yugoti 18:4, a na tifuoho, mo ki sakipai tipa gi sanahe re:

• Pa ino mo gupai nga Mbori naida ka undo agu aboro ziree pambori aingisi yo nasa ro mo du wai?

7. Mo naandu kindi kumbatayo kaa wirikapai tipa ndikidi Mbori

Ya mo si naida gu gbegberẽ mangapai nga ga pambori du na maapai kurii gamo bipai tipa Mbori? Oni berẽnga pa gude ka gu wene rugapai bako nafuhe fuko. Ko guari ki mbu kporo ki ndu kaa raka gbegberẽ gene raka. Rago angbanga ti bako na gi ga wiriko gbegberẽ mangaapai re te. Ya mo si rẽarẽ ani bira gu bagude re tipa gu gene gi wiriko nasamungu re araka ngbaha?

• Ya mo si ruaru ani bira Yekova na ki mbu wirikapai tipa ko mbiko gu gbegberẽ mangaapai nga ga ziree pambori?

 GINIPAI MO NAWIRIKIHE?

Ziree pambori aima yugu ziree tipa Mbori vurube gaha ziree ayugopai na gaha gbegberẽ mangapai. Mbori nika gbarasa ziree pambori agbarasa.

Fugöpai

• Waigu mo abi agu apai ziree pambori nayuguhe na agu si namangihe?

• Waigu Yekova abi ziree pambori?

• Ginipai Mbori nika manga ziree pambori na ni?