Prom da lesen bipo, wi bin stadi dat olkain rilizan no plize God. Bat, da wan uda bin Meke yumi, i gad prapawei yumpla ken wosip em, po meke em api. Wanem da prapawei po wosip [o, rilizan] wea i go plize em? (Zemes 1:27 NWT, putnot) Tingbaut wanem Baibol i tis.

1. Wea yumi ken lanbaut da prapawei po wosip God?

Wosip blo yumi mas mata yuze Baibol. Zizas bin spik po God: “Dem wod blo yu i mata tru.” (Zon 17:17) Sam rilizan no tekenotis dem trutok insaid Wod blo God, da Baibol. Dempla bin tekemaut wanem i tru ane pole ol tising ane kastamlo blo man. Zeoba i no api wea dempla uda “prapa no wande dem lo blo God.” (Rid Mak 7:9.) Bat, wen wi pole Baibol mina klostuwan ane pole waiztok blo em, yumi ken meke at blo God api.

2. Wiskain wei yumi mas wosip Zeoba?

Yumi mas wosip mata Zeoba bikoz em da wan uda bin Meke yumi. (Rebaleisan 4:11) Diswan i min, yumpla mas labem ane wosip mata em, ane no yuze enikain kabing ane imiz blo laigod.​—Rid Aizaia 42:8.

Wosip yumi gibe Zeoba mas bi “oli . . . ane . . . wea da prapa truwei.” (Rom 12:1) Diswan i min, yumpla mas pole ane obei ol stret ane raitwei blo em. Wase wen Zeoba tokbaut maretlaip wea Baibol, dempla uda labem, go wande obei wanem em spikbaut maretlaip. Ane, dempla stap longwei prom eniting dat ken erte dempla wase drag, obamak dringk o smok. a

3. Aukam yumi mas wosip tugeda wea demwan uda bilib wea Zeoba tu?

Da miting mipla gad ebri wik gibe yumi sans po “preize Zeoba . . . lo da bigmob pipol.” (Song blo Sam 111:1, 2) Wanwei mipla mekem i wen wi sing ol song po preize God. (Rid Song blo Sam 104:33.) Zeoba aske yumpla po gopo ol miting bikoz em labe yumpla ane em sabe dem miting go elpe yumi po kese apilaip poeba. De wea miting, mipla kam tugeda ane inkariz wananada.

 TINGBAUT MO NAU

4. Wi mas no yuze ol imiz blo ol laigod wea wosip blo yumi

5. Wosip mata Zeoba, sole i pri yumi prom ol laia kastam blo man

 6. Yumi wosip God wea ol Kristian miting

Mipla preize Zeoba ane inkariz wananada wen mipla sing ane sere ansa lo Kristian miting. Rid Song blo Sam 22:22, ane tokbaut dem kwestin ya:

• Yu bin laik po lisen ol ansa de lo da miting a?

• Yu wande sabe wiskain po meke wan ansa redi po gibem tu a?

7. Yumi plize Zeoba wen wi sere wanem yumi lan

I gad plenti wei yumi ken sere wanem yumi bin lan prom Baibol wea ol nada pipol. Rid Song blo Sam 9:1 ane 34:1, ane tokbaut dis kwestin ya:

• Wanem samting yu bin lan prom Baibol, yu wande yan wea sambodi?

 WANEM YU BI LAN

Yumi ken plize da wan uda bin Meke yumi wen wi wosip mata em, preize em wea ol Kristian miting, ane sere wanem yumi lan wea ol nada pipol.

Wiskain Yu Go Spik

• Wea God spik yumi wiskain po wosip em?

• Aukam yumi mas wosip mata Zeoba?

• Aukam yumi mas mit tugeda po wosip wea ol nada pipol uda wande plize God?