CIIYO 15
Ino Yesu Ngani?
Yesu ngumuntu womwi ushibikitwe abuumbi pabantu bakekalako pacishi capanshi. Bantu baanji balishibo liina lyakwe, kuteshi makani aanji pali nguwe. Alimwi baanji balaamba makani apusenepusene pali Yesu. Ano ino Baibo ilaamba nshi palinguwe?
1. Ino Yesu ngani?
Yesu ngumunjelo ucite nkusu abuumbi ukala kwiculu. Yehova Lesa ngowakamulenga alimwi ngowakalinga mutaanshi kulengwa. Aboobo Baibo ilamwiita ayi “mutaanshi kushalwa pashilengwa shoonse.” (Bene Kolose 1:15, NWT) Baibo ilaamba ayi Yesu ngu “Mwanaakwe [Lesa] wakashalwabo eenka” mukwiinga Yehova wakamulenga mwiine kwakubula kwiinda mu umwi. (Joni 3:16) Yesu wakasebensa pomwi a Baishi, ndyaakalinga kubacafwa kulenga shintu shimwi shoonse. (Amubelenge Tushimpi 8:30.) Yesu abobulya acicite bushicibusa buyumu a Yehova. Cakushomeka alasebensa mbuli shikwiimikaninako Lesa na “Liswi,” kutola nkombe yakwe Yehova alimwi amakani amwi.—Joni 1:14.
2. Ino Yesu wakesa mukucita nshi pacishi?
Myaaka 2,000 yaiinda, Yehova wakacita caankamiko kwiinda mukusebensesha mushimu wakwe usalashi, kulonsha buumi bwakwe Yesu kuswa kwiculu akububika mulifumo lyakwe Maliya mwanakashi utana kukumanawo kale amusankwa. Ubu Yesu mbwaakashalwa mbuli muntu. (Amubelenge Luka 1:34, 35.) Yesu wakesa pacishi capanshi mbuli Mesiya wakashomeshekwa na Klistu, kwaamba ayi apulushe bantu. a Bushinshimi boonse bwaamba pali Mesiya bwakakumanishikwa muli nguwe, aboobo ici cakapa kwaamba ayi bantu bamushiibe ayi ngu “Klistu Mwanaakwe Lesa muumi.”—Mateyo 16:16.
3. Ino Yesu ali kuli pacecino ciindi?
Pesule lyakufwa amubili wa buntu, Yesu wakabushikwa amubili wakumushimu akuboolela kwiculu. Ndyaakaboolela kwiculu, ‘Lesa wakamusumpula akumupa cuuna capeculu.’ (Bene Filipi 2:9) Aboobo pacecino ciindi Yesu alicite mukuli unene abuumbi—ngowabili kuswa pali Yehova.
AMWIIYILEWO ASHIMWI
Amwiiye makani aamwi ancine aamba pali Yesu akubona kwiiya pali nguwe ncokuyandikila.
4. Yesu teshi Lesa Shinkusu Shoonse
Baibo ilaiisha ayi nabi kwaamba ayi Yesu ngu munjelo ucite nkusu kwiculu, alanyumfwila Yehova, Baishi. Ino nceebonshi nceenga twaambila boobo? Amweebele VIDYO kwaamba ayi mubone Baibo nshoiisha pamakani abupusano buli pakati kakwe Yesu alimwi a Lesa shinkusu shoonse.
Malembo atokonkelaawo alatucafwa kunyumfwishisha bupusano buli pakati kakwe Yehova alimwi a Yesu. Amubelenge lilembo lyomwi alyomwi, akubandika miipusho itokonkelaawo.
Amubelenge Luka 1:30-32.
-
Ino munjelo wakasansulula buyani bupusano buli pakati kakwe Yesu a Yehova Lesa, “Shinkusu Shoonse”?
Amubelenge Mateyo 3:16, 17.
-
Ino liswi lyakanyumfwika kuswa kwiculu Yesu ndyaakalinga kubombekwa lyakaamba nshi?
