Jaabwọ ká ang ọjẹ́jẹ ọlaanyị mẹjẹ, ị-ịgba ọgbagba wuu Ohe à kaa ye myị ka. Ma, ahị tị ka jẹ́-ẹ gbịgba ha Ọngọ họhị ụ-ụgbẹyị ọlẹ kọ ka kpa ọkẹkẹnị wọọ. “Ọngịnyị nya Ohe Oluhye oriri [lee, ịgba ọgbagba]” ụma oyina Ohe à tị́ kaa ye myị? (IJemsi 1:27) Kụ ẹhị yẹ ẹla ọlẹ ká ịBayịbụụ mẹjẹ wẹẹ.

1. Ịgba ọgbagba nyahị tị́ ka kpụnịrọ ịyẹ?

Ịgba ọgbagba nyahị ka kpụnịrọ ịBayịbụụ. IJisọsị raabwọ byi Ohe yẹkẹẹ: “Ẹla nyang kpangga a ri ịlẹhị ọọwa lẹlẹ.” (ỊJọn 17:17) Ịgba ọgbagba ịhyẹ nyẹẹkpẹ da ẹlịlẹhị ịlẹpwụ nya Omyi Ẹla nya Ohe. Ị hu ang ọmẹjẹ bala ịhọhọ nya angịnyị ehe ku ọmwakpa nyamwụ. Ẹla nya angịlẹ kị kaa “tụụbwọ hi ụgbẹyị nya ehile nya Ohe Oluhye ọbajẹ” á kaa kpụ iJihova ịpyọ ka. (Wa ịMakị 7:9.) Ma, ahị tị kaa kpa ọkẹkẹnị wẹ ọkịlẹtụ nyamwụ ụka ká ịgba ọgbagba nyahị á kpụnịrọ ịBayịbụụ bala ụka kahị ba ẹla ọmẹjẹ ọlẹpwụ nyamwụ jẹ.

2. Ányị ahị tị́ ka bwu gbịgba ha iJihova?

Ahị ka gbịgba ha iJihova ụbwọọmwụ kem chajị ọwa à họhị lẹ. (Ọwụrụụ-wụrụ 4:11) Ọọwa ri, iJihova ka háahị, ahị tị ka gbịgba họọ la ọ-kpa ukpeku lee o-hu ang ọkịla ọlẹlẹhẹ ku ọmwakpa nyamwụ ka.—Wa Ayịsaya 42:8.

Ahị ka gbịgba ha iJihova ẹ-ẹpwụ nya ‘ịgọgọ ọlala bala ụgbẹyị ọlẹ ká Ohe Oluhye ka jẹ́-ẹ ye myị.’ (Ala iRom 12:1) Ọọwa ri, ahị baba nyọka ba ehile nyamwụ jẹ. Ọ-chụ pwokwita, angịlẹ ká iJihova há kaa ba ehile nyamwụ jẹ u-uhye nya awụlẹ oyeye. Ị tị kaa cheji ba hi abwẹla ịtịpyọ lala ẹchụ ọtaba ọdada, ẹchụ ọnwanwa, o-mile eteji ụ-ụgbẹyị o-pwoku ka, o-mile eteji ịnyịịngịrị, lee ọ-nwà ere kpoye. a

3. Ịyẹ tị́ du kahị ka yẹ jula angịkịla gbịgba ha iJihova?

Ọjịra-jịra ịlẹ kahị kaa la epwihi-epwihi kaa ya iwe hahị nyọka “gwogbo ha [iJihova] . . . ẹ-ẹpwarịrị nya angịnyị nyamwụ.” (Eje Ọnyịịla 111:1, 2) Ụgbẹyị ọhẹ ọlẹ kahị kaa họ ịnyị ri ọ-ka mweje gwogbo họọ. (Wa Eje Ọnyịịla 104:33.) IJihova byihi nyị ka ọjịra-jịra chajị ahị họ́ọ, ọ tị jẹ́ nyori ọjịra-jịra ọkaka ka dahị ụbwọ nyọka yé ọkẹkẹnị gboyi myị́ oyi ọ-ọhịhị. Ọọjịra-jịra, ahị kaa ju angịkịla ọhụ, ị tị kaa juhi ahị ọhụ ịnyịnyị.

 JẸ́ GỤ ỌỌWA

4. Áhị ka kpa ukpeku lee ụrụrụ gbịgba ka

5. Kori kahị gbịgba ha iJihova kem, ahị ka lịlọhị bwu ịmẹjẹ nya ịnịịkịla

 6. Ahị kaa gbịgba ha Ohe ọọjịra-jịra

Ahị kaa gwogbo ha iJihova bala o-ju angịkịla ọhụ bwula o-mweje bala ọ-wẹ ịtọ ẹla ọọjịra-jịra. Wa Eje Ọnyịịla 22:22, kanụ ya ẹla u-uhye nya ịtọ ẹla ịlẹ:

• À wo ẹla ọwẹwẹ ịkpịpyọ-kpịpyọ ọọjịra-jịra ẹnẹnẹhẹ lẹ?

• Ọ ka háng á ka nwụlanọ nyọka wẹ ẹla ọọjịra-jịra?

7. Ọ kaa kpụ iJihova ịpyọ ụka kahị ya ẹla ọlẹ kahị jẹ́ je angịkịla

Agbẹyị lụmẹ-lụmẹ ji kahị ka jẹ́-ẹ ya ẹlịlẹhị ịlẹpwụ nya ịBayịbụụ je angịkịla. Wa Eje Ọnyịịla 9:1 bala 34:1, kanụ ya ẹla u-uhye nya ịtọ ẹla ọlẹ:

• Ẹlịyẹ a tị́ jẹ́ bwu ịBayịbụụ ká tịtọ nyọka ya je ọngọkịla?

 ẸLỊYẸ A TỊ́ JẸ́?

Ahị kaa họ ẹla kpụ Ohe ịpyọ kori kahị gbịgba họọ ọwa kem, yogbo họọ ọọjịra-jịra, bala o-ya ẹla ọlẹ kahị jẹ́ je angịkịla.

Ẹlịyẹ A Tị́ Yụbwọ Chị?

• Ale ahị tị́ ka jẹ́ jaabwọ kahị ka bwu gbịgba ha Ohe ụ-ụgbẹyị ọlẹ kọ tịtọ?

• Ịyẹ tị́ du kahị ka gbịgba ha iJihova kem?

• Ịyẹ tị́ du kahị ka gbịgba bala angịkịla ịlẹ kị tịtọ nyọka họ ẹla kpụ Ohe ịpyọ?