Мурунку бөлүмдө талкуулангандай, Кудайга бардык эле диндер жага бербейт. Бирок биз Жараткан Кудайга ал каалагандай сыйына алабыз. Анда ага кандай сыйынуу, башкача айтканда, кандай дин жагат? (Жакып 1:27). Эмесе, бул тууралуу Ыйык Китепте эмне делерин карап көрөлү.

1. Кудайга туура сыйынышты каяктан билсек болот?

Муну Ыйык Китептен биле алабыз. Иса Машаяк Кудайга: «Сенин сөзүң — чындык»,— деп айткан (Жакан 17:17). Айрым диндер Кудайдын Сөзүндө жазылган чындыкты четке кагышат. Анын ордуна, адамдар чыгарган окууларга, каада-салттарга карманышат. Бирок Кудайга анын «осуятын четке каккандар» жакпайт. (Оку: Марк 7:9.) Ага Ыйык Китепте жазылгандарга ылайык сыйынгандар, андагы кеңештерди колдонгондор жагат.

2. Жахабага кантип сыйынышыбыз керек?

Жахаба Жаратканыбыз болгондуктан, ага толук берилгендик сактаганыбыз маанилүү (Аян 4:11). Бул аны сүйүп, ага гана сыйынышыбыз керектигин билдирет. Ошондой эле сыйынганда сөлөкөттөрдү, кандайдыр бир буюм-тайымдарды колдонбошубуз керек. (Оку: Ышая 42:8.)

Биздин сыйынуубуз «ыйык, Кудайга жаккандай» болушу кажет (Римдиктер 12:1). Бул анын мыйзамдарына баш ийишибиз керектигин билдирет. Мисалы, Жахабаны жакшы көргөндөр анын никеге карата бекиткен нормаларын баалашат, аларга ылайык жашашат. Тамеки чегүү, баңгизат колдонуу, насыбай атуу, көп ичүү сыяктуу зыяндуу иштерден алыс болушат a.

3. Эмне үчүн Жахабага анын эли менен чогуу сыйынышыбыз керек?

Жума сайын жыйналыштарга барганыбызда «Жахабаны... даңазалаганга» мүмкүнчүлүгүбүз болот (Забур 111:1, 2). Мисалы, ал жактан аны даңктап ырдайбыз. (Оку: Забур 104:33.) Жахаба жыйналыштарга дайыма барышыбызды каалайт, анткени бизди жакшы көрөт. Ошондой эле бул түбөлүккө рахаттанып өмүр сүрүшүбүз үчүн зарыл экенин билет. Жыйналышка барганда бири-бирибизди бекемдеп-кубаттайбыз.

 ТЕРЕҢИРЭЭК КАЗ

4. Кудайга сыйынганда сөлөкөттөрдү колдонбошубуз керек

5. Жахабага гана сыйынсак, туура эмес ой-түшүнүктөрдөн арылабыз

 6. Жыйналыштан Кудайга сыйынабыз

Ал жактан ырдаганда, жооп бергенде Жахабаны даңктайбыз жана бири-бирибиздин ишенимибизди бекемдейбиз. Окугула: Забур 22:22. Анан бул суроолорду талкуулагыла:

• Жыйналыштагылардын берген жооптору сага дем-шык береби?

• Жыйналыштан жооп бергиң келеби?

7. Билгендерибизди башкаларга айтканыбыз Жахабага жагат

Ыйык Китептен билгендерибизди башкаларга айтканга көптөгөн мүмкүнчүлүктөр бар. Окугула: Забур 9:1; 34:1. Анан бул суроону талкуулагыла:

• Ыйык Китептен билгендериңдин кайсынысын башкаларга айтып бергиң келет?

 НЕГИЗГИ ОЙ

Жараткан Кудайга гана сыйынсак, жыйналыштан аны даңктасак жана билгендерибизди башкаларга айтсак, ага жагабыз.

Кайталоо

• Кудайга туура сыйынышты каяктан билсек болот?

• Эмне үчүн Жахабага гана сыйынышыбыз керек?

• Эмне үчүн ага анын эли менен чогуу сыйынышыбыз керек?