MËSIMI 14
Si ta adhurojmë Perëndinë siç i pëlqen atij?
Siç e pamë në mësimin e kaluar, Perëndisë nuk i pëlqejnë të gjitha fetë. Sidoqoftë, është e mundur ta adhurojmë Krijuesin në një mënyrë që ia gëzon zemrën. Çfarë lloj «adhurimi [ose feje]» i pëlqen atij? (Jakovi 1:27, shënimi) Shqyrto çfarë thotë Bibla.
1. Ku të mësojmë si duhet ta adhurojmë Perëndinë?
E mësojmë këtë në Bibël. Jezui i tha Perëndisë: «Fjala jote është e vërteta.» (Gjoni 17:17) Disa fe nuk duan t’ia dinë për të vërtetat e Biblës, Fjalës së frymëzuar të Perëndisë, dhe i zëvendësojnë me mësime e tradita njerëzish. Por Jehovai nuk kënaqet me ata që ‘shpërfillin urdhërimet e Tij’. (Lexo Markun 7:9.) Nga ana tjetër, i bëhet zemra mal kur e adhurojmë siç na mëson Bibla dhe ndjekim këshillat e saj.
2. Si duhet ta adhurojmë Jehovain?
Si Krijuesi ynë, Jehovai meriton t’i përkushtohemi vetëm atij. (Zbulesa 4:11) Kjo do të thotë ta duam Jehovain e të adhurojmë vetëm atë, pa përdorur idhuj, shëmbëlltyra ose ikona.—Lexo Isainë 42:8.
Adhurimi që i bëjmë Jehovait duhet të jetë «i shenjtë dhe i pranueshëm» për të. (Romakëve 12:1) Pra duhet të jetojmë sipas normave të tij morale. Për shembull, kush e do Jehovain, i ka për zemër dhe u bindet standardeve që Ai ka vendosur për martesën. Po ashtu, shmang veset e dëmshme, si pirjen e duhanit dhe abuzimin me drogat dhe alkoolin. a
3. Pse duhet ta adhurojmë Jehovain me bashkëbesimtarët?
Mbledhjet tona javore na japin mundësi që ‘ta lëvdojmë Jehovain në kongregacion’. (Psalmi 111:1, 2) Një mënyrë si e bëjmë këtë është me anë të këngëve. (Lexo Psalmin 104:33.) Jehovai na kërkon të shkojmë në mbledhje, sepse na do dhe e di se mbledhjet do të na ndihmojnë ta gëzojmë jetën përgjithmonë. Kur mblidhemi, inkurajojmë të tjerët e marrim zemër edhe vetë.
SHQYRTO MË TEJ
Le të shohim pse Jehovai nuk e pranon adhurimin tonë kur përdorim shëmbëlltyra. Do të mësojmë edhe disa mënyra të rëndësishme si ta lëvdojmë Perëndinë.
4. Nuk duhet të përdorim shëmbëlltyra për të adhuruar Perëndinë
Nga e dimë se Perëndisë nuk i pëlqen të përdorim shëmbëlltyra? Shihni VIDEON dhe më pas diskutoni për këtë pyetje:
-
Çfarë ndodhi kur disa nga Izraeli i lashtë përfshinë një idhull në adhurimin e Perëndisë?
Disa i përdorin shëmbëlltyrat ngaqë duan të ndihen më afër Perëndisë. Por, mos vallë kështu vetëm sa e largojnë Perëndinë? Lexoni Eksodin 20:4-6 dhe Psalmin 106:35, 36 e më pas diskutoni për këto pyetje:
-
Cilat objekte ose shëmbëlltyra përdorin disa për të adhuruar Perëndinë?
-
Si ndihet Jehovai nëse përdorim shëmbëlltyra?
-
Po ti, a mendon se duhen përdorur shëmbëlltyrat?
5. Kur adhurojmë vetëm Jehovain, çlirohemi nga mësimet e rreme
Shih si çlirohemi nga mësimet e rreme kur e adhurojmë Jehovain siç do ai. Shihni VIDEON.
Lexoni Psalmin 91:14 dhe më pas diskutoni për këtë pyetje:
-
Çfarë na premton Jehovai kur ia tregojmë dashurinë duke adhuruar vetëm atë?
6. E adhurojmë Perëndinë në mbledhjet e kongregacionit
Kur komentojmë e këndojmë në mbledhjet e kongregacionit, lëvdojmë Jehovain dhe forcojmë njëri-tjetrin. Lexoni Psalmin 22:22 dhe më pas diskutoni për këto pyetje:
-
A të kanë pëlqyer komentet që ke dëgjuar në mbledhje?
-
A ke dëshirë të përgatitësh edhe ti një koment?
7. Jehovai kënaqet kur u flasim të tjerëve për gjërat që mësojmë
Ka plot mënyra si t’ua tregojmë të tjerëve të vërtetat e Biblës. Lexoni Psalmin 9:1 dhe 34:1 e më pas diskutoni për këtë pyetje:
-
Cilin mësim të Biblës dëshiron t’i tregosh dikujt?
DISA THONË: «Secili e di vetë si e adhuron Zotin.»
-
Po ti, si mendon?
PËRMBLEDHJE
Ia gëzojmë zemrën Krijuesit kur adhurojmë vetëm atë, e lëvdojmë në mbledhjet e kongregacionit dhe u tregojmë të tjerëve çfarë kemi mësuar.
Si do të përgjigjeshe?
-
Cili libër na mëson si duhet ta adhurojmë Perëndinë?
-
Pse duhet të adhurojmë vetëm Jehovain?
-
Pse ta adhurojmë Perëndinë bashkë me të tjerë që përpiqen t’i pëlqejnë atij?
EKSPLORO
Në historinë me titull «Nuk jam më skllave e idhujve», mëso se si një grua hoqi dorë nga adhurimi i idhujve.
Shqyrto disa gjëra që të ndihmojnë të komentosh në mbledhjet e kongregacionit.
«Lëvdo Jehovain në kongregacion» (Kulla e Rojës, janar 2019)
Shih si nxori dobi nga mbledhjet e kongregacionit një i ri, ndonëse s’e pati të lehtë t’i ndiqte.
Shumë njerëz e konsiderojnë kryqin simbol të krishterimit, por a duhet ta përdorim kur adhurojmë Perëndinë?
«Pse Dëshmitarët e Jehovait nuk e përdorin kryqin në adhurim?» (Artikull në jw.org)
a Për këto tema do të flitet në mësimet e mëvonshme.
Mund të të pëlqejë edhe . . .
PYETJE QË BËHEN MË SHPESH
Çfarë është kursi për studimin e Biblës që ofrojnë Dëshmitarët e Jehovait?
Nëpërmjet programit interaktiv falas që ofrojnë Dëshmitarët e Jehovait, mund të përdorësh çdo lloj përkthimi të Biblës. Ndihu i lirë të ftosh tërë familjen ose miqtë e tu.
