ODHEAI 14
Devak Manvota Tosli Bhokti Ami Koxi Korunk Zata?
Choddxe dhorm Devak manvota tea toren tachi bhokti korinant mhunn ami fattlea odheai-ant polloilʼlem. Tor, ami amchea Rochnnarak manvota tea toren tachi “bhokti” korunk zata kai? Hoi. (Jakob 1:27) Hem ami koxem korunk zata tem ami hea odheai-ant polloum-ia.
1. Ami Devachi bhokti koxi korchi tem amkam koxem kollttolem?
Devachi bhokti koxi korunk zai tem amkam Bible-antlean kollttolem. Jezun Devak mhunnttlem: “Tujem utor sot.” (Juanv 17:17) Thodde dhorm Devachea Utrantlem sot xikounchea bodlek munxacheo xikounneo ani chali-riti xikoitat. Jim konn “Devacheo adnea kainch nhoi koxeo kortat” vo nakartat tim taka manvonant. (Marku 7:9 vachat.) Tache bodlek, jim konn Bible-ant sanglam tea pormonnem choltat tim tachem kalliz khuxal kortat.
2. Ami Jehova Devachi bhokti koxi korunk zai?
Jehova Dev amcho Rochnnar zalʼlean ami fokot tachich bhokti korunk zai. (Prokasovnni 4:11) Ami tacho mog korunk zai. Tachi bhokti kortana ami murti vo imajeo uzar kelʼleo taka naka.—Izaias 42:8 vachat.
Amchi bhokti “povitr ani Devak manvota” tosli asonk zai. (Romkarank 12:1) Hacho orth, ami tachea noitik dorjeam pormonnem jieunk zai. Udharonnak, Devacho mog kortat tim tannem kazara vixim dilʼle dorje pallttat. Toxench, tim vaitt sonvoim-eo zoxem, tombaku, pan vo supari khavop, drugs ghevop, sigrett voddop vo khub soro pievop soddttat. a
3. Jehovachi bhokti kortoleam sangata ektthaim zavop kiteak gorjechem?
Dor sumanak ami mittingek ektthaim zatat tednam, ‘Jehovak dhinvasunk’ amkam sondhi melltta. (Stotr 111:1, 2) Oslea mittingent ami gitam gaun Jehovak dhinvasunk xoktat. (Stotr 104:33 vachat.) Ami mittingek gelʼlim Jehovak zai karonn to amcho mog korta ani osleo mitting amkam sasnik jivit melloun gheunk adar korunk xoktat mhunn to zannam. Toxench, mittingent amkam eka-mekak urba diunk melltta.
KHOLAIEN XIKAT
Bhokti kortana imajeo vo murteo uzar korop Jehovak kiteak manvona tem zannam zaiat. Toxench, Jehovak dhinvasunk vo vakhannunk anik vatto polloiat.
4. Bhoktent ami murteo uzar kelʼleo Jehovak naka
Murteo vo imajeo uzar korop Devak manvona mhunn ami koxim zannant? VIDEO polloun sokol dilʼlea prosnacho zobab zannam zaum-ia.
-
Adlea kallar Devache lok murteo uzar korun tachi bhokti korunk sodhtale tednam kitem zalem?
Zaito lok Devachi bhokti kortana murteo vo imajeo uzar korta. Oxe toren tim Devak lagim sortolim mhunn tankam dista. Punn khorem mhunnttlear, murteo uzar korun tim Deva thaun pois pavtat. Suttka 20:4-6 ani Stotr 106:35, 36 vachun sokol dilʼlea prosnanche zobab zannam zaum-ia:
-
Bhokti kortana lok kosleo imajeo vo murteo uzar kortat tem tumi polloilam?
-
Amchea bhoktent ami murteo uzar kelear Jehovak koxem dista?
-
Devachi bhokti kortana murteo uzar korche vixim tumkam kitem dista?
5. Jehovachi bhokti kelear khotte xikounne thaun amkam suttka mellttoli
Jehovak manvota tea ritin ami tachi bhokti keli zalear amkam khotte xikounne thaun koxi suttka mellttoli tem zannam zaunk VIDEO polloiat.
Stotr 91:14 vachun sokol dilʼlea prosnacho zobab zannam zaum-ia:
-
Ami Jehovacho mog kortat ani fokot tachich bhokti kortat tednam to kitem kortolo mhunn bhas dita?
6. Devachi bhokti korunk ami mittingek ektthaim ietat
Ami mittingek zobab diun ani gitam gaun Jehovak vakhannttat. Oxe toren ami eka-mekak urba pasun diunk pavtat. Stotr 22:22 vachun sokol dilʼlea prosnanche zobab zannam zaum-ia:
-
Mittingent dusreanche zobab aikon tumkam koxem dista?
-
Mittingent tumi zobab diunk sodhtat kai?
7. Ami xikleant tem dusreank sangtat tednam Jehova khuxal zata
Ami xikleant tem dusreank sangonk zaiteo vatto asat. Stotr 9:1 ani 34:1 vachun sokol dilʼlea prosnacho zobab zannam zaum-ia:
-
Bible-a thaun tumi jem xikleant tantuntlem tumkam dusreank kitem sangonk avoddttolem?
THODDO LOK MHUNNTTA: “Devacher bhavarth aslear puro. Tachi bhokti ami koxi-i kelear zata.”
-
Tumkam kitem dista?
KITEM XIKLIM
Ami fokot amchea Rochnnarachi bhokti kortat, mittingent taka vakhannttat ani xikleant tem dusreank sangtat tednam ami tachem kalliz khuxal kortat.
Porot Ugddas Korum-ia
-
Devan apli bhokti koxi korchi tea vixim khoim sanglolem asa?
-
Ami fokot Jehovachich bhokti kiteak korunk zai?
-
Devacho mog kortat tanchea sangata ektthaim ieun ami tachi bhokti korop kiteak gorjechem?
ANIK SODHAT
Eke bailen murteo uzar korop koxem soddun dilem tem zannam zaunk “Atam Hanv Murteanchi Bhokti Korina” ho lekh vachat.
Mittingent zobab diunk tumkam koxi modot zaunk xokta tem zannam zaiat.
Eka tornnatteak mittingek hajir zaunk kotthin zatalem. Tori astana, mittingek hajir zalʼlean taka koso faido zalo tem polloiat.
Khuris Kristanv dhormachi nixanni mhunn zaito lok manta. Punn ami amche bhoktent khuris uzar korunk zata kai?
“Jehovachim Sakxi Bhoktent Khuris Kiteak Uzar Korinant” (Web article)
a Hea vixoi-ancher ami fuddlea odheai-amnim bhasabhas kortolim.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
