AYÈGÈ 15
Za a ne Yésus?
Yésus a ne é mot abui bot ba kareya sò ba yem. Abui bot ba yem ve dzoé Yésus, dzam da ba yem ki abui mam me bebege nyè. Dzé Bibel a dzo é bebege Yésus?
1. Za a ne Yésus?
Yésus a ne ngungul éngeles a nying a yob. Yéhova a nga kom nyè osusua bikokomega bise bivòk. Dzom té ndzò ba loé nyè na, “Ntol bikokomega bise” (Kolosi 1:15). Bibel a lere na Yésus a ne “mbang Mòn” Zamba amu Yéhova émen nnye a nga kom nyè (Yohannes 3:16). Yésus a nga sié fufulu ai Ésia woé, Yéhova, a nga vòli fe nyè na a tié é biem bise bivòk (Langʼa Minkana 8:30). Yésus a ngene a baala élat dzié ai Yéhova. Nnye a ne nkalen mefoé me Zamba. Bibel a loé nyè na “Ébugu,” amu a kalen bikokomega bise bivòk mefoé ai betebega be Yéhova (Yohannes 1:14).
2. Asu dzé Yéhova a nga lom Yésus a si mu?
Aloro mimbu 2 000 ana, Yéhova a nga bò asimba ai ngul mfufub nsisim woé, a nga bò na Yésus a koro a yob, a zu biali abe édun ngòn mininga dzoé na Maria. Éye a nga biala nala (Langʼa Lukas 1:34, 35). Yéhova a nga lom Yésus, nnye a ne nkoré be nga be yanga asu yi na a zu bi nyii. a Minkòbò mise bekuli medzo ya Bibel a mi nga be mi tii ai Kristu mi nga toben abe Yésus, nala a nga bò na bot be yem na Yésus a ne “Kristu Mòn Zamba ya a vee” (Matéus 16:16).
3. Yésus a ne hm vé amos ya ana?
Amvus awu Yésus, Zamba a nga womo nyè a ntoa éngeles, ndò a nga dugen a yob. Amvus ya été nde “Zamba a nga beré nyè nkong” (Filippi 2:9). Amos ya ana, Yésus a ne ngungul éngeles,—Yéhova étam nnye a bele ngul aloro nyè.
TUENE FAG
Bi tam yen é mam mefe ma yi bi lere za a ne Yésus ai asu dzé a ne nfi na bi yègè é mam me tii ai nyè.
4. Yésus a seki Zamba ngul mese
Bibel a yegele na, afiangʼen bò na Yésus a ne ngungul éngeles a yob, a ke osu na bò Ésia woé Yéhova mewog. Amu dzé bia dzo nala? Bebege VIDÉO asu yi na o yen akia ya Bibel a lere bia nselna a ne a zang étié Yésus ai é dzi Zamba Ngul mese.
Bifus ya Bibel bi tsaa bi, bia yi bi vòli na bi tuene wog élat é ne a zang Yéhova ban Yésus. Langʼa bifus bité o yalen fe minsili mi tsaa:
Langʼa Lukas 1:30-32.
-
Ane éngeles a dzo, élat éfé é ne a zang Yésus ban Yéhova Zamba, “Medangʼa boro”?
Langʼa Matéus 3:16, 17.
-
Éyòng Yésus a nga duben, nkòbò o nga sò a yob o dzo ya?
-
A ntsogen woé, king té é nga be é nyi za?
Langʼa Yohannes 14:28.
-
A zang Ésia ban Mòn, za a ne ntol a bele fe ngul édzoé?
-
Yésus a nga loé Yéhova na Tara, nala a yegele bia dzé?
Langʼa Yohannes 12:49.
-
A ntsogen Yésus, ye ban Ésia be ne mot mbòk? Wò yen ya?
5. Dzé é nga lere na Yésus a ne Nkoré ngeki Messias
Bibel a bele abui minkulen medzo mi tii ai Messias, minkulen medzo mité mi nga vòli bot na be yem za Zamba a nga tòb ane nkoré. Bebege VIDÉO asu yi na o yem minkòbò bekuli medzo Yésus a nga dzali éyòng a nga be a si mu.
Langʼa é minkulen medzo ya Bibel mi, o yalen fe minsili mi tsaa:
Langʼa Mikéa 5:2 asu yi na o yem é vom Messias a yige biali. b
-
Ye abiali Yésus da dzali nkulen adzo wi? (Matéus 2:1).
Langʼa Salmen 34:20 ai Zakarias 12:10 asu yi na o yem minkulen medzo mibè ya Bibel a mi tii ai awu Messias.
-
Ye minkulen medzo mité mi nga toben? (Yohannes 19:33-37).
-
Ye wò tsog na Yésus émen a nga be dzam bò na minkulen medzo mité mi toben ngaa?
-
Dzé nala a yegele wò é bebege Yésus?
6. Bia yi nòng abui nfi nge bia ke osu na bia yègè yem za a ne Yésus
Bibel a lere nfi ya yègè é mam me tii ai Yésus ai ésié Zamba a yi na a bò. Langʼa Yohannes 14:6 ai 17:3 ai yalen a nsili hi:
-
Asu dzé a ne nfi na o yègè é mam me tii ai Yésus?
ABUI BOT DA DZO NA: “Beboala be Yéhova ba yebe ki Yésus.”
-
O ne bò yalen ya?
OBALBAS
Yésus a ne ngungul éngeles, a ne Mòn Zamba a toa fe Messias.
Dzé bia baala
-
Asu dzé ba loé Yésus na “Ntol bikokomega bise”?
-
Osusua yi na a zu a si, dzé Yésus a mbe bò?
-
Bia yem ya na Yésus a ne Messias?
O NE FE BEBE
Yene amu dzé bia dzo na Yésus a ne Messias.
“Les prophéties messianiques prouvent-elles que Jésus était le Messie?” (Nlangʼen a jw.org)
Bibel a yegele ki na Zamba a ne Ésia Yésus akia ya mot a ne ésia é bòn a nga bié.
“Pourquoi Jésus est-il appelé le Fils de Dieu?” (Nlangʼen a jw.org)
Bebege amu dzé ayegele yi na Zamba a ne person élè da sò ki a Bibel.
Langʼa akia afé énying mininga é nga tséndé amvus yi na a nga dzeng dzé Bibel a yegele é tii ai Yésus.
“Une femme juive explique pourquoi elle a remis sa foi en question” (Réveillez-vous!, mai 2013)