SOMO 15
Yesu ká kʉ ie?
Historia nǎ, bbo chuni ná ndrŭ krʉ kana Yesu ddiro dhé kʉ bbo pli chuni ná ke. Ngba mai ke chuni bbo ro, bí kʉ ná ndrŭ nzá chulo bbo ke djo ri, ndirigoti bí kʉ ná ndrŭ e njonjo ngaddidha na Yesu ká kʉ d’ʉ ie ma nari djo. Biblia ká po ngbá lo Yesu djo?
1. Yesu ká kʉ ie?
Yesu kʉ kpakpanga na kʉ ná malaika ra nǎ ndi kʉ ro. Ke Yova Mungu nongʉe krʉ kʉ ná ritsi ndi no nari njí. Fø lodho, ke le adi nzi “nodha krʉ kana sidjó Ngba.” (Wakolosai 1:15) Biblia nzi Yesu Mungu dzá “ddikpa dhé gøni ná Ngba” dhonalo ke ddiro dhé Yova nongʉe ndindiro. (Yohana 3:16) Yesu ma njingʉe njí ddinga ndidzá Baba Yova ma na, ke ngʉ Yova tsotso kó ndiro nja ritsi krʉ noni d’e. (Azø Mezali 8:30.) Yesu nanga adi jini ji ndima kana nga kʉ chøchø Yova na nari dho. Ke le nzi “Lo” dhonalo ke ngʉ adi Mungu ja ná lo nanga tse chi ndi tøni ro.—Yohana 1:14.
2. Yesu ká singʉe dz’ djo addudho?
Yova njingʉe ddù roho takatifu chulu, ke tungʉe Yesu dzá shinga ra nǎ ro ndirigoti ke lingʉe ri nzá ro d’e ddo kpetsi kpa na ná isɨle o na, fø le ró dho ngʉe Maria, fø nga djó ro cho da 2 000 djolu b’lo. Ri kʉ føri bbai Yesu gøngʉeni ndrŭ ri. (Azø Luka 1:34, 35.) Yova chongʉe Yesu dz’ djo ndi é koddo koni ná Masiya inga Kristo ndiro ndi bbʉ ndidzá shinga ndrŭ djotsina d’e. a Biblia d’rangʉe Masiya djo ná unabi krʉ njingʉeni ke chulu. Føri lingʉeri ndrŭ churi Yesu kʉ “Kristo shi di ná Mungu dzá Ngba.”—Matayo 16:16.
3. Kpadjo ká Yesu kʉ ngbaga?
B’lo Yesu dhe nari goti, ke gangʉe nzɨ nyi njani ná le ndí na ndirigoti ke ngʉngʉe ra na. Føri goti, “Mungu bbʉngʉe bbo pli kʉ ná bbonga ke dho.” (Wafilipi 2:9) Kpadjo, Yesu kʉ bbo kʉ kpakpanga na ná malaika. Ke djolu da kpakpanga na nari kʉ Yova ddiro dhé.
ANE LONANGA BBO
Aneri ni chulo bbo Yesu ká ngʉe ie ma nari djo ndirigoti addudho ma ringani le chulo ke djo nari djo.
4. Yesu nga kʉ Ritsi ddí na ka ná Mungu ri
Biblia riddi Yesu kʉ kpakpanga na kʉ ná malaika ra nǎ, ni mai ri kʉ fø ro, ke adi ngarr ndidzá Baba Mungu Yova dho. Fø ká ko ka ko pori addudho? Aninja VIDEO ndiro ni chu Yesu ma kana njonjonga ritsi ddí na ka ná Mungu na d’e.
Agʉro kʉ ná maandiko ko tsotso kó ndiro ko nja Yova ma kana njonjonga Yesu na d’e. Azø maandiko ndirigoti anitilo i ngadhudha djo.
Azø Luka 1:30-32.
-
Malaika pongʉeri nari bbai, Yesu ma kana ká kʉ ngbá njonjonga “bbo Pli Ngbeni ná nga nǎ kʉ ná ke” Yova Mungu na?
Azø Matayo 3:16, 17.
-
Batiso Yesu bangʉe ná saa na, ra nǎ ro singʉe ná le chu ká pongʉeri ngbǎ?
-
Ni ká riddi fø ringʉe ie chu?
Azø Yohana 14:28.
-
Bbo pli dhó cho kʉ ndirigoti bbo pli kʉ bbonga na nari ká kʉ ie? Ri ká kʉ Baba inga Ngba?
-
Yesu ngʉ Yova nzi ndidzá Baba. Føri ká ngbá lo ddi ni dho?
Azø Yohana 12:49.
-
Yesu ká adi riddi ndi ma, ndidzá Baba ma na kʉ ddikpa ke? Nde ni ká adi riddi ngbǎ?
5. Yesu dhongʉeri ndi kʉ Masiya
Biblia nǎ kʉ bí kʉ ná unabi nari ka ndi kóe ndrŭ tsotso ndiro ndrŭ chu Mungu vʉngʉe ndima gødha dho ná ke Masiya nyi d’e. Aninja VIDEO ndiro ni chu Yesu djo unabi d’rangʉe ná lo ká njingʉeni ngbaribbai ma dz’ djó ke ngʉe ná saa na nari d’e.
Azø Biblia nǎ fø unabi ndirigoti anitilo i ngadhudha djo:
Azø Mika 5:2 ndiro ni chu ngbaga ma Masiya gøngʉeni nari d’e. b
-
Fø unabi ká njingʉeni ddi?—Matayo 2:1.
Azø Zaburi 34:20 ndirigoti Zekaria 12:10 ndiro ni chu Biblia pongʉe Masiya dzá dhe djo ná lo d’e.
-
Fø unabi ká njingʉeni nji?—Yohana 19:33-37.
-
Ni ká riddi Yesu ka ndi njie ná lo ro ma ngʉe ddi ndiro ndi liri fø unabi njini d’e?
-
Føri ká ngbá lo dhǒ ni dho Yesu djo?
6. Ko adi faida ba Yesu djo ko lochu nari nǎ ro
Biblia ripo, ri kʉ bblo ko chulo Yesu djo ndirigoti kedhó njí djo. Azø Yohana 14:6 ndirigoti 17:3, ndirigoti anitilo i ngadhudha djo:
-
Yesu djo ká ringani le chulo addudho?
Yesu klongʉe chutso nja ko ngʉ Mungu dzá kau d’e. Ke ngʉ adi bbʉbbʉlo ddi Yova djo ndirigoti ke chulu ko ka ko ba nŭnŭ di ná shinga
NJA NDRŬ ADI RIPO: “Yova dzá Dimu nzá urie Yesu ro ri.”
-
Fø logoti ká ni ka ni ngʉ ngbaribbai?
LO DZÁ DɄNGA
Yesu kʉ kpakpanga na kʉ ná malaika. Ke kʉ Mungu dzá Ngba ndirigoti Masiya.
Lo djolu le ngʉ nari
-
Yesu ká le nzi “nodha krʉ kana sidjó Ngba” addudho?
-
Dz’ djo Yesu si nari njí, ká ke ngʉ addu nji?
-
Yesu kʉ Masiya nari ká ko chu ngbaribbai?
NI KA NI CHU NÁ NJA LO
Aneri ni chulo bbo Yesu dhó njí djo masiya ndi kʉ ro.
“Maunabii Juu ya Masiya Inaonyesha Kabisa Kama Yesu Alikuwa Masiya?” (Jw.org djó kʉ ná lo)
Aneri ni chu Biblia ká riddi Mungu ngʉngʉe Yesu dzá Baba ddiddi ndrŭ adi ngʉ nzø dzá baba bbai nari.
“Juu ya Nini Yesu Anaitwa Mwana wa Mungu?” (Jw.org djó kʉ ná lo)
Anja addudho ma le riddi Mungu kʉ gbo nafsi ná fø lo tso ro nzá gbani Biblia nǎ lo na ri nari.
Azø ngbaribbai ma ddikpa isɨle dhó maisha thika øngʉeni b’lo ndi zø Biblia ddi Yesu djo ná lo ro nari.
a Somo 26 ndirigoti 27 nǎ ko si addudho ma ndrŭ dhó loji gødha ndirigoti ngbaribbai ma Yesu gø ko nari nja.
b Anja Longatudha ya 2 ndiro ni chu Yesu ka ndi sie dz’ djo ná saa nganga djo unabi d’rangʉe ná lo d’e.
