TIMEƔRI TIS 14
Amek i gebɣa Ṛebbi a t-neɛbed?
Akken i t-id-nwala di tmeɣri iɛeddan, Ṛebbi ur iqebbel ara ddyanat meṛṛa. Meɛna, nezmer a neɛbed Axellaq-nneɣ akken i s-iɛǧeb i neţţa. D acu-t ihi “ddin” i s-iɛeǧben? (Yeɛqub 1:27). A nwali d acu i d-yeqqar Wedlis Iqedsen ɣef ddin, yeɛni ɣef leɛbada i s-iɛeǧben.
1. Ɣef wacu i glaq aţ-ţreṣṣi leɛbada-nneɣ?
Ɣef Wedlis Iqedsen i glaq aţ-ţreṣṣi leɛbada-nneɣ. Ɛisa yenna-yas i Ṛebbi di tẓallit: “Awal-ik ţ-ţideţ” (Yuḥenna 17:17). Acu kan, kra n ddyanat rrant di ṭṭerf tideţ-agi yellan deg Wawal n Ṛebbi, yeɛni Adlis Iqedsen. Deg wemkan n tideţ-agi, sselmadent ayen i d-ikkan sɣur yemdanen akk-d leɛwayed-nsen. Meɛna, Yahwa ur iqebbel ara wid yeţţarran di ṭṭerf ‘lumuṛ-is’ (ɣer-ed Marqus 7:9). M’ara neqqar Adlis Iqedsen yerna nettabaɛ lewṣayat yellan deg-s, nessefṛaḥ ul-is.
2. Amek i glaq a neɛbed Yahwa?
Imi d Yahwa i d Axellaq-nneɣ, d neţţa kan ihi i guklalen a t-neɛbed (Aweḥḥi 4:11). Lmeɛna-s, d neţţa kan i glaq a neɛbed yerna mebla ma nessexdam ţţewṣifat, lmeṣnuɛat, neɣ leḥwayeǧ nniḍen (ɣer-ed Icɛaya 42:8).
Akken ‘a s-teɛǧeb’ leɛbada-nneɣ i Yahwa, ilaq aţ-ţili ‘ţ-ţimqeddest’, yeɛni teṣfa mliḥ (Iṛumaniyen 12:1). Lmeɛna-s, ilaq a nettabaɛ lumuṛ-is di tudert-nneɣ. Ɣef lemtel, wid iḥemmlen Yahwa, ḥemmlen daɣen lumuṛ-is yeɛnan zzwaǧ, yerna ţqadaren-ten. Xeṭṭun daɣen i wayen n diri, am dduxxan, ccemma, lkif, akk-d ssekṛan a.
3. Ayɣer i glaq a neţnejmaɛ d wiyaḍ akken a neɛbed Yahwa?
Yal smana, inejmuɛen-nneɣ ţţaken-aɣ tagniţ ‘a neḥmed Yahwa di tejmaɛt’ (Ahellil 111:1, 2). Yiwen ger ţţawilat swayes i t-neţḥemmid, d ccnawi-nneɣ (ɣer-ed Ahellil 104:33). Yahwa yeţḥibbi-yaɣ yerna yebɣa a nɛic i dayem. Ɣef waya i ɣ-d-yeṭṭalab a nḥeddeṛ i inejmuɛen axaṭer yeẓra belli sɛan azal. M’ara nḥeddeṛ i inejmuɛen, nesseǧhad wiyaḍ, nutni daɣen sseǧhaden-aɣ.
A NNADI A NEFHEM AKTEṚ
A nwali ayɣer ur iqebbel ara Yahwa a nessexdam lmeṣnuɛat di leɛbada-nneɣ. A nwali daɣen snat n leḥwayeǧ i ɣ-ilaq a nexdem bac a t-neɛbed.
4. Ur ilaq ara a neɛbed Ṛebbi s lmeṣnuɛat neɣ s leḥwayeǧ nniḍen
Amek i neẓra belli Ṛebbi ur iḥemmel ara ayagi? Walit BIDYU-YAGI, mbeɛd hedṛet ɣef westeqsi-yagi:
-
D acu i geḍran zik-nni, asmi i ɛerḍen iqeddacen n Ṛebbi a t-ɛebden s yiwen n lmeṣnuɛ?
