LESSON 14

How We Fit Worship God for the Way E Want?

PLAY

As we learn for the lesson before this one, no be all religions de do wetin God want. But we fit worship the God wey make us for the way wey e want. Which “kind worship [or religion]” de make God happy? (James 1:27, footnote) Make we see wetin Bible de teach about this one.

1. Wetin suppose guide the way we de worship God?

Na Bible suppose guide the way we de worship God. Jesus tell God say: “Your word na truth.” (John 17:17) Some religions no de follow the truth inside the Word of God, the Bible. Them de replace-am with wetin people de teach and their traditions. But Jehovah no like people wey “no de respect the command wey God don give.” (Read Mark 7:9.) But we de make God happy when we allow the advice for Bible guide our worship.

2. How we suppose worship Jehovah?

Make we worship only Jehovah because na e make us. (Revelation 4:11) This one mean say we must love Jehovah and worship only Jehovah, and we no go use idol for our worship.—Read Isaiah 42:8.

Our worship to Jehovah must “dey holy” and must be the one wey e “go accept.” (Romans 12:1) This one mean say we go obey e laws. For example, when people love Jehovah, them de love and obey e laws about marriage. Them de run from things wey fit damage their body like cigar or to use medicine for bad way or to over drink. a

3. Why we suppose worship Jehovah with other brothers and sisters?

The meeting wey we de do every week, de give us chance to “praise Jehovah . . . for congregation.” (Psalm 111:1, 2) One way wey we de do this one na to sing to praise God. (Read Psalm 104:33.) Jehovah de tell us make we go meeting, because e know say the things wey we de learn for meeting go help us make we enjoy life forever. For our meeting, we de encourage people and them de encourage us.

LEARN MORE THINGS

Learn why Jehovah no want make we de use idols for our worship. Learn about important ways wey we fit praise God.

4. Make we no use idols for our worship

How we know say God go vex if we use idols? Play the VIDEO, and talk about the question for under.

VIDEO: God De Agree Make We De Use Idols for Our Worship? (3:26)

Wetin happen when some servants of God for Bible times try to use idols worship God?

Some people de use idol when they want worship God because they feel say na that one go make them dey close to God. But you think say this one no go make God dey far from them? Read Exodus 20:4-6 and Psalm 106:35, 36, and talk about this questions:

Which things or idols you don see wey people de use for their worship?
How Jehovah de feel when we use idols for our worship?
How you de feel about to use idols for our worship?

5. When we worship only Jehovah, we go dey free from lie-lie beliefs

See how we go dey free from lie-lie beliefs if we worship Jehovah for the correct way. Play the VIDEO.

VIDEO: Truth Open Im Eye (5:16)

Read Psalm 91:14, and talk about this question:

When we show say we love Jehovah as we de worship only Jehovah, wetin e promise say e go do for us?

6. We de worship God for our congregation meeting

We de praise Jehovah and de encourage other people when we de sing and give comments for our meeting. Read Psalm 22:22, and talk about this questions:

You de like to hear comments for meeting?
You go like prepare and give comment for meeting?

7. Jehovah like-am when we de tell other people wetin we don learn

Plenty ways dey to tell other people the truth wey we don learn from Bible. Read Psalms 9:1 and 34:1, and talk about this question:

Something dey wey you don learn from Bible wey you go like tell other people?

SOME PEOPLE DE TALK SAY: “No matter wetin we do, we no fit make God happy.”

Wetin you think?

WETIN THIS LESSON TEACH

When we worship only Jehovah, praise Jehovah for our meeting, and talk to other people about wetin we don learn, we de make Jehovah the God wey make us happy.