DISÁ 15
Jezú Nanyi?
Athu avulu mungongo ejiya o musoso wa Jezú. Maji né kiki, ka athu avulu amwijiya kyambote. Avulu ala ni ixinganeku ki idifu ya lungu ni Jezú. Maji ihi izwela o Bibidya ya lungu ni mwene?
1. Jezú Nanyi?
Jezú anju yala ni kutena yala kudyulu. Jihova Nzambi wadyanga kubhanga Jezú ande dya kubhanga o ima yoso. Mukonda dya kiki, o Bibidya imwixana “thungunu mba phandekumbi wala kuthandu dya ima yoso yobhange.” (Kolose 1:15) O Bibidya yamba we kwila, Jezú ‘Mona umoxilele’ wa Nzambi. Kiki kilombolola kwila, Jezú mwene ngó amubhange kwa Jihova sé kikwatekesu kya muthu. (Nzwá 3:16) Jezú wakalakala kumoxi ni Tat’ê Jihova, wamukwatekesa kubhanga o ima yoso. (Tanga Jisabhu 8:30.) Jezú ni Jihova ala ni ukamba wambote. Mwene mukunji wafiyele wa Nzambi, mwéne utula o jinjimbu ni itendelesu ya Jihova. Mukonda dya kiki, o Bibidya imwixana “Dyambu”.—Nzwá 1:14.
2. Mukonda dyahi Jezú wejile mu ixi?
Midi jiyadi jamivu kudima, Jihova wabhange madiwanu. Bhu kaxi ka nzumbi ikôla, Jihova wakwata o mwenyu wamonê Jezú kudyulu, wa ute mu mala akilumba wexile muzeletete amwixanene Madiya. Mukonda dya kiki, Jezú amuvwala kala muthu muxitu. (Tanga Luka 1:34, 35.) Jihova watumikisa Jezú mu ixi phala kukala Mexiya amukanene mba Kidistu phala kubhulula o athu. a O ikanenu yoso ya lungu ni Mexiya, ya dikumbidila kwa Jezú. Kiki kya kwatekesa o athu kwijiya kwila, Jezú mwene “Kidistu, o Mon’a Nzambi ya mwenyu.”—Matesu 16:16.
3. Kwebhi kwala Jezú mu kithangana kiki?
Kyoso Jezú kyafu, Nzambi wamufukununa kala anju yu wavutuka kudyulu. “Nzambi wa mu zangeleka kyavulu.” kwenyoko. (Filipe 2:9) Lelu, Jezú anju yala ni kutena kwadikota. Jihova mwene ngó wamutundu mu kutena.
DILONGE DINGI
Ijiya se Jezú nanyi ni mukonda dyahi twabhingi kudilonga ya lungu ni mwene.
4. Jezú kimwene o Nzambi Muteni a Yoso
O Bibidya ilonga kwila, Jezú anju yala ni kutena, yala kudyulu. Né kiki, mwene ubelesela Nzambi yê, Tat’ê Jihova. Kyebhi kitwejiya o kidi kiki? Tala OVIDYU phala kumona mu Bibidya kyebhi Jezú kadifu ni Nzambi muteni a yoso.
O ibatulu ya Bibidya ya kayela itukwatekesa kutendela kwila, Jihova ni Jezú athu kadifu. Tanga kibatulu kya Bibidya, mukusuluka bhanga o kibhwidisu kya kayela.
Tanga Luka 1:30-32.
-
Kyebhi o izwelu ya anju ilondekesa kwila Jezú kadifu ni Jihova Nzambi o ‘Sukeku’?
Tanga Matesu 3:16, 17.
-
Ihi yambe o dizwí dya tundu ku dyulu, kyoso Jezú kya mu batizala?
-
Mudyé, o dizwí dyódyo dyexile dya nanyi?
Tanga Nzwá 14:28.
-
Nanyi o mwadyakime wala dingi ni ungana kumwiji? O tata inga o mona?
-
Jezú wexana Tata kwa Jihova. Kiki kitulonga ihi?