Kra ţḥussun belli ţqerriben akteṛ ɣer Ṛebbi m’ara ssexdamen lmeṣnuɛat neɣ leḥwayeǧ nniḍen di leɛbada-nsen. Meɛna, d awexxeṛ ara iwexxeṛ fell-asen ma ţţeɛbaden-t akka, neɣ ala? Ɣret-ed Tuffɣa 20:4-6 akk-d Uhellil 106:35, 36, mbeɛd hedṛet ɣef yesteqsiyen-agi:
-
Acu n lmeṣnuɛat neɣ n leḥwayeǧ nniḍen i twalaḍ ssexdamen-ten lɣaci di leɛbada-nsen?
-
D acu i geţḥussu Yahwa ɣef usexdem n lmeṣnuɛat-agi?
-
I kečč, d acu i teţxemmimeḍ ɣef temsalt-agi?
5. Ma neţţeɛbad ala Yahwa, a d-neţţusellek si lekdubat yellan di ddyanat
Ma neţţeɛbad ḥaca Yahwa, a neţţusellek. Amek? Walit BIDYU-YAGI.
Ɣret-ed Ahellil 91:14, mbeɛd hedṛet ɣef westeqsi-yagi:
-
D acu i gewɛed Yahwa a ɣ-t-yexdem m’ara s-d-nesbeggin belli nḥemmel-it yerna ala neţţa i neţţeɛbad?
6. Neţţeɛbad Yahwa deg inejmuɛen
Deg inejmuɛen, teţţunefkay-aɣ tegniţ a d-neţǧawab yerna a ncennu. Swakka, neţḥemmid Yahwa yerna neţţemseǧhad gar-aneɣ. Ɣret-ed Ahellil 22:23, mbeɛd hedṛet ɣef yesteqsiyen-agi:
-
Ţţeɛǧaben-ak leǧwabat umi i tselleḍ deg inejmuɛen?
-
Tebɣiḍ a d-theggiḍ leǧwab w’a t-id-tiniḍ deg unejmuɛ?
7. Yahwa iḥemmel m’ara nheddeṛ ɣef wayen i d-nlemmed
Teţţunefkay-aɣ daymen tegniţ a nehdeṛ i wiyaḍ ɣef tideţ yellan deg Wedlis Iqedsen. Ɣret-ed Ahellil 9:2 akk-d 34:2, mbeɛd hedṛet ɣef westeqsi-yagi:
-
Ger leḥwayeǧ akk i d-tlemdeḍ deg Wedlis Iqedsen, anta deg-sent i tebɣiḍ aţ-ţessekneḍ i wiyaḍ?
KRA QQAREN: “Nezmer a neɛbed Ṛebbi akken i nebɣa. Awi-d kan a nexdem ayen yelhan.”
-
I kečč, d acu i tenniḍ?
AYEN I D-NELMED
Akken a s-teɛǧeb leɛbada-nneɣ i Ṛebbi, ilaq a t-neɛbed ḥaca neţţa, a t-neţḥemmid deg inejmuɛen-nneɣ, yerna a nheddeṛ i wiyaḍ ɣef wayen i d-nlemmed.
A d-nesmekti
-
Ɣef wacu i glaq aţ-ţreṣṣi leɛbada-nneɣ?
-
Ayɣer d Yahwa kan i glaq a neɛbed?
-
Ayɣer i glaq a neţnejmaɛ d wiyaḍ akken a neɛbed Ṛebbi?
TZEMREḌ AŢ-ŢWALIḌ DAƔEN
Yiwet n tmeṭṭut teḥka-d amek i d-teffeɣ si leɛbada n lmeṣnuɛat (wali taḥkayt « Je ne suis plus esclave des idoles » [Dayen, ur ḥkimen ara fell-i lmeṣnuɛat]).
La Bible transforme des vies (La Tour de Garde, 1er juillet 2011)
Lewṣayat ara k-iɛiwnen akken a d-teţǧawabeḍ deg inejmuɛen.
Loue Jéhovah dans l’assemblée (La Tour de Garde, janvier 2019)
Wali amek i gessaweḍ yiwen ilemẓi iḥeddeṛ i inejmuɛen ɣas akken ur yeshil ara fell-as.
Aṭas i gɣilen belli amidag, yeɛni ṣṣalib, icudd ɣer ddin amasiḥi. Meɛna, yesɛa amkan-is di leɛbada n ṣṣeḥ?
“Acuɣer ur ssexdamen ara Inagan n Yahwa amidag di ddin-nsen?” (di jw.org)
a A nwali mbeɛd leḥwayeǧ-agi deg yeḥricen i d-iteddun.