15-ШЕ УРОК
Кӧ тыгай Иисус Христос?
Иисус Христос — историйыште кумдан палыме еҥ-влак кокла гыч иктыже. Но шукышт тудын лӱмжым гына палат. Иисусын кӧ улмыжо нерген тӱрлӧ шонымаш уло. А Библий тудын нерген мом ойла?
1. Кӧ тыгай Иисус Христос?
Иисус — куатле суксо. Тудо Юмын илыме верыштыжак ила. Иисус икымше лийын, кӧм Иегова Юмо ыштен. Сандене тудо «чыла чонан деч ончыч Шочшо» манын, Библий ойла (Колоссян-влаклан 1:15, У Сугынь, 1986). Тыгак Иисусым «Ик Шкет Эрге» манын лӱмдымӧ, вет тудым гына Юмо шкетын ыштен (Иоаннын 3:16). Тудо Иегова Ачажлан уло тӱням ышташ полшен. (Притчи 8:30 лудын лекса.) Кызытат нунын коклаште кыл кучымашышт шокшо да лишыл. Тудо Юмын представительже, тудын «Шомакше», вес семын тудо Юмын увер ден кӱштымашыжым весе-влаклан ойла (Иоаннын 1:14).
2. Иисус мландыш молан толын?
2 000 ий наре ончыч Иегова чудым ыштен: шке святой шӱлышыжым кучылтын, тудо Иисусын илышыжым Мария лӱман ӱдырын кӧргышкыжӧ кусарен. Тиде чудылан кӧра Иисус айдеме семын шочын. (Лукан 1:34, 35 лудын лекса.) Тудо айдеме тукымым утарашлан да Библийыште ончылгочак возымо почеш Мессий, але Христос, лияшлан мландыш толын a. Мессий нерген чыла библийысе ончылгоч каласымаш Иисус ӱмбалан шукталтын. Тыге еҥ-влак раш умылен кертыныт: Иисус — тиде «Христос, илыше Юмын Эргыже» (Матфейын 16:16).
3. Кызыт Иисус кушто улеш?
Колымо деч вара Иисус ылыжтыме лийын да кавашке Юмо деке пӧртылын. «Юмо Тудым кӱшкӧ нӧлтен» да тудлан эн кӱшыл верым пуэн (Филиппысе-влаклан 2:9). Ындыжым Иисус Иегова деч вара кокымшо улеш, да тудын кугу властьше уло.
КЕЛГЫНРАК ШЫМЛЕН НАЛЗА
Шукырак пален налза, чынжымак кӧ тыгай Иисус Христос, да молан тудын нерген келге шинчымашым налаш кӱлеш.
4. Иисус — Чылакертше Юмо огыл
Иисус каваште куатле суксо улеш манын, Библийыште возымо. Туге гынат тудо Иегова Юмыжым, Ачажым, эре колыштеш. Кушеч ме тидым палена? Библий дене келшышын, Иисус — Чылакертше Юмо огыл манын, пален налашлан ВИДЕОРОЛИКЫМ ончалза.
Нине библийысе почеламут-влак Иисусын Иеговалан кӧ улмыжым умылаш полшат. Нине почеламут-влакым лудын лекса да вашмутым пуыза.
Лукан 1:30—32 лудын лекса.
-
Иисус Кӱшылсӧ Иегова Юмылан кӧ улеш манын, суксо мом каласен?
Матфейын 3:16, 17 лудын лекса.
-
Иисусын тынеш пурымыж годым кава гыч йӱк мом каласен?
-
Тендан шонымаште, тиде кӧн йӱкшӧ лийын?
Иоаннын 14:28 лудын лекса.
-
Кӧ кугурак улеш да кӧн властьше шукырак — ачан але эргын?
-
Иисусын Иеговам «Ача» манмыже мемнам мо́лан туныкта?
Иоаннын 12:49 лудын лекса.
-
Иисус шонен мо, пуйто тудо да тудын Ачаже ик личность улыт? А те кузе шонеда?
5. Иисусын Мессий улмыжым пеҥгыдемдыше доказательстве-влак
Библийыште Мессий нерген шуко ончылгоч каласымашым возымо. Нунылан кӧра еҥ-влак умылышаш ыльыч, кӧм Юмо айдеме тукымым утарашлан ойырен. ВИДЕОРОЛИКЫМ ончалза да пален налза, могай ончылгоч каласымаш-влак Иисус ӱмбалне шукталтыныт.
Нине библийысе ончылгоч каласымаш-влакым лудын лекса да вашмутым пуыза:
Мессийын кушто шочшашыжым пален налашлан Михей 5:2 лудын лекса b.
-
Тиде ончылгоч каласымаш Иисус ӱмбалне шукталтын мо? (Матфейын 2:1).
Мессийын кузе колышашыжым пален налашлан Псалом 33:21 да Захария 12:10 лудын лекса.
-
Нине ончылгоч каласымаш-влак шукталтыныт мо? (Иоаннын 19:33—37).
-
Кузе шонеда, нине ончылгоч каласымаш-влакын шукталтмыштлан Иисус влиятлен кертын мо?
-
Тендан шонымаште, Иисусын Мессий улмыжым тиде пеҥгыдемда мо?
6. Иисус нерген палымаш пайдам конда
Библий раш ончыкта: Иисус нерген да Юмын шонен пыштымаштыже тудын рольжо нерген эре шинчымашым налаш чот кӱлеш. Иоаннын 14:6 да 17:3 лудын лекса да вашмутым пуыза:
-
Иисус нерген эре шинчымашым налаш молан кӱлеш?
Иисус Юмо дене йолташ лияшлан корным почын. Тудо Иегова нерген чынлан туныктен, да тудлан кӧра ме курымашлык илышым налын кертына
ИКТАЖ-КӦ КАЛАСЕН КЕРТЕШ: «Иегован Таныкше-влак Иисуслан огыт ӱшане».
-
Те вашешыже мом каласеда ыле?
ТӰҤ ШОНЫМАШ
Иисус — куатле суксо. Тудо Юмын Эргыже да Мессий.
Ушештарымаш
-
Молан Иисусым «чыла чонан деч ончыч Шочшо» манме?
-
Мландыш толмо деч ончыч Иисус мом ыштен?
-
Иисус — тиде Мессий манын, ме кушеч палена?
ЕШАРТЫШЛАН
Иисусын Мессий улмыжо нерген шукырак пален налза.
«Мессий нерген ончылгоч каласымаш-влак Иисус Христос ӱмбалне шукталтыныт мо?» (веб-статья)
Пален налза, мо шотышто Юмо Иисуслан Ача улеш?
Молан Троице нерген туныктымаш — тиде библийысе туныктымаш огыл?
«Иисус Христос. Тудо Юмо улеш мо?» («Орол башне» 1 апрель, 2009 ий)
Кузе ик ӱдырамашын илышыже вашталтын, кунам тудо Иисус Христос нерген Библийыште возымым пален налын?
«Еврей ӱдырамаш каласкала, молан тудо шке религийжым вашталтен» («Помыжалтса!» май, 2013 ий)
a 26-шо да 27-ше уроклаште умылтаралтеш, молан еҥ-влаклан утарымаш кӱлеш да кузе Иисус мемнам утарен.
b Мессийын кунам толшашыже нерген 2-шо ешартыш статьяште возымо.
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
