KATAK 15
Wõn Jesus?
Jesus ej armej eo me ej make wõt buñbuñtata ilo bwebwenatoun armej. Ijoke, meñe elõñ armej rejel̦ã etan, ak rejjab lukkuun jel̦ã kajjien, im elõñ rej bõk l̦õmn̦ak ko reoktak jãn doon kõn lukkuun wõn Jesus. Ta eo Baibõl̦ ej ba kõn e?
1. Wõn Jesus?
Jesus ej juon enjel̦ elukkuun kajoor me ej jokwe ilañ. Jeova Anij ear kõm̦anm̦an Jesus m̦okta jãn men otemjej. Eñin unin Baibõl̦ ej ba bwe ej “eo ear l̦otak m̦oktata iaan aolep menin kõm̦anm̦an ko otemjej.” (Kolosse 1:15, footnote) Baibõl̦ eo ej ba bwe Jesus ej eo ej “make wõt Nejin” Anij kõnke Jesus ej eo wõt me Jeova ear make kõm̦anm̦ane. (Jon 3:16) Jesus ear jerbal iturin Jemãn, Jeova, ilo an kar jipañe kõm̦anm̦an aolep menin kõm̦anm̦an ko jet. (Riit Jabõn Kõnnaan 8:30.) Jesus ej wõnm̦aanl̦o̦k wõt im m̦õn̦õn̦õ kõn juon jem̦jerã epaak ippãn Jeova. Ej tiljek ilo an jerbal ãinwõt ri-kõnono an Anij, ak “Naan eo,” ilo an kwal̦o̦k kõn ennaan im naanin tõl ko an Anij.—Jon 1:14.
2. Etke Jesus ear itok ñan lal̦ in?
Enañin 2,000 iiõ ko remootl̦o̦k, Jeova ear kõjerbale jetõb kwõjarjar eo an im kõm̦m̦ane juon menin kabwilõñlõñ ilo an kar bõk mour eo an Jesus ilañ im likũti ilowaan lo̦jien juon jiroñ me ej bõjin etan Meri. Ilo wãween in, Jesus ear l̦otak ãinwõt juon armej. (Riit Luk 1:34, 35.) Jesus ear itok ñan lal̦ in bwe en Messaia eo ak Christ, me kar kallim̦ur kake, im bwe en bar lo̦mo̦o̦ren armej otemjej. a Aolep kanaan ko ilo Baibõl̦ kõn Messaia eo rar jejjet kũtieer ikijjeen e, im men in ear jipañ armej ro ñan kile bwe Jesus ej “Christ, Nejin Anij eo emour.”—Matu 16:16.
3. Jesus ej pãd ia kiiõ?
Ãlikin an kar Jesus mej ãinwõt juon armej, kar kõjerkakpejeiki ãinwõt juon enjel̦ im jepl̦aak ñan lañ. Ilo ijin, “Anij ear lelõñl̦o̦k e bwe en lukkuun utiej.” (Pilippai 2:9) Kiiõ, Jesus ej juon eo ekajoor im el̦ap maroñ ko ippãn, joñan ej kein karuo wõt jãn Jeova.
KAM̦WILAL̦L̦O̦K AM̦ MEL̦EL̦E
Kal̦apl̦o̦k am̦ jel̦ã kõn lukkuun wõn Jesus im etke el̦ap an aorõk ñan ad katak kõn e.
4. Jesus ejjab Anij Ekajoor Bõtata
Baibõl̦ ej katakin bwe meñe Jesus ej juon enjel̦ ekajoor ilañ, ak ej kõttãiki im pokake Jeova, eo im ej an Anij im Jemãn. Etke jemaroñ ba men in? Kõjo̦e PIJAIN ALWÕJ eo ñan lale ta eo Baibõl̦ ej katakin ikijjeen wãween an Jesus oktak jãn Anij.
Eoon ko itulal̦ rej jipañ kõj ñan mel̦el̦e kõn oktak eo ikõtaan Jeova im Jesus. Riit kajjojo iaan eoon ko innem bwebwenato kake kajjitõk ko:
Riit Luk 1:30-32.
-
Ta eo enjel̦ eo ear ba me ej kwal̦o̦k bwe Jesus im Jeova Anij “Eo Eutiejtata,” reoktak jãn doon?
Riit Matu 3:16, 17.
-
Ilo iien eo Jesus ear peptaij, ainikien eo jãn lañ ear ba ta?
-
Kwõl̦ak lale ainikien wõn eo?
