ISIFUNDO 15
Ngubani UJesu?
Phose wonke umuntu emhlabeni sewake wezwa ngoJesu. Lanxa abantu abanengi belazi ibizo lakhe, balemibono etshiyeneyo ngokuthi uJesu ngubani sibili. IBhayibhili lithini ngoJesu?
1. Ngubani uJesu?
UJesu yingilosi elamandla esezulwini. UJehova waqala ngokudala uJesu engakadali ezinye izinto. Yikho iBhayibhili lisithi ‘ulizibulo lakho konke okwadalwayo.’ (KwabaseKholose 1:15) Uphinda abizwe ngokuthi ‘yiNdodana kaNkulunkulu ezelwe yodwa’ ngoba nguye yedwa owadalwa nguNkulunkulu ngokwakhe. (UJohane 3:16) UJesu wasetshenziswa nguYise uJehova ekudaleni zonke ezinye izinto. (Bala iZaga 8:30.) UJesu ubizwa langokuthi ‘nguLizwi’ ngoba ungumkhulumeli kaNkulunkulu. UJesu uyayikholisa yonke imisebenzi ayenzela uYise ngoba uyamthanda kakhulu.—UJohane 1:14.
2. Kungani uJesu wabuya emhlabeni?
Eminyakeni engaba ngu-2 000 eyadlulayo, uJehova wasebenzisa umoya wakhe ongcwele ukuze enze isimanga sokuthi uJesu azalwe yintombi okuthiwa nguMariya. (Bala uLukha 1:34, 35.) UJesu wathunywa emhlabeni ukuze azokuba nguMesiya kumbe uKhristu lokuthi azofela abantu. a Zonke iziphrofetho ezimayelana loMesiya zagcwaliseka kuJesu futhi lokhu kwenza abantu babona ukuthi “unguKhristu, iNdodana kaNkulunkulu ophilayo.”—UMathewu 16:16.
3. UJesu ungaphi khathesi?
Ngemva kokufa kukaJesu, uJehova wamvusa wasebuyela ezulwini eseyingilosi futhi “wamphakamisa wamnika isikhundla esiphezulu kulaleso ayelaso.” (KwabaseFiliphi 2:9) Khathesi uJesu ulesikhundla esiphezulu kakhulu, esilandela esikaJehova ngokwakhe.
GEBHA UJULE
Engxenyeni le uzafunda okunengi ngoJesu lokuthi kungani kuqakathekile ukumazi.
4. UJesu nguNkulunkulu uSomandla yini?
IBhayibhili lithi uJesu ulesikhundla esiphezulu, kodwa kamkhulu kuloYise uJehova uNkulunkulu. Bukelani IVIDIYO ukuze ubone okutshiwo liBhayibhili ngokuthi uJesu utshiyene njani loNkulunkulu.
Amavesi alandelayo asinceda sibone ukuthi uJehova loJesu batshiyene. Balani umbhalo ngamunye beselixoxa ngemibuzo engaphansi kwalowombhalo.
Bala uLukha 1:30-32.
-
Okwatshiwo yingilosi kutshengisa njani ukuthi uJesu utshiyene loJehova uNkulunkulu ‘oPhezukonke’?
Bala uMathewu 3:16, 17.
-
Ilizwi elazwakala ngesikhathi uJesu ebhabhathizwa lalisithini?
-
Ucabanga ukuthi kwakulilizwi likabani?
Bala uJohane 14:28.
-
Ngubani omkhulu futhi olesikhundla esiphezulu phakathi kukababa lomntwana?
-
Yindaba uJesu ebiza uJehova ngokuthi nguYise?
Bala uJohane 12:49.
-
UJesu uzibona elingana loYise yini? Wena uthini?
