SOMO LYE 14
Nka Gurhe Obuharamye Bwerhu Bwakasimisa Mungu?
Nk’oku bishamberwe omu somo ligerere, arhali amadini moshi mamana simisa Mungu. Aliko rhwakaharamya Omulemi werhu omu njira yakamusimisa. ‘Buharamye buli gurhe [changwa, dini] lihe’ linamusimisa? (Yakobo 1:27, amahugulo m’eshishi) Lola ebye Biblia eyigirize.
1. Bichi obuharamye bwerhu bukwanene kuyumangirako?
Obuharamye bwerhu bukwanene buyumangire oku Biblia. Yesu aliderhere: “Echinwa chawe buli bukweri.” (Yohana 17:17) Madini maguma malekere obukweri buli omu Chinwa cha Mungu, Ebiblia; bakulikira enyigirizo z’abantu n’emigenzo yabo. Aliko Yehova arhasimiswa na balala “banahira erhegeko lya Mungu eburhambi.” (Osome Marko 7:9.) Oku bwindi, rhunasimisa omurhima gwage amango rhwamachiseza oku Biblia n’okukulikira empanulo zilimo.
2. Gurhe rhukwanene kuharamya Yehova?
Rhukwanene kuharamya Yehova bulala ye Mulemi werhu. (Ufunuo 4:11) K’okuderha oku rhukwanene rhumuzigire n’okumuharamya yewe yenyine, buzira kukolesa ebishushanyo awo esanamu.—Osome Isaya 42:8.
Obuharamye bwerhu bukwanene bube “buchesibwa bunayemererwe” emwa Yehova. (Waroma 12:1) K’okuderha oku rhukwanene kukenga amarhegeko mage. Omufano, balala banazigira Yehova, banakenga n’okukulikira amakanuni mage oku bilolere obuhya. Banashuba chiyasa okukola ebyakabajira kubi, nk’okunywa erhabi, amafumu m’okulalusya, n’okunywa amavu kubi. a
3. Bulagurhe rhukwanene rhuharamye Yehova haguma n’abandi bemezi?
Embuganano zerhu za buli boso zinarhuha orozo ‘l’okuha Yehova erenge . . . omu chibaga.’ (Zaburi 111:1, 2) Njira nguma rhunajiramo ntyo kuba kuyimpira Mungu erenge. (Osome Zaburi 104:33.) Yehova arhuhemere rhuyinje rhwaja oku mbuganano bulala arhuzigiire anamenyere oku zarhurhabala rhusiimire akalamo esiku n’amango. Amango rhwamabuganana yi rhuhirana omurhima, eyi rhwerhwanayunguka.
HUMBA BWENENE
Lolaga bulagurhe Mungu arhayemera okukolesa ebishushanyo omu buharamye, onamenye enjira zinja alonzeze rhumuharamyemo.
4. Rhurhakwanene kukolesa ebishushanyo omu buharamye bwerhu
Bichi birhuyerekere ok’okujira ntyo kukwanene kugayise Mungu? Ziha EVIDEO, muje mwaganira kw’echila chibazo.
-
Gurhe byalibere amango baguma omu bantu ba Mungu ba mira balonza kumuharamya omu kukolesa echishushanyo?
Hali abantu banakolesa ebishushanyo omu buharamye eyi babwene nka y’enjira yabarhabala bachiyunve hofi-hofi na Mungu. Aliko si okujira ntyo, ka kurhakarhuma arhachiyegera omuntu? Osome Kutoka 20:4-6 na Zaburi 106:35, 36, muje muganira kw’ebila bibazo:
-
Bintu bihe awo bishushanyo nyabachi wabwene abantu banakolesa omu buharamye bwabo?
-
Gurhe Yehova anachiyunva oku bilolere okukolesa ebishushanyo?
-
Nawe si, gurhe ochiyunvirhe oku bilolere okukolesa ebishushanyo?
5. Okuharamya Yehova yenyine kunarhushwekula omu mugozi gw’enyigirizo zibi
Lola gurhe okuharamya Yehova yenyine omu njira ayemerere kwakarhukula omu mugozi gw’enyigirizo zibi. Ziha EVIDEO.
Osome Zaburi 91:14, muje mwaganira kw’echila chibazo:
-
Bichi Yehova alaganyize okw’arhujirira amango rhwamayerekana oku rhumuzigiire omu kumuharamya yewe yenyine?
6. Rhunaharamya Mungu oku mbuganano z’echibaga
Rhunaha Yehova erenge n’okukomezana buli muguma n’owindi omu kuyimpa n’okuhaana ebishubizo oku mbuganano z’echibaga. Osome Zaburi 22:22, muje mwaganira kw’ebila bibazo:
-
Onasima si okuyunva ebishubizo abantu banahaana oku mbuganano?
-
Wakasima orheganye yi nawe nj’ohaana echishubizo si?
7. Yehova anasima eyirhwabwira abandi oku birhunayiga
Hali njira zinene rhwakabwira mw’abandi oku bukweri buli omu Biblia. Osome Zaburi 9:1 na 34:1, muje mwaganira kw’echila chibazo:
-
Hali echintu wayigire omu Biblia wakasima obwire oku windi naye si?
HALI ABANTU BANADERHA: “Birhakashobokana okusimisa Mungu.”
-
Gurhe woyo owazize?
OKU BUGEKE
Rhunasimisa Omulemi werhu amango rhwamamuharamya yewe yenyine, eyi rhwamuha erenge oku mbuganano z’echibaga, n’eyi rhwabwira abandi oku birhwayigire.
Rhuchiyibusye
-
Ngahe Mungu arhubwirire enjira nyinja y’okumuharamya?
-
Bulagurhe rhukwanene rhuharamye Yehova yenyine?
-
Bulagurhe rhukwanene rhuharamye haguma n’abandi balonzeze basimise Mungu?
EYINDI MYAZI
Lola gurhe mukazi muguma aherhe obusime bulala alekere kuharamya ebishushanyo.
“Intachiba Muja w’Ebishushanyo” (Omunara g’Omulanzi, Lusiku 1 Mwei gwa 7, 2011)
Lola ebyakakurhabala y’ogala kuhaana ebishubizo oku mbuganano z’echibaga.
“Ohe Yehova Erenge omu Chibaga” (Omunara g’Omulanzi, Mwezi gwa 1, 2019)
Lola gurhe muzana muguma ayungukire n’embuganano z’echibaga chiro akaba oku birhaba bimuyoroheere okuhikako.
Bantu banene banawaza ok’omusalaba gushushanyize edini lye Chikristu, aliko si rhukwanene kugukolesa omu buharamye?
a Eyi myazi nji yaganirirwa omu somo zizinda.