Riit Jon 14:28.
-
Wõn eo erũttol̦o̦k im l̦apl̦o̦k an wõr an maroñ? Juon jemãn ke ak eo nejin?
-
Ta melelein an kar Jesus kũr Jeova im ba Jema?
Riit Jon 12:49.
-
Jesus ej ke l̦õmn̦ak bwe erro Jemãn rej juon wõt? Ta am̦ l̦õmn̦ak?
5. Kein kam̦ool ko bwe Jesus ekar Messaia eo
Baibõl̦ eo ej kwal̦o̦k kõn elõñ kanaan ko me renaaj kar jipañ armej ro ñan kile wõn Messaia eo, eo Anij ear kããlõte ñan lo̦mo̦o̦ren armej. Kõjo̦e PIJAIN ALWÕJ eo ñan lale jet iaan kanaan ko Jesus ear kajejjet kũtieer ke ear itok ñan lal̦ in.
Riiti kanaan kein ilo Baibõl̦, innem bwebwenato kake kajjitõk kein:
Riit Maika 5:2 ñan jel̦ã ia eo Messaia eo enaaj kar l̦otak ie. b
-
Ear ke jejjet kũtien kanaan in ke Jesus ear l̦otak?—Matu 2:1.
Riit Sam 34:20 im Zekaraia 12:10 ñan lale ta eo Baibõl̦ ear kanaan kake kõn mej eo an Messaia eo.
-
Kar ke jejjet kũtien kanaan kein?—Jon 19:33-37.
-
Kwõl̦ak lale ekar ke wõr an Jesus maroñ ñan kõm̦m̦an bwe en jejjet kũtien kanaan kein?
-
Ta eo kanaan kein rej kaalikkar ñan eok kõn Jesus?
6. Jej bõk tokjãn jãn ad katak kõn Jesus
Baibõl̦ eo ej kaalikkar aorõkin ad aikuj katak kõn Jesus im ijo kun̦aan ilo karõk eo an Anij. Riit Jon 14:6 im 17:3, innem bwebwenato kake kajjitõk in:
-
Etke elukkuun aorõk ñan ad katak kõn Jesus?
Jesus ear kõpel̦l̦o̦k ial̦ eo ñan ad maroñ erom jeran Anij. Ear kwal̦o̦k m̦ool eo kõn Jeova, im ikijjeen e jemaroñ bõk mour indeeo
JET ARMEJ REJ BA: “Ri-Kõnnaan ro an Jeova rejjab tõmak ilo Jesus.”
-
En kar ewi wãween am̦ uwaak?
TARLEP IN KATAK EO ILO TUKADU
Jesus ej juon enjel̦ ekajoor, im ej eo Nejin Anij im Messaia eo.
Ãlij
-
Etke Baibõl̦ ej ba bwe Jesus ej “menin kõm̦anm̦an eo m̦oktata iaan aolep menin kõm̦anm̦an ko otemjej”?
-
M̦okta jãn an kar Jesus itok ñan lal̦ in, ta eo ear kõm̦m̦ane?
-
Ewi wãween ad jel̦ã bwe Jesus ej Messaia eo?
KAL̦APL̦O̦K AM̦ MEL̦EL̦E
Kal̦apl̦o̦k am̦ jel̦ã kõn jerbal eo an Jesus ãinwõt Messaia eo.
“Do Messianic Prophecies Prove That Jesus Was the Messiah?” (Katak eo ilo online)
Etale im lale el̦aññe Baibõl̦ eo ej katakin bwe kõnke Anij ej jemãn Jesus, ear ke neji ilo juon wãween ãinl̦o̦kwõt an armej kõm̦m̦an nejier?
Lale etke katak eo kõn jilu anij ilo juon (Trinity) ejjab pedped ioon Baibõl̦ eo.
Lale ewi wãween an kar mour eo an juon kõrã oktak ãlikin an kar lukkuun etale ta eo Baibõl̦ ej ba kõn Jesus.
“A Jewish Woman Explains Why She Reexamined Her Faith” (Awake!, May 2013)
a Katak 26 im 27 renaaj kwal̦o̦k kõn etke armej otemjej rej aikuj bõk lo̦mo̦o̦r im wãween an kar Jesus lo̦mo̦o̦ren kõj.
b Lale Kõmel̦el̦e 2 ñan lale juon kanaan me ear kaalikkar lukkuun jejjetin ñããt eo Jesus enaaj erom Messaia eo.
