LECCIÓN 15
Kensen mee Jesús.
Desde uanto see chujni nichjana de Jesús. Aro ninchi tsjeʼana chunxina denduaxin, ko tsjena jee xraxauna de kensen denduaxin kjui Jesús. Aro keʼe tjago Biblia de jeʼe.
1. Jesús kensen mee
Jesús yaa naa espíritu ke jii ngajni. Jehová juinchechjian saʼo kuthejan juinchechjian kainxin thi dukuna. Mexinxin kai diʼin “thi saʼo kunchjian de kain thi icha” (Colosenses 1:15). Biblia kai nchegiʼin Jesús xeʼen Dio “Xan jeuxinxun”, ixi jeʼo Dio juinchechjian (Juan 3:16). Jesús juinchekaʼo xrá Ndudee, Jehová, kuengijna Ndo juinchechjiana kain (tsjeʼe Proverbios 8:30). Ko jai xra anto jian xrakao chuuna. Kai chunxinxini xraa “Tha” ixi jeʼe thi dajun juajna de Ndudee (Juan 1:14).
2. Unda ixi juii Jesús ngataʼa Nunthe
Chunda yuo jino de nano, Jehová juinchegunda nchauʼen para ke nchao rua̱ʼan xeʼen nthiʼi ngataʼa Nunthe -ke kjui xraa naa ángel- juinchegunda Ndo matrii María, para ke Jesús nchao juii ngataʼa Nunthe ko guan xraa chujni (tsjeʼe Lucas 1:34, 35). Jeʼe juii ngataʼa Nunthe ixi jeʼe thi Cristo o Mesías, para ke chujni nchao sinthechuna. a Kainxin thi bajina ngaa Biblia de Mesías jaan xethja. Ko jiʼi juincheʼe ke chujni nchao rugatsuana “Cristo, Xeʼen Dio jichun” (Mateo 16:16).
3. Thino jii Jesús jai
Are Jesús tabe̱ʼen ko kjan bingathjen, i jeʼa xraa jaʼana, jeʼe takjan naa espíritu ko sakjui ngajni. Nthi̱ʼa “Dio chjee Ndo icha jie juachaxin” (Filipenses 2:9). Jai, Jesús kai thetuʼan ko chunda juachaxin; aro juʼo Jehová thi icha tsanga ke jeʼe.
TANGI ICHA
Rutsjeʼená inchi thi tjaguaná kensen denduaxin kjui Jesús ko unda ixi renthe ke satsuaná.
4. Jesús yaa jeʼa thi Dio icha Tsanga
Maski Jesús naa espíritu anto tsanga nthi̱ʼa ngajni, Biblia ndachro ke jeʼe dithikaun Jehová, ke yaa Ndo Diue ko Ndudee. Unda ndachruná jiʼi. Tsjeʼera VIDEO para tsinxira keʼe tjago Biblia de Jesús kunixin Ndo Dio ke anto Tsanga.
Texto tununxin nthiʼi thengijnaná tsinxiná jian kensen Jehová ko Jesús. Tsjeʼera nanaa de texto teʼi ko tjaura de jiʼi:
Tsjeʼera Lucas 1:30-32.
-
Ínchi ndachro ángel, kensen Jesús ko kensen Jehová, thi icha “Jie”.
Tsjeʼera Mateo 3:16, 17.
-
Are bigithe Jesús kuiʼini naa tha, keʼe ndachro.
-
Kensen thee jiʼi.
Tsjeʼera Juan 14:28.
-
Kensen icha jie ko chunda juachaxin de tsetuʼan: a ndudaʼa, a ni chjan.
-
Keʼe juinao rundachro Jesús are juinchegiʼin Jehová “Ndudaʼa”.
Tsjeʼera Juan 12:49.
-
A baxraxaun Jesús ke jeʼe ko Ndudee xrajuʼuna. Keʼe dendachro suixin.
5. Jesús yaa thi Mesías
Ngai Biblia jii anto tsje thi bajina ke rukengijna chujni rugatsuana kensen kjui Mesías, jiʼi ruchro, thi kuincheʼe Ndo Dio para rukengijna chujni. Tsjeʼera VIDEO, yaa senthakianxin inchi thi bajina ke xethja are Jesús juii nthiʼi ngataʼa Nunthe.
Ncheleera thi bajina ke jii ngaa Biblia ko tjaura de jiʼi:
Tsjeʼera Miqueas 5:2 para tsangira thino ruguanxin Mesías. b
-
A ko xethja jiʼi are guan Jesús (Mateo 2:1).
Tsjeʼera Salmo 34:20 ko Zacarías 12:10 para tsunuʼara icha de thi kuʼen Jesús are tagu̱ena.
-
A xethja jiʼi (Juan 19:33-37).
-
A dexraxaun ke Jesús basengixin inchi cosa para xethja thi bajina.
-
Ko suixin, keʼe dekangi de Jesús kunixin kain jiʼi.
6. Si satsuaná Jesús jiʼi tsengijnaná
Biblia ndachro unda anto renthe ke tsanginá de Jesús ko thi xrá ke Dio chjee. Tsjeʼera Juan 14:6 ko 17:3, ko tjaura de jiʼi:
-
Unda anto renthe ke satsuaná Jesús.
Jesús banthjee nthiʼa para ke nchao ruxrakjiuʼuná Dio ko kjuago thi ndua de Jehová. Ko kai ixi thi jeʼe juincheʼe, jaʼana nchao sunthechuna ko i se̱ʼaná.
THI XRAXAUN INCHINA: “Ni testigo de Jehová dithikauʼana ngai Jesús”.
-
Keʼe ruegatheʼe suixin.
THI KUANGINÁ
Jesús yaa naa espíritu, Xeʼen Dio ko Mesías.
A xraxaun thi kuangi
-
Unda diʼin Jesús “xan saʼo kunchjian ke kain thi jii”.
-
Keʼe bancheʼe Jesús saʼo de rukii ngataʼa Nunthe.
-
Kexrein nuanxina ke Jesús yaa thi Mesías.
THJEE ICHA
Dekangi icha thi tjago ke Jesús yaa Mesías.
“¿Prueban las profecías de la Biblia que Jesús fue el Mesías?” (Artículo de jw.org)
Detsjeʼe a tjago Biblia ke Dio yaa ndudee Jesús.
“¿Por qué se le llama a Jesús el Hijo de Dios?” (Artículo de jw.org)
Detsjeʼe unda Biblia tjaguʼa de trinidad.
Denchelee kexrein tabixingixin videe naa thi nchrii are kuexiʼin kuangi thi tjago Biblia de Jesús.
“Una judía explica por qué se replanteó sus creencias” (¡Despertad!, mayo de 2013)
a Ngai lección 26 ko 27 nthakianxiná unda ixi Jesús chunda ke be̱ʼen ixi jaʼana ko kexrein thengijnaná jiʼi.
