Ngua dulsaod er ngii er a uleak uchei el suobel, ngdiak el rokui el klechelid a odeuir a rengul a Dios. Me nguaisei engdi ngsebeched el mengull er a Ulemeob el ngar er a rolel e ngkongei er omengull er kid. Ngera el “rolel a klechelid” a odeuir a rengul? (Jakobus 1:27) Molatk aike el lolisechakl a Biblia.

1. A omengull er kid ngkirel mengai a uchetemel er a ngerang?

Omengull er kid a kirel mengai a uchetemel er a Biblia. A Jesus a dilu er a Dios el kmo: “A tekingem a klemerang.” (Johanes 17:17) A bebil klechelid a diak lolisechakl er a klemerang er a Tekingel a Dios el Biblia. Te bai olisechakl osisecheklir me a siukang er a rechad. Engdi tirke el “mengoit a llechul a Dios” a kmal diak lodeuir a rengul. (Monguiu er a Markus 7:9.) Kede odeuir a rengul a Jehovah sel doltirakl a osisechakl me a ulekrael er a Biblia.

2. Ngkirel uangerang a dongull er a Jehovah?

A Jehovah el Ulemeob er kid a kirel di ngii el tang a dongull er ngii. (Ocholt 4:11) Tia belkul a kmo ngkirel di ngii el tang a dongull e mo betik a rengud er ngii, el diak dousbech a bleob me a lechub e ngii di el ngerang el leko ngokesiul.​—Monguiu er a Isaia 42:8.

A omengull er kid a kirel “chedaol tenget, el odeuir a rengul” a Jehovah. (Rom 12:1, BT) Tia belkul a kmo ngkired el kiei loltirakl a llechul. El ua tiang, tirke el betik a rengrir er a Jehovah oltirakl a llechul el kirel a chebechiil. Te dirrek el mengeroid er tir er a omeruul el mo uchul a telemellir el ua usbechel a dekool me a mekngit el usbechellel a kar me a rrom. a

3. Ngera uchul me ngkired el mengull er a Jehovah lobengterir a rebebil?

A miting er kid er a bek el sandei a meskid a techall el “modengesii a RUBAK . . . el ngar ongdibel er a re chedal.” (Psalm 111:1, 2) A ta er a rolel a doruul er tiang a sel dongitakl a chelitakl er odanges el mora Dios. (Monguiu er a Psalm 104:33.) A Jehovah olengit er kid el mo ngar er a miting e le ngbetik a rengul er kid e medengei el kmo tia mo ngosukid el mo oldeu a rengud er a klengar el mo cherechar. Sel bo dedak el kldibel el kirel a klasisiich, e ngmo uchul a klungioled.

 BOM DMOLECH EL MERRITER

4. Ngdiak el kired lousbech a bleob el ngar omengull er kid

5. Kede mo mimokl er a klsuul uldasu sel dongull er a Jehovah el di ngii el tang

 6. Kede mengull er a Dios er a miting er a ongdibel

Kede oldanges er a Jehovah e kasisiich sel dongitakl e donger er a miting er a ongdibel. Monguiu er a Psalm 22:22 e mosaod aika el ker:

• Ngdmeu a rengum lorrenges a nger er a rechad er a miting?

• Ngsoam el kutmeklau el mo onger?

7. A Jehovah mo dmeu a rengul sel douchais er a rebebil aike el dosuub

Ngbetok a rolel e ngsebeched louchais er a rebebil a klemerang er a Biblia. Monguiu er a Psalm 9:1 me a 34:1 e mosaod er tia el ker:

• Ngera obla msuubii er a Biblia a soam louchais er ngii er a kuk ta er a chad?

 SUMMARY

Kede odeuir a rengul a Ulemeob sel dosiou er ngii el di ngii el tang, doldanges er ngii er a miting er a ongdibel, e douchais er a rebebil aike el dosuub.

Review

• Ngmekera desuubii el mo mengull er a Dios el ngar er a rolel el lekengei er ngii?

• Ngera uchul me ngkired el mengull er a Jehovah el di ngii el tang?

• Ngera uchul me ngkired el mengull er a Dios lobengterir a rechad el sorir lodeuir a rengul?