YOFUNJEDHA 14
N’nga ninaire a-vi ira Nlungu asangalalengana lambela wi-u?
Ninga mwafunjedhile i-yo mu yofunjedha ivirile, kai mareligiau othene anosangalali-a Nlungu. Mbwenye ninooda mlambela namapanduchi-u ndhila inom’sangalali-a. N’nga Nlungu unosangalalana religiau loi a-vi venango ira “lambela” oi a-vi? (Yakobo 1:27, madhu achindo) Dhoweni nioneni vinofunji-a Bibilya vamwasula.
1. N’nga ninofwanela i-ndi-edhanga basa n’ni volambela?
Ninofwanela indi-edha basa Bibilya nalambelanga Nlungu. Yesu vyalobela liye wa Nlungu, aongile ira: “Madwinyu mbaimbarimbari.” (Juwau 17:17) Mareligiau enango tanopwaza mwakomove makundo aimbarimbari a Bibilyani enao tali madhu a Nlungu ovudheleliwa. Mbwenye aliwa tanofunji-a mathuulelo na miyambo ya atu. Mbwenye Yohova kanosangalala naatu ale “anopwaza malamulwee.” (Muleri Marku 7:9.) Mo-iyana naatu enala, i-yo ninom’sangalali-a Yohova namwasa oi nino-indi-edha basa Bibilya volambela thitho nino-arela malangi-oee.
2. N’nga ninaire a-vi ira Yohova arumelenga lambela wi-u?
Yohova unofuna ira nilambelanga liye baa-i namwasa oi liye ngu namapanduchi-u. (Apokalipse 4:11) Vyevi vinothapulela ira ninofwanela mdhiveliwana nonlambela liye ekene baa-i, vo-o-indi-edha basa mafwano, viruthiruthi venango ifwano inango iliyothene.—Muleri Esaya 42:8.
Yohova unofuna ira nimlambelenga mundhila “yochena na yorumeleya.” (Aroma 12:1) Vyevi vinothapulela ira ninofwanela vwela malamulwee vaingumi yi-u. Mofwanafwani-a, atu anomdhiveliwana Yohova tanovwela no-arela malamulwee vamwasa oonga vya kazamento. Thitho tanodhilimbi-edha rambela makalelo oi ano-ela i-ngumi vangovini ninga fumali, i-ndi-edha basa mirombwe modaweya venango umwa mokwaranyi-a madile. a
3. Mwasiwa ngwan’ni ninofwanela lambela Yohova vambo-i na Makristau afwi-u?
Migumano inokaechana i-yo sumana lililothene inoniva-a ngari “yomtitimi-a Yohova . . . vapingoni.” (Salimo 111:1, 2) Ndhila imbo-i inoirela i-yo vyevi kuomba nyumbo dhomtitimi-a Nlungu. (Muleri Salimo 104:33.) Yohova unofuna ira nifwanyeenga vamigumanoni namwasa oi unonidhiveliwana, thitho liye utoidhiwa ira migumano inonikami-a kaana ingumi yosangalala dhowa nodhowa. Nadhowa migumanoni ninolimbi-a Makristau afwi-u thitho aliwa tanonilimbi-a.
FUNJEDHANI VINJINJI
Sakasakani ira muidhiwe mwasiwa ngwan’ni Yohova kanafuna ira i-yo ni-indi-edhenga basa mafwano vomlambela. Muidhiwe thitho ndhila dhofuneya dhina-indi-edhe i-yo basa vomtitimi-a Nlungu.
4. Kaninofwanela i-ndi-edha basa mafwano volambela Nlungu
N’nga ninoidhiwa a-vi ira Nlungu unosangalala narambelanga indi-edha basa mafwano? Muonele VIDIYO, mwamala mutapanye yofuka yo-arelai.
-
N’nga chini yaireele arumiwi a Nlungu enango enao tawesedhile i-ndi-edha basa mafwano volambela?
Atu enango tano-indi-edha basa mafwano vomlabela Nlungu namwasa othuulela ira mafwanwao tangaakami-idhe ira tam’mwandamele Nlungu. N’nga irana vyevi ungaakami-idhedi ira tam’mwandamele? Muleri Ekisodo 20:4-6 na Salimo 106:35, 36 mwamala mutapanye vyofuka vyo-arelavi:
-
N’nga nyo mutoroma onavo atu ta-indi-edhanga basa mafwano venango vifwanafwani-o volambela Nlungu?
-
N’nga Yohova unovwa a-vi aonanga atu ta-indi-edhanga basa mafwano?
-
N’nga nyo munoona ira i-ndi-edha basa mafwano kofwanelela?
5. Nalambelanga Yohova baa-i ninokala othathuwa wu mafunji-edho onama
Muone mwemo lambela Yohova mundhila yorumeleya munanikami-edhe aliwa ira nithathuwe va mafunji-edho onama. Muonele VIDIYO.
Muleri Salimo 91:14, mwamala mutapanye yofuka yo-arelai:
-
N’nga Yohova unolanyedha niirelan’ni nathonyi-edhanga ira ninom’dhiveliwana volambela liye baa-i?
6. Ninolambela Nlungu vamigumano yava pingoni
Naombanga nyumbo nowakhula vamigumanoni, ninomtitimi-a Yohova thitho ninolimbi-ana. Muleri Salimo 22:22, mwamala mutapanye vyofuka vyo-arelavi:
-
N’nga nyo munodhivelina vuruwana vyowakula vamigumanoni?
-
N’nga munodhiveliwa kozeela ira mumawakule vamigumanoni?
7. Yohova unosangalala nawandelanga atu enango vinofunjedha i-yo
Vatokala ndhila dhinjinji dhina-indi-edhe i-yo basa vowandela atu enango imbarimbari ya Bibilyani. Muleri Salimo 9:1 na 34:1, mwamala mutapanye yofuka yo-arelai:
-
N’nga ndi likundo livi lifunjedhilenyo Bibilyani lelo linofunanyo m’mwandela mutu unango?
ATU ENANGO ANOONGA IRA: “Nili atu odawa maningi, kaninaode msangalali-a Nlungu.”
-
N’nga nyo munothuulela a-vi?
MAKUNDO OGWANDELA
Ninosangalali-a namapanduchi-u nalambelanga liye baa-i, namtitimi-anga vamigumano ya pingo thitho nawandelanga atu enango vifunjedhile i-yo.
Vyofuka vyowelela
-
N’nga ninaire a-vi ira niidhiwe ndhila yofwanelela yolambelela Nlungu?
-
Mwasiwa ngwan’ni ninofwanela mlambela Yohova baa-i?
-
Mwasiwa ngwan’ni ninofwanela lambela Nlungu vambo-i naatu anofuna msangalali-a?
IDHIWANI VINJINJI
Mu mwasa oi, “Ndinasiya Kulambira Mafano,” muone vyairile i-yana unango ira a-iyachi lambela mafwano.
“Baibulo Limasintha Anthu” (Nsanja ya Olonda, 1 wa Julho, wa 2011)
Muone vinofuna ukami-ani ira muwakulenga vamigumano ya pingo.
“Tizitamanda Yehova Mumpingo” (Nsanja ya Olonda, Janeiro wa 2019)
Muone mwemo migumano mwakami-idhe aliwa zombwe unango angalive ira vyali vyorucha dhowa migumanoni?
Atu anjinji tanororomela ira kuruju chiizindiyelo Yaukristau, n’nga ninofwanela i-indi-edha basa volambela?
“N’chifukwa Chiyani Simugwiritsa Ntchito Mtanda Polambira?” (Mwasa wavasaiti)
a Myasa yen’na ninodha itapanya sogolou.
