TLAMACHTIL 14
¿Ken moneki tikueyichiuaskej toTajtsin Dios?
Yotimomachtijkej toTajtsin Dios amo kinselia nochi religiones. Pero kema uelis tikueyichiuaskej ken ye kipaktia. ¿Ken kineki toTajtsin Dios matikueyichiuakan? (Santiago 1:27). Matikitakan tlen kijtoua Biblia.
1. ¿Ken uelis tikmatiskej ken kineki toTajtsin Dios matikueyichiuakan?
Uelis tikmatiskej tla timomachtiaj Biblia. Jesús okilui toTajtsin Dios: “Melauak tlen kijtoua motlajtol” (Juan 17:17). Seki religiones amo kichiuaj tlen kijtoua iTlajtol toTajtsin Dios. Yejuan kinpaktia kichiuaskej tlen oksekimej kinmiluiaj uan noijki moyekanaj ika costumbres. Pero Jehová amo kipaktia religiones tlen amo kichiuaj tlen ye tlanauatia (xiktlajtolti Marcos 7:9). Ijkuak tikchiuaj tlen kijtoua Biblia tikyolpaktiaj.
2. ¿Ken kineki Jehová matikueyichiuakan?
Jehová otechchijchi ikinon san ye kinamiki matikueyichiuakan (Apocalipsis 4:11). Non kijtosneki san ye tiktlasojtlaskej uan amo tikueyichiuaskej nion se imagen (xiktlajtolti Isaías 42:8).
Moneki chipauak matikueyichiuakan toTajtsin Dios uan ken ye kipaktia (Romanos 12:1). Ikinon moneki matikpiakan chipauak tonemilis ijkon ken ye kipaktia. Akinmej kitlasojtlaj Jehová kitlakamatij tlen kinnauatia akinmej yomonamiktijkej. Noijki amo kitekitiltiaj drogas, amo tlachichinaj nion tlauanaj. a
3. ¿Tleka moneki matikueyichiuakan Jehová inuan akinmej kitlakamatij?
Ijkuak timonechikouaj sejse semana inuan oksekimej, tikueyichiuaj Jehová (Salmo 111:1, 2). Noijki tikueyichiuaj ijkuak tiktlakuikiliaj (xiktlajtolti Salmo 104:33). Jehová techtlasojtla, ikinon kineki matimonechikokan, porque kimatok tlen ompa timomachtiaj, techpaleuis nochipa matiyoltokan. Ijkuak timonechikouaj, tinochtin timoyolchikauaj.
MATIMOMACHTIKAN
Matikitakan tleka Jehová amo kineki matikintekitiltikan imágenes ijkuak tikueyichiuaj. Matikitakan ken moneki tikueyichiuaskej.
4. Amo kuali matikintekitiltikan imágenes ijkuak tikueyichiuaj Jehová
¿Ken tikmatij amo kipaktia? Xikitakan VIDEO uan satepan xikitakan tlen namechmachtia.
-
¿Tlen opanok yiuejkika ijkuak itekipanojkauan toTajtsin Dios okitekitiltijkej se imagen ijkuak okiueyichijkej?
Sekimej mokuayejyekouaj toTajtsin Dios okachi kinkaki ijkuak kiueyichiuaj ika imágenes, ¿pero kipaktia ijkon matikchiuakan? Xiktlajtoltikan Éxodo 20:4-6 uan Salmo 106:35, 36 uan satepan xikitakan tlen namechmachtia.
-
¿Tlen kitekitiltiaj miakej ijkuak kijtouaj kiueyichiuaj toTajtsin Dios?
-
¿Kipaktia Jehová matikueyichiuakan ika imágenes?
-
Tejuatsin ken tikita, ¿kuali matikinueyichiuakan imágenes?
5. Tla san Jehová tikueyichiuaj, ayakmo ikaj techkajkayauas
Matikitakan tleka tla tikueyichiuaj Jehová ken ye kineki, ayakmo ikaj techkajkayauas. Xikitakan VIDEO.
Xiktlajtoltikan Salmo 91:14 uan satepan xikitakan tlen namechmachtia.
-
Tla tikteititiaj san Jehová tiktlasojtlaj uan san ye tikueyichiuaj, ¿tlen kichiuas ye?
6. Tikueyichiuaj Jehová ijkuak timonechikouaj
Ijkuak titlakuikaj uan titlanankiliaj kanin timonechikouaj, tikueyichiuaj Jehová uan tikinyolchikauaj oksekimej. Xiktlajtoltikan Salmo 22:22 uan satepan xikitakan tlen namechmachtia.
-
¿Mitspaktia ijkuak sekimej tlanankiliaj?
-
¿Mitspaktiskia timomachtis para titlanankilis ijkuak timonechikouaj?
7. Jehová kipaktia ijkuak tikinmiluiaj oksekimej tlen timomachtijtokej
Miakej uelis tikinmiluiskej tlen timomachtijtokej. Xiktlajtoltikan Salmo 9:1 uan 34:1 uan satepan xikitakan tlen namechmachtia.
-
¿Tlen mitspaktiskia tikinmiluis oksekimej?
SEKIMEJ KIJTOUAJ: “Tla tiyolkualmej, uelis tikueyichiuaskej toTajtsin Dios san ken tiknekiskej”.
-
¿Tejuatsin tlen tikijtoua?
XIKILNAMIKTO
Tikyolpaktiaj toTajtsin Dios ijkuak san ye tikueyichiuaj, ijkuak tikueyichiuaj kanin timonechikouaj uan ijkuak tikinmiluiaj oksekimej tlen timomachtijtokej.
Matikojpauikan
-
¿Kanin kijtoua ken uelis tikueyichiuaskej toTajtsin Dios ken ye kineki?
-
¿Tleka san Jehová moneki tikueyichiuaskej?
-
¿Tleka moneki tikueyichiuaskej toTajtsin Dios inuan akinmej kinekij kitlakamatiskej?
NIN NOIJKI MITSPAKTIS
Xikita tleka se siuatl kuali omomachili uan oyolpakik ijkuak ayakmo okintekitilti imágenes itech tlamachtil “Axkan san toTajtsin Dios nikueyichiua”.
“Biblia okinpatili innemilis” (Akin Tetlapouijtok, 1 de julio 2011)
Xikita tlen mitspaleuis titlanankilis ijkuak timonechikos.
“Ma tikueyichiuakan Jehová ijkuak timonechikoaj” (Akin Tetlapouijtok, enero 2019)
Xikita tleka se telpochtli okipaleui ijkuak opejki monechikoua maski okitaya oui ijkon kichiuas.
Miakej kijtouaj akinmej kineltokaj Cristo moneki kitekitiltiskej cruz, ¿pero moneki matiktekitiltikan ijkuak tikueyichiuaj toTajtsin Dios?
“¿Tleka iTlaixpantijkauan Jehová amo kitekitiltiaj cruz?” (Nin tlamachtil kajki itech jw.org/ncx)
a Satepan okachi timomachtiskej itech nin tlamantli.
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