Tanga Nzwá 12:49.
-
O kwila Jezú uxinganeka kwila, mwene ni Tatê adifwengo? Abha eye, ihi i ubanza?
5. Ihi ilondekesa kwila Jezú mwene wexile o Mexiya?
Mu Bibidya mwala ikanenu itukwatekesa kutendela nanyi wexile o Mexiya, yo amusolo kwa Nzambi phala kubhulula o athu. Tala OVIDYU umone ikanenu ya dikumbidila kwa Jezú kyoso kyexile mu ixi.
Tanga o ikanenu yala mu ibatulu ya Bibidya, mukusuluka bhanga o ibhwidisu ya kayela:
Tanga Mikeya 5:2 phala kumona kwebhi kweji vwalela o Mexiya. b
-
O kwila o kikanenu kiki kya dikumbidila mwene?—Matesu 2:1.
O Bibidya izwela kyebhi kyeji fwa o Mexiya. Tanga Jisálamu 34:20 ni Zakadiya 12:10 phala kwijiya dingi ya lungu ni maka yá.
-
O kwila o ikanenu yiyi ya dikumbidila mwene?—Nzwá 19:33-37.
-
Amoxi amba kwila, Jezú wabhange kima phala o ikanenu yiyi kudikumbidila. O kwila kiki kidi?
-
Maka yá akulonga ihi ya lungu ni Jezú?
6. Kudilonga ya lungu ni Jezú kutubhekela mbote
O Bibidya yamba kwila, kima kyambote kudilonga ya lungu ni Jezú ni ya mesena Nzambi kwila mwene u ibhanga. Tanga Nzwá 14:6 ni 17:3, mukusuluka bhanga o kibhwidisu kya kayela:
-
Mukonda dyahi kima kyambote kudilonga ya lungu ni Jezú?
Jezuˊ wajikula o njila phala tukale tumakamba a Nzambi. Mwene walongo o kidi kya lungu ni Jihova, bhu kaxi kamwene tutena kukala ni mwenyu wakalelaku
ATHU AVULU AMBA: “O Jimbangi ja Jihova axikina kwila Jezú mona Nzambi. Maji Nzambi katena kukala ni mona.”
-
Ihi iweji zwela?
IHI IWADILONGO
Jezú anju yala ni kutena. Mwene Mon’a Nzambi, mwene o Mexiya.
Kubhitulula
-
Mukonda dyahi Jezú amwixana “thungunu mba phandekumbi wala kuthandu dya ima yoso yobhange”?
-
Ihi ya bhange Jezú ande dya kwiza mu ixi?
-
Kyebhi kitwejiya kwila, Jezú mwene o Mexiya?
TOKWESA DINGI
Tanga dingi phala kumona kyebhi kitwejiya kwila, Jezú mwene o Mexiya.
“O Kwila o Ikanenu ya Bibidya Ilondekesa Kwila, Jezú Mwene Wexile o Mexiya?” (Milongi ya jw.org)
Tokwesa dingi phala kumona kwila, o ukexilu wa Nzambi wakubhanga Jezú, kiwene umoxi ni wajitata muxitu kyoso kyavwala o twana twâ.
“Mukonda Dyahi Jezú Amwixana Mon’a Nzambi?” (Milongi ya jw.org)
Tokwesa dingi phala kumona se mukonda dyahi o milongi ya Tilindade kiyala mu Bibidya.
“O Kwila Jezú Nzambi?” (O Mulangidi, 1 wa Kasamanu wa 2009 mu Phutu)
Tanga o musoso wamuhatu walungulula o mwenyu wê kyoso kya dilongo ihi izwela o Bibidya ya lungu ni Jezú.
a Mu madisá a 26 ni 27, twandadilongamu se mukonda dyahi o athu abhingi kwabhulula ni kyebhi Jezú kya tubhulula.
b Tala o Kibandekesu 2 phala kwijiya o kikanenu kya lungu ni kithangana kyeji kwiza Jezú mu ixi.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