-
Ino mutoobona ayi lyakalinga liswi lyakwe ani?
Amubelenge Joni 14:28.
-
Ino ngani munene alimwi wiinditewo nkusu pakati ka mwaana musankwa a baishi?
-
Ino Yesu wakasansulula nshi ndyaakaamba ayi Yehova mbo Baishi?
Amubelenge Joni 12:49.
-
Sa Yesu alayeeya ayi lakwe a Baishi mbantu bomwi? Mutooyeeya buyani?
5. Ino nciinshi cakatondesha ayi Yesu ngo Mesiya?
Mu Baibo muli bushinshimi buunji bwaamba pali Mesiya, nkokwaamba ayi Lesa ngwakasala kwaamba ayi ese alubule bantu. Bushinshimi ubu mbobwakacafwa bantu kushiba Mesiya. Amweebele VIDYO kwaamba ayi mwiiye bushinshimi bumwi bwakakumanishikwa Yesu ndyaakesa pacishi capanshi.
Amubelenge bushinshimi ubu, akubandika miipusho itokonkelaawo:
Amubelenge Mika 5:2 kwaamba ayi mushibe Mesiya nkwaakesa mukushalilwa. b
-
Sa kushalwa kwakwe Yesu kwakakumanisha bushinshimi ubu?—Mateyo 2:1.
Amubelenge Kulumbaisha 34:20 alimwi a Sekaliya 12:10 kwaamba ayi mwiiye Baibo nshoyakaambila limwi palufu lwakwe Mesiya.
-
Sa bushinshimi ubu bwakakumanishikwa?—Joni 19:33-37.
-
Sa mutoobona ayi Yesu ngowakalengesha bushinshimi ubu kukumanishikwa?
-
Ino ishi shamupa kushoma nshi pali Yesu?
6. Kwiiya pali Yesu kulatucafwa
Baibo ilaamba ayi ncintu ciyandika abuumbi kwiiya pali Yesu alimwi akushiba mukuli Lesa ngwakamupa. Amubelenge Joni 14:6 alimwi a 17:3, akubandika mwiipusho uyu:
-
Ino nceebonshi kwiiya pali Yesu kulayandika?
Yesu wakacalula nshila kwaamba ayi tube abushicibusa a Lesa. Wakaiisha cancine pali Yehova, alimwi kwiinda muli nguwe inga twacana buumi butamaani
BANTU BAMWI BALAAMBA AYI: “Bakamboni Bakwe Yehova tabashomi muli Yesu.”
-
Ino inga mwabakumbula buyani?
CITEENTE CINENE
Yesu ngu munjelo ucite nkusu. Ngu Mwanaakwe Lesa alimwi ngo Mesiya.
Kwiindulukaamo
-
Ino nceebonshi Yesu aleetwa ayi “mutaanshi kushalwa pashilengwa shoonse”?
-
Ino Yesu wakacita nshi kaatana kusa pacishi capanshi?
-
Ino tulishi buyani ayi Yesu ngo Mesiya?
AMULANGWETEEWO ASHIMWI
Amwiiye makani aamwi atucafwa kushiba ayi Yesu ngo Mesiya.
Amubone na Baibo ilaiisha ayi Yesu wakashalwa kuswa kuli Lesa bweenka bantu mbobashala baana.
“Ino Nceebonshi Yesu Aleetwa ayi Mwanaakwe Lesa?” (Makani acanika pa jw.org)
Amubone nceenga twaambila ayi njiisho yakwaamba ayi muli Lesa womwi muli balesa botatwe teshi njiisho yamu Baibo.
Amubelenge mwanakashi umwi mbwakaalula buumi bwakwe pesule lyakwiiya Baibo nshoyaamba pali Yesu.
a Muciiyo 26 alimwi a 27 tulaakubandika bantu ncobayandikila kulubulwa alimwi a Yesu mbwaakatulubula.
b Amubone Makani Aamwi 2 kwaamba ayi mushibe bushinshimi bwakaamba ciindi Yesu ndyaakabonekela pacishi capanshi.
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
