LEKTIONA 14
Hawo patsepen hi jaake, har o Dewel kowa kamella?
Har mer dikam, hi gar hako patsepen jaake, har o Dewel kamella. Ninna te hin gar i tsele religione glan leskre jaka latcho, nai sharah les un nai mangah les jaake an, te well lo bachteles. Doleske hunte putchas mer men: “Hoi hi latcho glan leskre jaka?” (Jakobo 1:27.)
1. Hoi hunte well o fundamento, te djala pral o patsepen?
I bibla hunte well mari basis. Hoske? O Jesus penas ap o Debleste: “Tiro lab hi o tchatchepen” (Johanni 17:17). Bud religione rikrenn pen gar ap i bibla. Jon nashenn menshengre laba un lengre traditione pal, hoi o Jehowah gar kamella (Dik pal an Marko 7:9). Mer te rikrah men ap kowa, hoi an i bibla tardo hi un te shunah mer ap i biblakre laba, hi job bachteles.
2. Har te sharas i Jehowes an maro patsepen?
O Jehowah kerdas men. Doleske hunte djiwas kokres leske (Debleskro Tsiro 4:11). Ko sikrah leske, te kamah les maro djiestar, un te lah kek figure, kek symbole oder illustratione, te mangah ap leste (Dik pal an 5. Mose 5:8, 9).
Maro patsepen hunte well an i Jehoweskre jaka djudjo (Remarja 12:1). Sawo djudjepen sikrell pes, te djiwah pal leskre moraltike standards. Kola, kai kamenn i Jehowes, rikrenn pen ap kowa, hoi job pral o romedinepen penella. Jon lenn witar kek koowa, hoi nasslo krella — jon pijenn kek pimangre, lenn kek djunglo drab, len gar budeder medikamente har hunte lenn le, un pijenn pen gar mato. a
3. Hoske te was wawarentsa khetne, kai an o patsepen hi?
Hako kurko nai sharah mer i Jehowes “kote, kai kolla khetne wenna, kai o tchatcho drom djan” (Gilja 111:1, 2). Ko krah ninna giljentsa, hoi giwah (Dik pal an Gilja 104:33). O Jehowah kamell men un djinella, o Khetnepen hi menge mishto. Doleske kamell lo, te djas kote. Mer te wah khetne, krah mer men un mare prahlen un pehnjen sorles.
RODAS DUREDER
Kanna dikeh, hoske o Jehowah gar kamella, te las koowa glan mare jaka, te mangah. Tuke well ninna sikedo, har te sharas i Jehowes.
4. Hoske te tchiwas mer menge tchi glan mare jaka, te mangah?
Mer te krah kowa, tchiwah mer i bari duk an o Jehoweskro dji. Te dikan o VIDEO, rakrenn khetne pral:
-
Hoi djas an o phuro tsiro kolentsa, kai tchiwan statue glan pende, har jon kaman te mangell?
Denna menshe kai patsenn, te tchiwenn le illustratione oder wawar koowa glan pende, jon te mangenn, hi o Dewel budeder pash lende. Nai tserdell pes o Dewel mendar pale, te krah sawo koowa? Te draweran 2. Mose 20:4-6 un Gilja 106:35, 36, rakrenn khetne pral:
-
Hawo koowa brindjreh tu, hoi menshe lenna, te mangenn le ap o Debleste?
-
Har hi i Jehoweske kowa, te tchiwah mer menge koowa glan i jaka, te mangah ap leste?
-
Kamals tu tchomone glan i jaka te lell, te mangeh?
5. Mer te mangah kokres ap i Jehoweste, lell men kowa win dran chocheno koowa
Tu te mangeh jaake ap i Jehoweste, har job kamella, palle lell tut kowa dran chocheno koowa win. Dikenn o VIDEO.
Te draweran Gilja 91:14, rakrenn khetne pral:
-
Hoi krell o Jehowah kolenge, kai mangenn dran pengro djieskro kamlepen kokres ap leste?
6. Mer sharah o Debles an o Khetnepen
Mer te giwah khetne un te dah kommentare, krah mer men sorles un sharah i Jehowes. Te draweran Gilja 22:22, 23, rakrenn khetne pral:
-
Hi tuke kowa shukar, tu te huneh an o Khetnepen kommentare?
-
Kamals tu ninna i kommentar te dell?
7. O Jehowah dikell latches ap mende, te penah wawarenge, hoi mer kanna djinah
Kote denn bud situatione, kai nai rakrah wawarentsa pral o biblakro tchatchepen. Te draweran Gilja 9:1, 2 un 34:1, 2, rakrenn khetne pral:
-
Hoi haiwal tu dran i bibla, hoi kamals o djiestar i wawareske te sikrell?
BUD PENENNA: “Mer te patsah ap o Debleste, hi leske kowa jek, an hawo patsepen ham.”
-
Hoi penals tu ap kowa?
HOI KATE PENLO WAS
O Dewel dikell latches ap mende, mer te mangah kokres ap leste, te sharah les an o Khetnepen un te rakrah wawarentsa pral kowa, hoi mer kanna djinah.
Hoi penals tu?
-
Kai te hatsas mer, hawo patsepen an i Debleskre jaka mishto hi?
-
Hoske mangas kokres ap i Jehoweste?
-
Hoske hi menge kowa mishto, te wah wawarentsa khetne, te sharas khetne o Debles?
BUDEDER
Kate an “Me hum buder kek budepaskritsa chochene deblendar” penell i djuwel, hoske joi bude gar ap chochene deblende mangella.
“I bibla kras lengro djipen newes” (O Gardeskro Kher, Juli 1, 2011)
Kate hatseh laba, hoi denn tut koi soor, te dess i kommentar an o Khetnepen.
“Sharenn i Jehowes an o Khetnepen” (O Gardeskro Kher, Januar 2019)
Kate nai huneh i terno morshestar, hoske leske o Khetnepen mishto his, ninna kai his leske kowa phares, te well lo koi.
Bud patsenn, o trushel hi i symbol, hoi christenge an pengro patsepen hunte well. Hi kowa jaake?
“Hoske lenn Jehoweskre Rakepangre an pengro patsepen kek trushel?” (I artikla online)
a Pral kowa hatseh tu budeder an kola lektione, hoi wenna.