JIʼTE 14
Pe fing ne ghamte Si m tchi ge ke te a poung é ?
Paʼ pou djô tchum jiʼte ye a tchye a, Si te bing goung mtchôsi awè pe. Ba te poʼ, pe fing ne ghamte Gè Pem yôkpe ne taʼ tchi ye a gô ghe ge é ŋwègne a. Ya tchi “ne ghamte [ke tchôsi le]” boung bi Si ? (Yakop 1:27, ywe ne thoute, nwt.) Yô ywe ye Bible dagne a.
1. A tcheng ge ghamte yôkpe yoʼgne ne ke ?
A tcheng ge ghamte yôkpe yoʼgne ne Bible. Yéso le ghôm bi Si ge : “Ghôm tsu be nyenyô.” (Yohané 17:17) She mtchôsi te ging ne nyenyô ye pou djô tchum Ghôm Si, Bible a pe. Wap kwyepgne ya bô pou a mjiʼte ba mkô momsoung. Daʼge Jéova te ŋwègne ne pô pye wap “tchente kengne mtchoʼ mye Si djap a pe.” (Ké Markousi 7:9.) Ne mouʼ gheng, pe gre ge Si ŋwègne tchwe ye pe djoʼgne ghamte yôkpe ne Bible neng ging ne mthôk mye a.
2. Pe gô ghamte Jéova m tchi ge ke ?
Paʼ é be Gè Pem yôkpe a, Jéova be é kouʼgne ge pe ghamte daʼ yu do é. (Apokalipse 4:11) A thoute ge, pe gô koung é neng ghamte pe daʼ yu do é pe te wim mketwôk ke mfoto le.—Ké Izaya 42:8.
A tcheng ge ghamte yôkpe pe “dôlô neng be pepoung” bi Jéova. (Roma 12:1) A thoute ge a tcheng ge pe ying ne mtchoʼ mye. She mfoʼte, pô pye wap khoung Jéova a, khoung mkhète mye é djap ne lômdye a neng be ging ne. Wap bôm mghegne tse tchwepoung, paʼ ne nwe sika, depaʼ khô, ne wim mhwe ne taʼ tchi tchwepoung, ke ba ne nwe mlouʼ bampam te a tchye le. *
3. Nweke a tcheng ge pe ghamte Jéova pou a she pô pye wap gamte é a ?
Mtchouʼte mye pe tchye bayale gapdzu a ha sô ne “sé Jéova . . . Tchum bemte.” (Mghôm ghamte 111:1, 2) Taʼ tchi ne gre ya be ne jwôp mjwôpshye ghamte bi Si. (Ké Mghôm ghamte 104:33.) Jéova gôm ge pe ghô mtchouʼte nekele é khoung wôkpe. É neng jye ge ma bô gô kwite wôkpe ne tchwe mama. Tchwe mtchouʼte, pe ha kaktuô bi pyeshe pô wap neng ha kaktuô bi pe.
PING TCHENG NE GÔ DZE
Lagne nweke Jéova te bing ge pe wim mketwôk ne ne gamte é a pe. Lagne mtchi mtuôdeng mye pe fing ne ne sé Si a.
4. Pe te gô wim mketwôk tchum yôkpe ghamte pe
Pe jye ge ne wim mketwôk te boung Si a m tchi ge ke ? Yô VIDÉO, neng gômte ne hente yenge.
-
Ke le tchyete tchwe ye she pô ne temlaʼ Si tchwedze le foʼte ne le taʼ ketwôk ne gamte é a ?
She pô gwim mketwôk tchum ghamte yap nekele wap bo tcheng ne youʼ ne yap beng Si. Daʼge ne ghe poʼo fing ne po tchya wap te gruô sesouô ne é a ? Ké Ne tem 20:4-6 ba Mghôm ghamte 106:35, 36, neng gômte ne mhente menge :
-
O yô ma potse ke ma mketwôk le ye pômneng gwim tchum ghamte yap a ?
-
Jéova djouʼ ne é m tchi ge ke tchwe ye pou gwim mketwôk a ?
-
O sè you ge ke ne ne wim mketwôk ?
5. Ne ghamte Jéova pe daʼ yu do é gre ge pe tem kwô mjiʼte tchwanwe
Yô tchi paʼ ne ghamte Jéova ne taʼ tchi pepoung fing ne ghe ge pe tem kwô mjiʼte tchwanwe a. Yô VIDÉO.
Ké Mghôm ghamte 91:14, neng gômte ne hente yenge :
-
Jéova khaʼgne ne ghe ke bi pe, tchwe ye pe gamte pe daʼ yu ne ne daʼte ge pe khoung é a ?
6. Pe gamte Si tchwe mtchouʼte bemte
Pe sé Jéova neng ha kaktuô tchetche pe tchwe ye pe jwôp neng ha mpaʼ tchwe mtchouʼte bemte a. Ké Mghôm ghamte 22:22, neng gômte ne mhente menge :
-
A ke poung o ne youʼ mpaʼ tchwe mtchouʼte a ?
-
A gô poung o ne nyapte ne o ne ha paʼ ne taʼ hente tchwe tchouʼte a ?
7. Jéova ŋwègne tchwe ye pe gôm nwe bi pyeshe pô ne ywe ye pe dagne a
Tchitchi mtchi mye pe fing ne ghôm nwe ne nyenyô bi pyeshe pô a be si. Ké Mghôm ghamte 9:1 ba 34:1, neng gômte ne hente yenge :
-
O lagne ke ne Bible ye a fing ne poung o ne ghôm bi mouʼ mo a ?
SHE PÔ GÔM GE : “Mo ka fing ne poung bi Si.”
-
O sè you ge ke ?
YE NE KHAMTE
Pe ŋwègne tum Gè Pem yôkpe tchwe ye pe gamte pe daʼ yu, sé é tchwe mtchouʼte bemte, neng be sing bi pyeshe pô potse tsye pe dagne a.
O lagne ke ?
-
Si sing wôkpe tchi paʼ pe gô ghamte é a tsuʼke ?
-
Nweke pe gô ghamte pe daʼ Jéova do é ?
-
Nweke a tcheng ge pe ghamte Si pou a she pô pye wap tcheng ne ghe ywe ye a boung é a ?
YÔ SHE POTSE NE
Tchum tôné, “Je ne suis plus esclave des idoles”, yô tchi paʼ taʼ mdjwi yaʼ ne ghamte mketwôk a.
“La Bible transforme des vies” (La Tour de Garde, 1er juillet 2011)
Lagne ywe ye a fing ne kwite o ne ha mpaʼ tchwe mtchouʼte bemte a.
“Loue Jéhovah dans lʼassemblée” (La Tour de Garde, janvier 2019)
Yô tchi paʼ taʼ mou sem dzu pé ne mtchouʼte bemte ba m be ye a kate be mou pfe ywe bi é ne ghô mtchouʼte a pe.
Medou pô kwè ge bègnepègne daʼte ge pe be mkritè, daʼge, pe gô wim ya bô tchum ghamte yôkpe a ?
“Pourquoi les Témoins de Jéhovah nʼutilisent pas la croix dans leur culte?” (Ne jw.org)
^ Pou gô ghôm nwe ne potse meng tchum mjiʼte mye a dze a.
