TAMACHTILIS 15
¿Akoni Jesús?
Jesús yejua akin okachi moixmatini. Maski miakej kimatij itokay amo miakej kuali kiixmatij, uan keman ika tajtouaj Jesús miak taman kinemiliaj. Sayoj ke, ¿toni tamachtia Biblia?
1. ¿Akoni Jesús?
Jesús se ángel semi chikauak akin nemi iluikak uan yejua akin Jiova yekinika kichijchiuak. Yejua ika moixmati kemej “tayekankakonet itech nochi tachijchiualis” (Colosenses 1:15, TNM). Biblia kitokaytia Jesús “Iyojtsin Ikonetsin” Dios, porin Jiova iselti kichijchiuak (Juan 3:16). Jesús semi tekitik iuan iPopaj, Jiova, keman kipaleuij maj kichijchiua nochi tein onkak (xikonita Proverbios 8:30). Uan nochin omen kisentokaj semi kualtsin mouikaj. Jesús yejua “Tajtoltsin” porin nochipa tajtoua itenkopa Dios, kitemaka tanauatilmej uan tein iTajtsin kineki kitematiltis (Juan 1:14).
2. ¿Keyej ualaj Jesús nikan taltikpak?
Kemej 2,000 xiujmejya, Jiova ika ichikaualis kichiuak se ueyi tachiualis. Maski katka se ángel semi chikauak uan nemia iluikak, Jiova kichiuak maj inemilis Jesús mopanoltiani iijtik ichpoch María uan maj yolini kemej se konetsin (xikonita Lucas 1:34, 35). Jiova kiualtitanik Jesús nikan taltikpak para mochiuas Cristo oso Mesías, tein moijtojka ke ualaskia uan techmakixtiskia tinochin. a Nochi tein moijtojka itech Biblia ke kipanoskia Mesías mochiuak itech Jesús. Ijkon ueliskia kimatiskej ke yejua Cristo “Yektekonetsin de Dios den yoltika” (Mateo 16:16).
3. ¿Kani yetok Jesús axkan?
Satepan ke Jesús momikilij, moajokuik kemej se ángel uan mokepak iluikak. Ompa “Dios kiueyipantalij Cristo ma tayekana inpan nochi tayekanani” (Filipenses 2:9). Axkan Jesús kipia ueyi tanauatil uan sayoj Jiova okachi chikauak ke yejua.
MAJ OKACHI TIMOMACHTIKAN
Maj okachi timomachtikan akoni yekmelauj Jesús uan keyej semi moneki maj tikixmatikan.
4. Jesús amo yejua Dios Akin kipia nochi chikaualis
Biblia kijtoua ke maski Jesús se ángel semi chikauak uan nemi iluikak, nochipa kitakamati Jiova kemej iDios uan iPopaj. ¿Keyej ijkon tikijtouaj? Xikitakan VIDEO kampa kinextia keyej Dios Akin kipia nochi chikaualis uan Jesús amo sayoj se.
Textos tein tikitaskej techpaleuis maj tikmatikan keyej Jiova uan Jesús amo sayoj se. Xikitakan sejse texto uan ika xitajtokan nejin:
Xikitakan Lucas 1:30-32.
-
¿Akoni kijtoj ángel ke “kachi ueyi chiuke”?
Xikitakan Mateo 3:16, 17.
-
¿Toni mokakik ne iluikak keman Jesús moauij?
-
¿Akoni tikonnemilia ke tajtoj?
Xikitakan Juan 14:28.
-
¿Akoni okachi kipia tanauatil: se tepopaj oso se tekonetsin?
-
¿Toni techmachtia Jesús keman kinotsak Jiova “iTajtsin”?
Xikitakan Juan 12:49.
-
¿Kinemiliaya Jesús ke yejua uan iPopaj sayoj se? ¿Uan tejuatsin toni tikonnemilia?
5. Jesús mochiuak Mesías
Itech Biblia tikajsij miak taman tein moijtojka ke mochiuaskia tein tapaleuiskia maj kimatinij akoni Mesías, oso akin Dios kiixtalij maj techmakixti. Xikitakan VIDEO, kampa kimelaua seki taman tein mochiuak itech Jesús keman nemia nikan taltikpak.
Xikitakan tein Biblia kijtojka ke mochiuaskia uan ika xitajtokan nejin:
Xikitakan Miqueas 5:2 para nankimatiskej kani yoliskia Mesías. b
-
¿Mochiuak ijkon kemej moijtojka keman yolik Jesús? (Mateo 2:1).
Xikitakan Salmo 34:20 uan Zacarías 12:10 kampa ika tajtoua tein mochiuaskia keman momikiliskia Mesías.
-
¿Mochiuak tein moijtojka? (Juan 19:33-37).
-
¿Tikonnemilia ke Jesús kichiuak teisa para maj mochiua tein achto moijtojka?
-
Uan tejuatsin, ¿keniuj mitsonpaleuia okachi xikonixmati Jesús?
6. Semi techpaleuia komo tikixmatij Jesús
Biblia kijtoua keyej moneki tikixmatiskej Jesús uan tekit tein Dios kimaktilij. Xikitakan Juan 14:6 uan 17:3, uan ika xitajtokan nejin:
-
¿Keyej semi moneki maj tikixmatikan Jesús?
Jesús yejua ojti para maj kuali timouikakan iuan Dios, tamachtij akoni Jiova. Uan no, itechkopa uelis tinemiskej nochipaya.
TEIN SEKIN KIJTOUAJ: “Itaixpantijkauan Jiova amo kineltokaj Jesucristo”.
-
¿Toni tiontanankiliskia?
TEIN TIKITAKEJ
Jesús se ángel semi chikauak, iKonetsin Dios uan Mesías.
Maj tikelnamikikan
-
¿Keyej Jesús motokaytia “tayekankakonet itech nochi tachijchiualis”?
-
¿Toni kichiuaya Jesús achto ke ualaskia nikan taltikpak?
-
¿Keniuj tikmatij ke Jesús yejua Mesías?
NO XIKONITA NEJIN
Okachi xikonmati keyej Jesús yejua Mesías.
“¿Prueban las profecías de la Biblia que Jesús fue el Mesías?” (Artículo de jw.org)
Xikonita ox Biblia tamachtia ke Dios mochiuak ipopaj Jesús ijkon kemej tetatmej kinpiaj ininkoneuan.
“¿Por qué se le llama a Jesús el Hijo de Dios?” (Artículo de jw.org)
Xikonita keyej trinidad amo se tamachtilis tein kisa itech Biblia.
Xikonita keniuj se siuatsin kipatak inemilis keman okachi kiixmatik Jesús.
“Una judía explica por qué se replanteó sus creencias” (¡Despertad!, mayo de 2013)
a Itech tamachtilis 26 uan 27 momelaua keyej moneki maj aksa techmakixti uan keniuj Jesús techmakixtia.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
