15 УРОК
Иисус Христос ол кем?
Иисус Христос — тӱӱкиде эҥ јарлу улустыҥ бирӱзи болгон. Кӧп саба улус оныҥ ады-јолын билер де болзо, је ол керегинде нени де билбес. Улус Иисус керегинде башка-башка неме айдыжат. Је Агару Бичик нени айдат?
1. Иисус Христос ол кем?
Иисус — јаан ийде-кӱчтӱ ангел. Ол теҥериде Иегова Кудайла кожо. Иисус Кудайдыҥ баштапкы јайааны болот. Оныҥ учун Агару Бичикте ол «ончо јайалганныҥ башталганы» деп айдылат (Колоссыдагыларга 1:15). Анайда ок ол Кудайдыҥ «бойы јайаган Уулы» деп адалган. Бу дезе Иегова оны кемниҥ де болужы јогынаҥ јаҥыскан јайаганын кӧргӱзет (Иоанн 3:16). Иисус Адазыла кожо иштенип, ончо бар немени јайаарга болушкан. (Укаа сӧстӧр 8:30 кычырыгар.) Олор бой-бойына кару, јуук колбуларлу болот. Анайда ок Агару Бичикте ол «Сӧс» деп адалган, нениҥ учун дезе ол Кудайдыҥ јакаруларын јетирип јат (Иоанн 1:14).
2. Иисус јерге нениҥ учун келген?
2 000 кире јыл кайра, Иегова агару тынныҥ болужыла Иисустыҥ теҥеридеги јӱрӱмин Мария деп јиит кыстыҥ ичине кӧчӱрген. Бу кайкалдаҥ улам Иисус кижи болуп чыккан. (Лука 1:34, 35 кычырыгар.) Мынайып Иисус бастыра улусты аргадаарга, Агару Бичикте судурлалганыла, Христос эмезе Мессия болуп келген a. Агару Бичикте Мессия керегинде судурлар ончозы Иисуска бӱдӱп калган. Мынаҥ улам улус Христос «тирӱ Кудайдыҥ Уулы» деп оҥдоп ийген (Матфей 16:16).
3. Иисус эмди кайда?
Иисус божогон кийнинде Кудай оны тирилтип, теҥеридӧӧн кайра апарган. Кудай «Оны бийиктедип», ого эҥ бийик јаҥ берген (Филиппыдагыларга 2:9). Иисус эмди сӱреен јаан јаҥду, оноҥ јӱк ле Иегова бийик болот.
ТЕРЕҤЖИДЕ КӦРӰГЕР
Иисус Христос керегинде чынды билип алыгар, анайда ок Иисус керегинде нениҥ учун тереҥ билгирлер алып турар керек деп билип алыгар.
4. Иисус — Кӱчтӱдеҥ Кӱчтӱ Кудай эмес
Агару Бичикте Иисус сӱреен кӱчтӱ теҥеридеги ангел деп адалып турган да болзо, ол бойыныҥ Адазына, Иегова Кудайга, багынып јат. Бис мыны кайдаҥ билерис? ВИДЕОНЫ кӧрӱп, Иисус — Кӱчтӱдеҥ Кӱчтӱ Кудай эмес деп, Агару Бичик канайып кӧргӱзет деп билип алыгар.
Бу библиялык ӱлгерлер Иисус Иеговага кем болуп турганын оҥдоп аларга болужат. Бу ӱлгерлерди кычырып, сурактарды шӱӱжип ийигер.
Лука 1:30—32 кычырыгар.
-
Иисус Эҥ Бийик Иегова Кудайга кем болуп турганы керегинде ангел нени айткан?
Матфей 3:16, 17 кычырыгар.
-
Иисус сууга чӧҥӱрилип јаткан тушта, теҥеридеҥ угулган ӱн нени айткан?
-
Слер сананзаар, бу кемниҥ ӱни болгон?
Иоанн 14:28 кычырыгар.
-
Јажыла, јаҥыла кем јаан — адазы ба, уулы ба?
-
Иисус Иегованы Адам деп адаганынаҥ бис нени кӧрӱп јадыс?
Иоанн 12:49 кычырыгар.
-
Иисус бойын Ада деп айдат па? Слер кандый санаага келдеер?
5. Иисус — ол Мессия деп кӧргӱзип турган керелер
Агару Бичикте улуска Мессияны таныырга болужатан кӧп судурлар бар. Кудай Мессияны улусты аргадаарга талдаган. ВИДЕОНЫ кӧрӱп, Иисуска кандый судурлар бӱткенин билип алыгар.
Библиялык судурларды кычырып, сурактарды шӱӱжип ийигер.
Михей 5:2 кычырып, Мессия кайда чыгар керек болгонын билип алыгар b.
-
Бу судур Иисуска бӱткен бе? (Матфей 2:1).
Сарын 34:20 ле Захария 12:10 кычырып, Мессия канайып божоор керек болгонын билип алыгар.
-
Бу судурлар бӱткен бе? (Иоанн 19:33—37).
-
Иисус бу судурлардыҥ бӱдерин келиштирип салар аргалу болгон бо?
-
Андый болзо, Иисус — Мессия деп бӱдерге јараар ба?
6. Иисусты јакшы билер улуска берилетен кайрал
Агару Бичик Иисус керегинде ле ол Кудайдыҥ амадузында кандый иш эдип турганы керегинде нениҥ учун билгирлер алып турар керек деп кӧргӱзет. Иоанн 14:6 ла 17:3 кычырып, суракты шӱӱжип ийигер:
-
Нениҥ учун Иисус керегинде билгирлер алар керек?
Иисус Кудайла најылажатан јол ачкан. Ол Иегова керегинде чындыкка ӱреткен, оныҥ учун бис ӱргӱлји јӱрӱм јӱрер аргалу
КЕЗИК УЛУС АЙДАТ: «Иегованыҥ Керечилери Иисуска бӱтпей турган».
-
Слер нени айдар эдеер?
ТӦС ШӰӰЛТЕЗИ
Иисус — јаан ийде-кӱчтӱ ангел. Ол Кудайдыҥ Уулы ла Мессия.
Нени билип алдыгар?
-
Нениҥ учун Иисус «ончо јайалганныҥ башталганы» деп айдылат?
-
Јерге келердеҥ озо Иисус нени эткен?
-
Иисус — ол Мессия деп бис кайдаҥ билерис?
ШИҤДЕЙТЕН МАТЕРИАЛ
Иисус — ол Мессия деп кӧптӧдӧ билип алыгар.
«Мессия керегинде судурлар Иисус Христоско бӱткен бе?» (веб-статья)
Агару Бичик Кудай Иисуска кижиниҥ адазындый Ада болгон деп ӱредет пе?
«Нениҥ учун Иисус Христос Кудайдыҥ Уулы деп адалган?» (веб-статья)
Нениҥ учун Троица керегинде ӱредӱ — Агару Бичиктиҥ ӱредӱзи эмес?
«Иисус Христос — Кудай ба?» («Каруулчы шибее», 2009 јыл, кандык ай 1)
Бир ӱй кижиниҥ јӱрӱми Агару Бичиктеҥ Иисус Христос керегинде билип алган кийнинде канайып солынган?
«Еврей ӱй кижи кудай јаҥын нениҥ учун солыганын куучындайт» («Ойгоныгар!», 2013 јыл, кӱӱк ай)
a Улусты нениҥ учун аргадаар керек болгон ло Иисус бисти канайып аргадаганы 26 ла 27 уроктордо јарталат.
b 2 кожултада Мессия јерге качан келер керек болгоны керегинде айдылып калган.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
