LESSON 14

How We Can Worship God Fo Make Him Happy?

PLAY

Jalike we wen talk about in da las lesson, God no like all kine religions. But, get one way fo worship God dat make him happy. Who “da guy dat stay religious fo real kine” dat make Him happy? (From James 1:27) Try look wat da Bible tell.

1. How we can worship God da way he like?

We can learn how from da Bible. Jesus wen tell God, “You ery time tell da trut.” (John 17:17) Some religions no lissen to da trut dat God tell inside da Bible. Dey lissen to wat humans wen teach an copy wat odda peopo do. But Jehovah no stay happy wit da guys who “dump da rules from God.” (Read um Mark 7:9.) But wen we stick to da Bible an follow wat he tell, we make Jehovah feel real good inside.

2. How we suppose to worship Jehovah?

Cuz Jehovah wen make eryting, we gotta worship ony him. (Jesus Show 4:11) Dat mean we gotta love him an ony worship him, an no use any kine idol kine stuffs.—Read um Isaiah 42:8.

How Jehovah like us worship him? He like us “go all out fo him . . . cuz dass how you show God love an respeck.” (Fo Da Rome Peopo 12:1) Dis mean we gotta live da way he like. Fo exampo, da ones who love Jehovah love an follow wat he tell about marriage. An dey stay away from pilau kine stuffs, like using tobacco o abusing drugs an alcohol. a

3. How come we gotta worship Jehovah wit odda guys who worship him?

Da meetings we get ery week give us chance fo come togedda fo “tell good tings bout Da One In Charge.” (Songs Fo God 111:1, 2) One way we do dis is fo sing from da heart to God. (Read um Songs Fo God 104:33.) Jehovah ask us fo go meetings cuz he love us an he know dat meetings goin help us fo live good foeva. Wen we come togedda fo give each odda good kine words, az good fo all us.

DIG MOA DEEP

Try look how come Jehovah no like peopo use idol kine stuffs wen dey worship him. Learn some importan ways how us can tell good kine tings about God.

4. We not suppose to use idol kine stuffs in oua worship

How we know dat God no like dat? Play um da VIDEO, an den talk story about da question afta.

VIDEO: God Like Us Use Idol Kine Stuff Wen We Worship Him O Wat? (3:26)

Back in Bible times, wat had happen wen some of God’s peopo had try worship him wit idol kine stuffs?

Some peopo tink dey goin come moa close to God if dey use idol kine stuffs wen dey worship him. But dass true o wat? Read um Outa Egypt 20:4-6 an Songs Fo God 106:35, 36, an den talk story about dese questions:

Wat kine idol kine stuff you wen see odda peopo use wen dey worship?
How Jehovah feel about using idol kine stuff?
How you feel about using idol kine stuff?

5. If we worship ony Jehovah, dat goin cut us loose from bulai kine tinking

Try look how wen we worship Jehovah da way he like, dat can cut us loose from bulai kine tinking. Play um da VIDEO.

VIDEO: Da Trut Wen Cut Me Loose (5:16)

Read um Songs Fo God 91:14, an den talk story about dis question:

Wat Jehovah promise he goin do fo us wen we show him love an aloha wen we worship ony him?

6. Us worship God at da meetings wit da local hui

We tell how awesome Jehovah stay an make each odda feel good inside wen we sing an ansa at da meetings wit da local hui. Read um Songs Fo God 22:22, an den talk story about dese questions:

You like da ansas you hea at da meeting o wat?
You like make ready fo give one ansa?

7. Jehovah stay happy wen we tell odda peopo wat we learn

Get plenny ways dat us can share wit odda peopo da truts inside da Bible. Read um Songs Fo God 9:1 an 34:1, an den talk story about dis question: