PƐ MƐDÃPIA 14

Zi Kpɛɛ Lɛ Ko Gbini Wala Lɛɛ Kɔɔ E Bɛi A Zodaa Ka?

À DA YƐƁO PÍÉ

Kɔa mɛdã kelɛ Gbini Wala lɛɛ kɔɔ seĩ lɛɛ́ Wala zo da, pɛ mɛdãpia ye e diea yi. E kɛ bɛ̃ɛ̃ kilia, koo bɛi gbini ko Kɛmi lɛɛ a zoda zi pie. Mɛ e gbini a lɛɛ kɔ kpeĩ ɛ̃ɛ̃ pulu lɛ e a zodaa ka? (Zĩĩ 1:27) Ko wɔ̃ lɛ Baabo a geea gɛ̃.

1. Zi kpɛɛ lɛ ko bɛi Gbini Wala lɛɛ kɔ lɛ e a zodaa mɛdãa a ka?

Koo bɛi a mɛdãa Baaboa yi. Zizɛ a gee Wala lɛɛ: “I lewe lɛ e wɔ̃ wanazɛ e kilia kaa.” (Zɔ̃ɔ̃ 17:17) Gbini Wala lɛɛ kɔ bunuzɛ yimia oo wana wɔ̃ lɛ e Baabo yia da o kɔ mɛi, to waa mia ɓeee zi gikã wa yiikɔ yee zɔ̃ɔ. Kɛɛ Zihova zodaa wá mia lɛ o ‘la lɔɔ da o kɔ mɛia’ pie. (Maa 7:9 gee) Ye kɔaa to wɔ̃ lɛ Baabo a geea piea lɛɛ Zihova geli.

2. Zi kpɛɛ lɛ laa mɔ ko gbini a ka Zihova lɛɛ?

Laa mɔ ko gbini Zihova doo lɛɛ, ɓii a ye lɛ e ko Kɛmi kaa. (Wɛlɛvelesɔ̃ 4:11) A yi lɛ e kelɛ ko lɔkɛ a ka ɛ̃ɛ̃ ko gbini nɔ a doo lɛɛ, yekɛ ko kɛ kɛɛwɛlɛ ɛ̃ɛ̃ pɛbĩĩ nɔɔfe ka.—Aazaya 42:8 gee.

Zihova laa naa ko “kɛ a doo la mia ni ka, kɛɛ e kɛ a zoda wɔ̃ ka.” (Woloma 12:1) A yi lɛ e kelɛ ko to laa lɔɔ nia pie. A gɔ̃a gɛ̃, mia lɛ o lɔkɛ Zihova kaa oo to la lɔɔ ni lɛ a gbɛ̃ɛ lɛ kiesiwɔ̃ mɔɔ pie. Ɛɛ̃ oo o kɔɓo wɔ̃ yɔɔ yɔɔ kɛɛ ni lɛ o kelɛ tããkpaa mi wɔ̃, nyiɛ ni lɛ ye wa mɔ o sia, wa yɔyii mi wɔ̃ ba. a

3. Mɛ e kɛ lɛ laa mɔ ko da ko leege vɔ ba ko gbini Zihova lɛɛ?

Ko lɔɔ yi pakiemɔ nia lɛɛ luo nɔ ko lɛɛ kɛ ko “Zihova tɔɓɔ nukielaa yi.” (Sãã 111:1, 2) Zi doo lɛ ko kɛaa lɛ e kelɛ ko tã ɓo ɛ̃ɛ̃ ko Zihova tɔɓɔ. (Sãã 104:33 gee.) Zihova laa gee ko lo pakiemɔ nia yi, ɓii laa lɔkɛ ko ka ɛ̃ɛ̃ laa yidɔ kelɛ lɛɛ lo gbũu ko mɔ ko kɛ gelizɛ toakili ka. Pakiemɔ nia yia koo ko kie ni fãawaa ɛ̃ɛ̃ lɛɛ gbũ ko mɔ.

A PIE FOO

Pɛ e kɛ lɛ Zihova lɛɛ́ wee a mɔ ko gbini a lɛɛ kɛɛwɛlɛ kaa gɛ̃. Zi kpanazɛ ni lɛ i bɛi Wala tɔɓɔɔ a kaa mɛdã.

4. Ye waa mɔ ko gbini Wala lɛɛ kɛɛwɛlɛ ka

Zi kpɛɛ lɛ ko yidɔa kelɛ a kɛ kilia lɛɛ́ lo Wala zoda? Ko VILOA gɛ̃, ɛ̃ɛ̃ kɛ ko wɛĩlɔɔ e to a piea yiɓo.

VILO: Kɛa Wala Lɛɛ Wee A Mɔ Mia O Gbini A Lɛɛ Kɛɛwɛlɛ Ka? (3:26)

Lɛ Wala la mia nia do o kɛ gbinipia a lɛɛ kɛɛwɛlɛ kaa mɛɛ wɔ̃ lɛ e kɛ?

Mia do oo gɛ̃ kelɛ ye waa gbini Wala lɛɛ kɛɛwɛlɛ kaa oo lo gãã a ka kɔɛ. Kea lɛɛ lo kpokpo ɓo a kɛɛ kɛ o nu Wala ka kɔɛ? Ko Ɛselɔ 20:4-6 wa Sãã 106:35, 36 gee, ɛ̃ɛ̃ kɛ ko wɛĩlɔɔ ni o kea yiɓo:

Kɛɛwɛlɛ wa pɛbĩĩ kpɛɛ lɛ ɓaa gɛ̃ mia kɛlɛ waa gbinia Wala lɛɛ?
Zi kpɛɛ lɛ Zihova ee yɛlɛtaa ka e gbɛ̃a gbini a lɛɛ kɛɛwɛlɛ ka mɔ?
Zi kpɛɛ lɛ ɓi bɛ̃ɛ̃ ii yɛlɛtaa ka e gbɛ̃a gbini Wala lɛɛ kɛɛwɛlɛ ka mɔ?

5. Gbini Zihova doo lɛɛ lɛɛ mia la nɛwɔ̃ kɛlɛ

Ko zi lɛ gbini Zihova lɛɛ, a zoda zi piea e bɛi ko laa ka nɛ wɔ̃ kɛlɛɛ gɛ̃. Ko VILOA gɛ̃.

VILO: Wana Wɔ̃ɔ Aa Ko La (5:16)

Ko Sãã 91:14 gee, ɛ̃ɛ̃ kɛ ko wɛĩlɔɔ e kea yiɓo:

Mɛɛ wɔ̃ lɛ Zihova e wedɔa ko lɛɛ ye kɔaa zɔ̃ɔ kelɛ koo lɔkɛ a ka, ɛ̃ɛ̃ a doo lɛ nɔ ko gbini a lɛɛ ka?

6. Koo gbini Wala lɛɛ ko nukiela mɔɔ pakiemɔ nia yi

Koo Zihova tɔɓɔ ɛ̃ɛ̃ kɔaa ko kie ni fãawaa tã ɓoo wa wɔ̃daamɔwe ni ka ko nukiela mɔɔ pakiemɔ yi. Ko Sãã 22:22 gee, ɛ̃ɛ̃ kɛ ko wɛĩlɔɔ ni o kea yiɓo: