NLÔ AJÔ 14

Aval avé bi ne ve Zambe ékaña’a ja yian?

Vô’ôlô nkobô

Bi nga yen ayé’é ya mvuse na Zambe a nji kañese miñyebe mise, ve bi ne nye ve ékaña’a ja ve nye nlem avak. Nde, aval ékaña’a avé da ve Zambe nlem avak? (Jacques 1:27) Tame yene jame Bible a ye’ele.

1. Jé é ne mbôka’a ya ékaña’a jangan?

Bible nnye a yiane bo mbôka’a ya ékaña’a jangan. Yésus a nga jô Zambe na: “Mejô môé me ne benya mejôô.” (Jean 17:17) Miñyebe miziñ mia bisi ki benya mejôô be ne Kalate Zambe été, Bible. Mia viane fole miñye’elane ya Bible a metum me bôt. Ve Yéhôva nye a vini bôte ba “bene metiñe me Zambe.” (Lañe’e Marc 7:9.) Éyoñe bia tôñe mam Bible a jô, bia ve nye nlem avak.

2. Aval avé bia yiane kañe Yéhôva?

Yéhôva a ne Nté wongan, Ajô te, nnye étam a yian ékaña’a. (Nlitan 4:11) Nalé a tinane na nnye étam bia yiane nye’e, a nnye étam bia yiane kañ, sake bive’ela nge ke bengunemelan.—Lañe’e Ésaïe 42:8.

Ékaña’a jangan ja yiane bo ‘mfuban, a nyoñeban’ be Yéhôva. (Beromain 12:1) Nalé a tinane na bia yiane tôñe memvinda me Yéhôva mimfa’a mise ya ényiñe jangan. Éve’an é ne na, bôte ba nye’e Yéhôva ba tôñe memvinda a nga ve a lat a aluk. Ba jeñe fe na be sa’ale mam ane ñyuane sika, ta’a, nge ke mbia ñyuan meyok. a

3. Amu jé bia yiane kañe Yéhôva fufulu a bebo bisaé bé bevok?

Sondô ase, bisulan biangan bia ve bia fane ya “ve Yéhôva akéva . . . ékôane bôt été.” (Besam 111:1, 2) Bi wô’ô de bo a zene ya bia ya ékaña’a. (Lañe’e Besam 104:33.) Yéhôva a yi na bi tabe bisulan amu a nye’e bia, a amu a yeme na bisulan bite bii volô bia na bi bu’uban ényiñ nnôm éto. Éyoñe bia sulane nalé, môt ase a ve nyô mbo’o ngule nyul.

TUKA’A FAK

Yene’ amu jé Yéhôva a nji yi na bi belane bive’ela asu na bi kañe nye. Yene’e fe aval avé bi ne kôme ve Zambe akéva.

4. Amu jé bi nji yiane belane bive’ela asu ékaña’a

Aval avé bia yeme na Zambe a vini jam ete? Futi’i VIDÉO, mvuse ya valé; yala’ane nsili wu:

VIDÉO: Ye Zambe a kañese na bi belane bive’ela asu ékaña’a? (3:26)

Jé é nga bobane melu mvus, éyoñ bebo bisaé be Zambe béziñ be nga jeñe na be ve nye ékaña’a a zene ya bive’ela?

Bôte béziñ ba belane bive’ela éyoñ ba kañe Zambe, amu ba kômbô wô’ôtane na Zambe a ne be bebé. Ye jam ete e nji viane bo na be ke nye ôyap? Lañe’e Nkôlan 20:4-6 a Besam 106:35, 36, mvuse ya valé, yala’ane minsili mi:

Biôme bivé ô yeneya bôte be bela’ane bie éyoñ ba kômbô kañe Zambe?
Aval avé Yéhôva a wô’ôtan éyoñ bôte ba belane bive’ela asu ékaña’a?
Womien ô lôô jam ete aya?

5. Nge bia kañe ve Yéhôva étam, bii kôlô minkôm ya bivuse miñye’elan

Yene’ aval avé nya ékaña’a a ne vaa wo minkôm ya bivuse miñye’elan. Futi’i VIDÉO.

VIDÉO: Benya mejôôbe nga kôténye (5:16)

Lañe’e Besam 91:14, mvuse ya valé, yala’ane nsili wu:

Ngaka’a fé Yéhôva a bo bôte ba nye’e nye a kañe ve nye étam?

6. Bia kañe Yéhôva éyoñ bia tabe bisulan

Éyoñ ése bia yia bia a ve biyalan bisulan bia ve Yéhôva akéva, a bia veane ngule nyul. Lañe’e Besam 22:22, mvuse ya valé, yala’ane minsili mi: