DƏRS 15
İsa Məsih kimdir?
İsa Məsih ən görkəmli tarixi şəxsiyyətlərdən biridir. Amma çoxları İsanın sadəcə adını bilir. Onun kimliyi barədə isə fərqli fikirlər mövcuddur. Bəs Müqəddəs Kitabda İsa haqqında nə yazılıb?
1. İsa haqqında nə bilirik?
İsa göydə yaşayan qüdrətli mələkdir. Yehova Allah hər şeydən əvvəl, ən birinci onu yaratmışdı. Məhz elə bu səbəbdən o, «bütün xilqətin ilki» adlanır (Koloslulara 1:15). Müqəddəs Kitabda deyilir ki, İsa Allahın «yeganə Oğlu»dur a, çünki o, bilavasitə Yehovanın yaratdığı yeganə varlıqdır (Yəhya 3:16). O, Atası Yehova ilə sıx əməkdaşlıq etmiş və bütün digər şeylərin yaradılmasında Ona kömək etmişdi. (Məsəllər 8:30 ayəsini oxuyun.) İsanın bu gün də Yehova ilə yaxın münasibəti var. Müqəddəs Kitabda İsa həm də «Söz» adlanır, yəni o, Allahın adından danışaraq Ondan gələn xəbərləri və öyüd-nəsihətləri çatdırır (Yəhya 1:14).
2. İsa nə üçün yer üzünə gəlmişdi?
Təxminən 2000 il bundan əvvəl Yehova möcüzə göstərdi. O, müqəddəs ruhu vasitəsilə İsanın həyatını göydən Məryəm adlı bakirə bir qızın bətninə köçürdü. Beləcə, İsa insan kimi dünyaya gəldi. (Luka 1:34, 35 ayələrini oxuyun.) Yehova İsanı yer üzünə göndərdi ki, o, vəd edilmiş Məsih olub bəşəriyyəti xilas etsin b. Müqəddəs Kitabda Məsih barədə yazılmış bütün peyğəmbərliklər İsanın üzərində yerinə yetdi. Bunun sayəsində insanlar İsanın «Məsih, var olan Allahın Oğlu» olduğunu asanlıqla başa düşdülər (Mətta 16:16).
3. İsa Məsih indi haradadır?
İsanın yer üzündəki həyatı bitəndən sonra Allah onu mələk kimi dirildib, göyə apardı və orada «onu daha yüksək mövqeyə ucaltdı» (Filippililərə 2:9). İsa indi böyük səlahiyyət sahibidir. Yehovadan sonra ikinci varlıqdır.
D Ə R İ N L İ Y Ə V A R I N
İsa haqqında daha çox öyrənin və görün onun haqqında öyrənmək nə üçün vacibdir.
4. İsa Məsih Allah deyil
İsa Məsih göydə yaşayan qüdrətli mələk olsa da, Atası və Allahı Yehovaya tabedir. Bunu haradan bilirik? VİDEOYA baxın və görün Müqəddəs Kitabda İsanın Allah qarşısında tutduğu mövqe barədə nə deyilir.
Növbəti ayələr bizə Yehova Allahla İsa Məsih arasındakı fərqi başa düşməyə kömək edir. Ayələri oxuyun və növbəti sualları müzakirə edin.
Luka 1:30—32 ayələrini oxuyun.
-
Mələyin sözlərindən «Haqq-Taala» Yehova ilə İsa Məsih arasındakı fərq necə görünür?
Mətta 3:16, 17 ayələrini oxuyun.
-
İsa vəftiz olunarkən göydən gələn səs nə dedi?
-
Sizcə, bu, kimin səsi idi?
Yəhya 14:28 ayəsini oxuyun.
-
Sizcə, yaşda və səlahiyyətdə kim daha böyükdür? Ata, yoxsa oğul?
-
İsanın Yehovaya «Ata» deyə müraciət etməsindən nə öyrənirik?
Yəhya 12:49 ayəsini oxuyun.
-
İsa özünü Atasına bərabər tuturdu? Siz bu barədə nə düşünürsünüz?
