Kumba ngi la pule ha ka lynnong kaba la dep, ym baroh ki niam ki pynsngewbha ïa U Blei. Tangba, ngi lah ban mane ïa u Nongthaw jong ngi ha ka rukom kaba pynkmen ïa u. Ka rukom mane kaba kumno ka pynsngewbha ïa u? (Jakob 1:27) Peit ka Baibl ka ong kumno.

1. Ka jingmane jong ngi ka dei ban shong nongrim ha kaei?

Ka jingmane jong ngi ka dei ban shong nongrim ha ka Baibl. U Jisu u la ong ïa U Blei: “Ka ktien jong me ka long ka jingshisha.” (Ïoannis 17:17) Bun ki niam kim pdiang ïa ki jingshisha kiba don ha ka ktien jong U Blei. Ki khleh lang bad ki jinghikai jong u briew. Hynrei U Jehobah um sngewtynnad ïa kito kiba ‘kyntait ïa ka hukum U Blei.’ (Pule Markos 7:9.) Ha kawei pat ka liang, haba ngi bud ïa ki jinghikai jong ka Baibl, ngi pynkmen ïa ka dohnud jong u.

2. Kumno ngi dei ban mane ïa U Jehobah?

Kum u Nongthaw jong ngi, U Jehobah u dei hok ban ïoh ïa ka jingmane jong ngi baroh. (Jingpynpaw 4:11) Te ngi dei ban ieid bad mane tang ïa u, khlem da pyndonkam ïa kino kino ki dur ne ki bleithaw.—Pule Isaïah 42:8.

Ka jingmane jong ngi ka dei ban long ‘kaba khuid bad ba pynsngewbha’ ïa U Jehobah. (Rom 12:1) Kane ka mut ba ngi dei ban im katkum ki jinghikai jong u. Kum ka nuksa, kito kiba ieid ïa U Jehobah ki ieid bad kohnguh ïa ki jinghikai jong u haba ïadei bad ka jingïashongkurim. Bad ki kiar na ki jingmlien basniew, kum ka jingbam kwai, bam duma, ka jingdih sikret, ki drok ne ka jingdih kyrni ïa ka kyiad. a

3. Balei ngi dei ban mane ïa U Jehobah bad la ki parabangeit?

Ki jingïalang jong ngi ki ailad ïa ngi ban ‘ïaroh ïa U Jehobah . . . ha ka balang.’ (Salm 111:1, 2) Kawei ka rukom ka long da kaba rwai ïaroh ïa U Blei. (Pule Salm 104:33.) U Jehobah u phah ïa ngi ban leit sha ki jingïalang namar u ieid ïa ngi bad u tip ba kane kan ïarap ïa ngi ban ïoh ïa ka jingim kaba kmen shi junom. Haba ngi ïalumlang ngi pynshlur iwei ïa iwei.

 WAD SHUH SHUH

4. Ngim dei ban pyndonkam ïa ki dur ha ka jingmane jong ngi

5. Lada ngi mane tang ïa U Jehobah kan pynlaitluid ïa ngi na ki jingngeit ba bakla

 6. Ngi mane ïa U Blei ha ki jingïalang

Ngi ïaroh ïa U Jehobah bad pynshlur iwei ïa iwei da kaba rwai bad ai jubab ha ki jingïalang. Pule Salm 22:22, bad nangta sa ïa peit lang ïa kine ki jingkylli harum:

• Hato phi sngewtynnad ban ïohsngew ïa ki jubab ha ki jingïalang?

• Hato phi kwah ban pynkhreh ban ai kawei ka jubab?

7. U Jehobah u kmen haba ngi ïathuh ïa kiwei ïa kaei kaba ngi la ïoh jinghikai

Ki don bun ki rukom ha kaba ngi lah ban ïathuh ïa kiwei ïa ka jingshisha jong ka Baibl. Pule Salm 9:1 bad 34:1, bad nangta sa ïa peit lang ïa kane ka jingkylli harum:

• Kaei ka jinghikai kaba phi la ïoh na ka Baibl kaba phi kwah ban ïathuh ha kiwei?

 KI MAT BAKONGSAN

Ngi pynsngewbha ïa la u Nongthaw haba ngi mane tang ïa u, ngi ïaroh ïa u ha ki jingïalang, bad ngi ïasam bad kiwei ïa kaei kaba ngi la ïoh jinghikai.

Peit Biang

• Nangno ngi lah ban ïoh jinghikai shaphang kumno ban mane ïa U Blei ha ka rukom kaba u pdiang?

• Balei ngi dei ban mane tang ïa U Jehobah?

• Balei ngi dei ban mane ïa U Blei ryngkat bad kito kiba kwah ban pynsngewbha ïa u?