5. Iziphrofetho ezimayelana loMesiya zagcwaliseka kuJesu
IBhayibhili lileziphrofetho ezanceda abantu babona ukuthi ngubani owayezakuba nguMesiya okhethwe nguNkulunkulu ukuthi asindise abantu. Bukelani IVIDIYO ukuze ubone ezinye iziphrofetho ezagcwaliseka kuJesu ngesikhathi elapha emhlabeni.
Balani amavesi alandelayo beselixoxa ngemibuzo elandelayo:
Bala uMikha 5:2 uzwe ukuthi uMesiya wayezazalelwa ngaphi. b
-
Isiphrofetho lesi sagcwaliseka yini ngesikhathi uJesu ezalwa?—UMathewu 2:1.
Bala iHubo 34:20 loZekhariya 12:10 ukuze uzwe ukuthi kwakuzakwenzakalani ngesikhathi uMesiya ebulawa.
-
Iziphrofetho lezi zagcwaliseka yini?—UJohane 19:33-37.
-
Kambe ukuthi kukhona okwenziwa nguJesu ukuze iziphrofetho lezi zigcwaliseke kuye?
-
Ukugcwaliseka kweziphrofetho lezi kutshengisani ngoJesu?
6. Ukufunda ngoJesu kuqakathekile
IBhayibhili lithi kuqakathekile ukuthi sifunde ngoJesu langomsebenzi awuphiwe nguNkulunkulu. Bala uJohane 14:6 lo-17:3 beselixoxa ngombuzo lo:
-
Kungani kuqakathekile ukufunda ngoJesu?
UJesu wasifundisa iqiniso ngoJehova, wasivulela indlela yokuthi sibe ngabangane bakaNkulunkulu lokuthi sithole ukuphila okungapheliyo
ABANYE BATHI: “OFakazi bakaJehova abakholwa kuJesu.”
-
Ungamphendula usithini umuntu otshonjalo?
ISIFINQO
UJesu uyiNdodana kaNkulunkulu futhi uyingilosi elamandla njalo unguMesiya.
Ufundeni?
-
Kungani iBhayibhili lisithi uJesu ‘lizibulo lakho konke okwadalwayo’?
-
UJesu wayesenza yiphi imisebenzi engakabuyi emhlabeni?
-
Sikwazi njani ukuthi uJesu unguMesiya?
THOLA OKUNENGI
Bala isihloko lesi ukuze uthole obunye ubufakazi obutshengisa ukuthi uJesu unguMesiya.
“Iziphrofetho Ezimayelana LoMesiya Zagcwaliseka Yini KuJesu?” (Isihloko esikuwebhusayithi yethu)
Bala isihloko lesi ukuze uzwe ukuthi iBhayibhili litshoni nxa lisithi uJesu yiNdodana kaNkulunkulu.
“Kungani Kuthiwa UJesu YiNdodana KaNkulunkulu?” (Isihloko esikuwebhusayithi yethu)
Bala isihloko lesi uzwe ukuthi kungani imfundiso yobuthathu bukaNkulunkulu ingamanga.
“UJesu NguNkulunkulu Yini?” (INqabayokulinda, April 1, 2009)
Bala isihloko lesi uzwe ukuthi iBhayibhili lamnceda njani omunye umama wazwisisa ukuthi uJesu ngubani.
“Owesifazana OngumJuda Uchasisa Ukuthi Watshintshelani Ayekukholwa” (Vukani!, May 2013)
a Esifundweni 26 lo-27 sizabona ukuthi ukufa kukaJesu kubanceda njani abantu.
b Bala Amabala Asekucineni 2 ukuze ubone ukuthi uJesu waba nguMesiya nini.
Nanku Okunye
IMIBUZO EJAYELE UKUBUZWA NGABANTU
OFakazi BakaJehova Babafundisa Njani Abantu IBhayibhili?
Uhlelo lokufunda iBhayibhili laboFakazi bakaJehova ngolwamahala njalo ukhululekile ukusebenzisa iBhayibhili olijayeleyo kanye lokunxusa izihlobo labangane ukuthi labo bafunde lindawonye.
