Akankamu 13 nui unuimiarmajnia aintsan Yuuska religión irunna nuna mashiniunka penker iiyatsui. Yuus itiura enentaimtursarat tusa wakera ainis enentaimtusminiaitji. Wari turakria Yuus umirkamniaitiaj? (Sántiak 1:27). Yuusa chichame tana nu nekaatai.

1. Yuus itiurkaria enentaimtusminiaitiaj nusha tui nekaamniait?

Itiurkaria enentaimtusminiaitiaj nuka Yuusa chichamen nekaamniaitji. “Ame chichamem imiá nekasaiti” Jesús Yuusan ainis timiayi (Juaṉ 17:17). Nukap religión irunna nuka Yuusa chichame tana nuna uminiatsui. Aents najanainiana nuna najanatniun wakerin ainiawai. Jehovaka umirtukarat tusa wakeriniaiti (Márkus 7:9 aujsata). Iikia Yuusa chichame tana nu umiakur Jehovasha waramtikiaji.

2. Jehovasha itiurkaria enentaimtustiniaitiaj?

Jehová iin najatma asamtai aya ninki enentaimtustiniaitji. Tuma asamtai aya ninki aneastiniaitji (Apukarípsis 4:11). Estatua najanamujai turutskesha warinkish nakumkar najanamujai Yuuska enentaimtuschatniuitji (Isayas 42:8 aujsata).

Yajauchia nu najantsuk Jehová wakerana aintsan enentaimtustiniaitji (Rúmanam 12:1). Jehová anenaka tsanirmachu ainiawai tura tsankun nuya drogan mukuncha ainiawai aintsan nampechu ainiawai. a

3. Yuusan umirkattsar wakeruiniajai urukamtai iruntrar enentaimtustiniaitiaj?

Ii iruntairinkia Jehová shiir awajsamniaitji (Yus Kanta [Salmo] 35:18). Jehová enentaimtustai tusar nampersatniuitji (Yus Kanta [Salmo] 104:33 aujsata). Jehovaka iin anenkrata asa iruntainiam werum enentaimtursatarum turameaji. Iruntainiam weakrikia warasar pujumniaitiajnia nuna neka asa ainis turameaji. Iruneakur mai ikiakanai ajatainti.

 PENKER NEKAATAI

4. Estatua turutskesha warinkish nakumkamujai Yuus enentaimtuschatniuitji

5. Aya Jehovak enentaimtakrikia antar religión tuiniana nu nekaschaiti titiatji

 6. Yuuska ii iruntairin nui enentaimtaji

Iruntainiam Yuus namperkur tura pachiniakur Yuus enentaimtaji nuyasha mai ikiakanai ajaji. Yus Kanta [Salmo] 22:22 aujsarum juna aujmattsatarum:

• Iruntainiam ewejen takuiyar pachiniainiakui itiur nekapniuitiam?

• Amesha iruntainiam ewej takuim pachinkiattsam wakeramek?

7. Chikich aentscha Yuusna ujakartiniaitji

Yuusa chichame tana nu chikich aents ujakartasar warinkish najanamniaitji. Yus Kanta [Salmo] 9:1 tura 34:1 aujsarum juna aujmattsatarum:

• Yuus papiiniumia chikich aents wari ujaktasam wakeram?

 WARI NEKAAM

Aya Jehovak enentaimtakur, iruntainiam pachiniakur, Yuusna chikich aents ujakur Yuus waramtikiaji.

Awakeasrik nekaatin

• Yuussha itiurkaria enentaimtustiniaitiaj nusha tui nekaamniaitiaj?

• Aya Jehovak urukamtai enentaimtustiniaitiaj?

• Yuusan umirkattsa wakeruiniana nujai iruntrar Yuussha urukamtai enentaimtustiniaitiaj?