5. İsa vəd edilmiş Məsih idi
Məsih Allahın bəşəriyyəti xilas etmək üçün seçdiyi şəxsdir. Müqəddəs Kitabda Məsihlə bağlı çoxlu peyğəmbərliklər yer alıb. Bu peyğəmbərliklərin sayəsində insanlar kimin Məsih olduğunu müəyyən etmişdilər. VİDEOYA baxın və yer üzündə olarkən İsanın üzərində yerinə yetən bəzi peyğəmbərliklərlə tanış olun.
Bu peyğəmbərlikləri oxuyun və növbəti sualları müzakirə edin:
Mikə 5:2 ayəsini oxuyun və görün Məsih harada doğulmalı idi c.
-
Bu peyğəmbərlik necə yerinə yetdi? (Mətta 2:1).
Zəbur 34:20 və Zəkəriyyə 12:10 ayələrini oxuyun. Məsihin ölümü ilə bağlı nələrin qabaqcadan deyildiyinə diqqət yetirin.
-
Bu peyğəmbərliklər yerinə yetdi? (Yəhya 19:33—37).
-
Sizcə, bu peyğəmbərliklərin yerinə yetməsinə İsa necəsə təsir edə bilərdi?
-
Bu, İsanın kimliyi barədə nəyi sübut edir?
6. İsa Məsih haqda öyrənməyin sizə faydası
Müqəddəs Kitabda vurğulanır ki, İsa Məsih haqda və Allahın onunla bağlı iradəsi barədə öyrənmək çox vacibdir. Yəhya 14:6 və 17:3 ayələrini oxuyun. Sonra növbəti sualı müzakirə edin:
-
İsa Məsih barədə öyrənmək nə üçün vacibdir?
İsa Məsih Allahla dostluğa yol açdı. O, Yehova haqda həqiqəti öyrədirdi. Onun vasitəsilə əbədi həyat əldə edə bilərik
BƏZİ İNSANLAR DEYİR: «Yehovanın Şahidləri deyir ki, İsa Allahın Oğludur. Amma Allahın oğlu ola bilməz».
-
Siz onlara nə deyərdiniz?
İCMAL
İsa qüdrətli mələkdir. Allahın Oğludur və Məsihdir.
Təkrar
-
Nəyə görə İsa Məsih «xilqətin ilki» adlanır?
-
Yer üzünə gəlməzdən əvvəl İsa nə edirdi?
-
İsanın Məsih olduğunu haradan bilirik?
Ə L A V Ə M Ə L U M A T
İsanın Məsih olduğu barədə sübutlarla daha yaxından tanış olun.
«Məsihlə bağlı peyğəmbərliklər İsanın Məsih olduğunu sübut edir?» (internet məqaləsi)
Müqəddəs Kitaba əsasən, Allah hansı mənada İsanın Atasıdır?
«Nəyə görə İsa peyğəmbər Allahın Oğlu adlanır?» (internet məqaləsi)
Üç üqnum təliminin Müqəddəs Kitaba əsaslanmadığı barədə oxuyun.
Görün bir qadın Müqəddəs Kitabdan İsa barədə öyrənəndən sonra həyatı necə dəyişdi.
«Yəhudi qadın yeni etiqadı barədə danışır» («Oyanın!», may 2013)
a Müqəddəs Kitabda Allahın, insanlar kimi, hərfi mənada ata olduğu, övlada sahib olduğu deyilmir.
b Bəşəriyyətin xilasa nəyə görə ehtiyacı olduğu və İsanın bizi necə xilas etdiyi barədə 26 və 27-ci dərslərdə danışacağıq.
c Məsihin yer üzündə peyda olacağı vaxtı bildirən peyğəmbərlik barədə 2-ci əlavədən oxuya bilərsiniz.
Həmçinin sizin üçün maraqlı ola bilər
TEZ-TEZ VERİLƏN SUALLAR
Yehovanın Şahidlərinin təklif etdiyi Müqəddəs Kitab dərsləri nədir?
Yehovanın Şahidlərinin təklif etdiyi interaktiv dərslərdə istədiyiniz Müqəddəs Kitab tərcüməsindən istifadə edə, eləcə də bütün ailənizi və dostlarınızı dərslərə dəvət edə bilərisiniz.
