IREN MEHN KASUKUHL 15

Ihs Sises?

PLAY

Ihs Sises?

Sises iei emen aramas me keieu ndand nan poadopoad. Aramas tohto ese edeo, ahpw re sohte uhdahn ese ih oh me tohto kin ahneki soangsoangen madamadau kan duwen ihs Sises. Dahme Paipel kin mahsaniheki duwen ih?

1. Ihs Sises?

Sises iei ngehn kehlail men me kin ketiket nanleng. Siohwa Koht ketin kapikada ih mwohn mehkoaros. Pwehki kahrepe wet, e ketin adaneki “mesenih en kepikipik kan koaros.” (Kolose 1:15) Paipel kin mahsaniheki Sises nin duwen sapwellimen Koht “Iehros” pwehki Sises kelehpw me Siohwa pein ketin kapikada. (Sohn 3:16) Sises ketin iang Semeo, Siohwa, doadoahk oh sewese Ih kapikada soahng teikan koaros. (Wadek Lepin Padahk 8:30.) Sises kin ketin pousehlahte ahneki nanpwungmwahu keren rehn Siohwa. Ni loalopwoat e ketin wia sapwellimen Koht sounkair me iei “Mahseno,” ni eh kin lohki sapwellimen Koht rohng kan oh kaweid kan.—Sohn 1:14.

2. Dahme kahrehda Sises ketidihdo nin sampah?

Mpen sounpar 2,000 samwalahro, Siohwa ketin doadoahngki sapwellime manaman pwehn kasausang sapwellimen Sises mour nanleng ong nan kapehden meipwon pwulopwul men me adaneki Mery. Pwehki met, Sises eri ketin ipwidi nin duwen aramas emen. (Wadek Luk 1:34, 35.) Sises ketidihdo nin sampah pwehn wia Mesaia me inoudahro de Krais oh pwehn doarehla aramas akan. a Kokohp en Paipel koaros me pid Mesaiao pweida reh, me kahrehiong aramas akan en kak kasawihada Sises nin duwen “Krais, Sapwellimen Koht ieias.”—Madiu 16:16.

3. Ia wasa Sises ketiket ie met?

Mwurin Sises eh ketin pwoula nin duwen aramas emen, Koht ketin kaiasada ih nin duwen ngehn emen oh e ketin sapahldahla nanleng. Wasao, “Koht ketin kasapwiladahng ih nan dehu lapalap ehu.” (Pilipai 2:9) Met Sises ketin wia tohnleng men me uhdahn manaman. Siohwa kelehpw me manaman sang Sises.

KALAUDEHLA OMW ESE MET

Kalaudehla omw ese ihs Sises oh dahme kahrehda e uhdahn kesempwal omw kin sukuhlki duwen ih.

4. Sises Kaidehn Koht me Keieu Manaman

Paipel kin padahngki me mendahki Sises ketin wia ngehn kehlail men nanleng, e kin peikiong eh Kohto oh Semeo, Siohwa. Dahme kahrehda kitail kak ndahki met? Kilang KISIN KASDO duwen dahme Paipel kin padahngki duwen Sises eh ketin weksang Koht me keieu manaman.

KISIN KASDO: Is Jesus Christ God? (3:22)

Iren Paipel pwukat pahn sewese kitail en wehwehki wekpeseng en nanpwungen Siohwa oh Sises. Wadek ehuehu iren Paipel, oh mwuri koasoiapene peidek pwukat.

Wadek Luk 1:30-32.

Ia duwen tohnlengo eh kawehwehda wekpeseng en nanpwungen Sises oh Siohwa Koht, “Wasa Lapalahpie”?

Wadek Madiu 3:16, 17.

Ni ahnsou me Sises ketin papidaisla, dahme ngihl me peidihdo sang nanleng mahsanih?
Ia omw madamadau, ngilen ihs mwo?

Wadek Sohn 14:28.

Ihs me mah oh ahneki manaman laud? Pahpao de nah pwutako?
Sises ketin ekerki Siohwa Seme. Dahme met padahkihong kitail?

Wadek Sohn 12:49.

Ia duwe, Sises kin ketin medewe me ih oh Semeo duwepenehte? Ia omw madamadau?

5. Sises ketin kadehdehda me ih me Mesaia

Mie kokohp tohto nan Paipel duwen Mesaiao, me Koht ketin pilada en doarehla aramas akan. Kokohp pwukat kin sewese aramas akan ren ese ihs me Mesaia. Kilang KISIN KASDO pwe ken sukuhlki ekei kokohp kan me Sises ketin kapwaiada ni eh ketidihdo nin sampah.

KISIN KASDO: Jesus Fulfills Prophecy (3:03)

Wadek kokohp pwukat oh mwuri koasoiapene peidek wet:

Wadek Maika 5:2 pwe ken ese ia wasa me Mesaia pahn ipwidi ie. b

Ia duwe, Sises ketin ipwidi nan wasa me kokohpdahro?—Madiu 2:1.

Wadek Melkahka 34:20 oh Sekaraia 12:10 pwehn kilang oaritik kan me kokohpda duwen pwoulahn Mesaia.

Kokohp pwukat pweidahier?—Sohn 19:33-37.
Ke medewe pein Sises kak ketin wiahiong kokohp pwukat en pweida reh?
Dahme met kamehlelehiong uhk duwen Sises?

6. E wia kamwahupatail ni atail sukuhlki duwen Sises

Paipel kasansalehda kesempwalpen sukuhlki duwen Sises oh dahme Koht ketin kupwurki Sises en wia. Wadek Sohn 14:6 oh 17:3, oh mwuri koasoiapene peidek wet: