Malhyej toj nawʼenne toj ihi nʼochufwenyaj elh, nilhokhiyejtʼa religiones toj Dios tachumla. Mat iwoyek nanʼokwiyej elh toj lhenek namel wet nakajyenlhi lham. ¿Atsi mʼak toj «matche tä tʼuhawetej tä Dios leles iwoye» wok religión toj lham tachumla? (Santiago 1:27). Natetshan mʼak toj Biblia iwoyek ichufwen namejen.

1. ¿Atsi lhip toj ihi toj iwoyek ipayen namehen chi malhyej (ep hote) toj nanʼokwiyej Dios?

Mʼayhay toj is che nawoye hopkhilak nanʼokwiyej Dios ihi tʼat Biblia. Jesús ifwenho pʼante Dios toj yok: «Ämet häpe tʼat mʼak tä matche» (Juan 17:17). Iche religiones iyhaj toj itetshanhitʼa mʼak toj matche toj nalhoke toj ihi Lehi toj talho tʼat Dios leyalh, hop Biblia, mat ihumin toj ihanlhi nʼochufwenyajay wet wichi lakeyis. Heowa ihuminhitʼa toj natiyej kanhi mʼak toj ihi Lhomet (yahyen Marcos 7:9). Mat namel nakajyenlhi lewhay toj natetshan tʼat mʼak toj Biblia yome wet natchʼahuye lefwonyajay.

2. ¿Chi malhyej (Ep hote) toj is che nanʼokwiyej Heowa?

Toj Heowa hope elh toj lhenek namel, tʼuhawetej che tajlhamet lham toj nanʼokwiyej (Apocalipsis 4:11). Tajtso hope toj is che nahumin wet nanʼokwiyej tajlhamet lham, nachumyenhilhitʼa nʼocheyalis, nʼopeyak wok mʼak at che hope (yahyen Isaías 42:8).

Toj nanʼokwiyej Heowa is che hope «lham tʼamajchetes wet äp akäjejlhi» Heowa (Romanos 12:1). Tajtso hope toj is che natchʼahuye laka leyes. Malhyej toja, iyhaj toj ihumin Heowa tachʼahuye wet ihumin nʼofwonyajay toj yiwite iyhaj toj lechʼefwa ihi. Hate tachumhitʼahla nʼokeyis toj iwoyek ikanchi nʼoelh, malhyej toj ichumyenlhi drogas, yokwas wok toj iyayej wuj hatʼes. a

3. ¿Atsi mʼak toj tamenej toj, che nanʼokwiyej Heowa, is che nalhayʼe wichi toj tʼuhlak tachʼahuye lham?

Lhaka reuniones toj iche semanapej hiwʼen namhohen lewhay toj nanʼokwiyej Heowa nalhayʼe «wichi tä isen chik lhaihutwek» (Salmo 111:1, 2). Mʼak elh toj is che nawoye hope toj naten lhatenkay toj natayte Dios (yahyen Salmo 104:33). Che Heowa tʼalh namehen toj nalhaihutwekhen hop toj lham ihumin namel wet ihanej toj reuniones tachʼotla namehen toj iwohiyelak lhakajyaj lepes ihihitʼala. Che nalehutwekhen nawʼenho wet nachumla lhakhajyhayaj.

 NATʼAYHETTSHI TOJ NALECHUFWENEJ

4. Isitʼa che nachumyenlhi nʼopeykas toj nanʼokwiyej Dios

5. Che tajlhamet nanʼokwiyej Heowa, ifwayhthila namejen nʼochufwenyajay toj kamatachehen

 6. Nanʼokwiyej Dios toj ihi reuniones toj congregación iwoyepej

Lewhay toj nachoywetha wet name mʼak toj nawaklhathen toj ihi reuniones toj congregación iwoye semanapej nawunit Heowa wet nanityen lhamejen lhahumnhayaj. Yahyen Salmo 22:22 wet ame mʼayhayna:

• ¿Ha lhen akajyaja toj lechʼahuye mʼak toj ipunfwas iwaklhat toj yomhiyela toj ihi reuniones?

• ¿Ha lehuminchek lewaklhat mʼak toj lhomhiyela wet lhome che lhehi reunión?

7. Heowa wuj toj ihumin che nafwenho wichi iyhaj mʼak toj nahanej

Iche wujpe lenʼayhay toj iwoyek nafwenho wichi mʼak toj Biblia ichufwenej. Yahyen Salmo 9:1 wet 34:1 wet ame mʼayhayna:

• Nilhokej mʼak toj am alechufwenej toj talho Biblia, ¿atsi mʼak toj lehuminchek lefwenho aiyhaj?

 MʼAYHAY TOJ LETETSHANNE

Nʼoelh toj lhenek namel lekajyaj ihi che tajlhamet Lham toj nanʼokwiyej, lewhay toj nanʼokwiyej toj ihi reuniones toj congregación yenlhipej wet lewhay toj nafwenho iyhaj mʼak toj nahanej.

Mʼayhay toj nalechufwenejne

• ¿Atsi lhip toj ihi chi malhyej (ep hote) toj Dios tataye che nanʼokwiyej lham?

• ¿Atsi mʼak toj tamenej toj tajlhamet Heowa toj is che nanʼokwiyej?

• ¿Atsi mʼak toj tamenej toj is che nanʼokwiyej Dios toj nayʼe wichi toj ihuminchek tachʼahuye lham?