YE TI MANDA 15
Jésus ayeke zo wa?
Jésus ayeke mbeni oko ti azo so iri ti ala awu mingi na yâ ti mbaï ti azo. Azo mingi ahinga iri ti Jésus me ala hinga ye nzoni na ndö ti lo ape, nga azo mingi ayeke na abango ndo nde nde na ndö ti lo. Bible atene nyen na ndö ti lo?
1. Jésus ayeke zo wa?
Jésus ayeke mbeni ngangu créature ti yingo so ayeke na yayu. Jéhovah Nzapa acréé lani lo kozo na tanga ti aye kue. Ndani la a iri lo “kozo ye na popo ti aye kue so Nzapa asara”. (aColossien 1:15). Bible atene so Jésus ayeke “gï oko Molenge” ti Nzapa ndali ti so Jéhovah wani la acréé lo (Jean 3:16). Jésus asara kua maboko na maboko na Babâ ti lo Jéhovah, lo aidé Lo ti créé tanga ti aye kue. (Diko aProverbe 8:30.) Jésus angbâ ti duti na kpengba songo na Jéhovah. Lo sara kua ti lo ti wayanga ti Nzapa, wala “Tënë ni”, be-ta-zo na lege so lo fa na a-ange nga na azo atënë ti Nzapa nga na aye so Lo hunda ti tene ala sara.—Jean 1:14.
2. Ngbanga ti nyen la Jésus aga lani na sese?
A sara ngu 2 000 tongaso awe, na lege ti miracle Jéhovah asara kua na yingo vulu ti lo, lo mû fini ti Jésus na yayu lo zia ni na yâ ti Marie, mbeni maseka-wali so ade ti hinga koli ape. So lo sara tongaso, a dü Jésus tongana zo. (Diko Luc 1:34, 35.) Jéhovah atokua Jésus na sese ti duti Messie, wala Christ, so a mû zendo ti lo nga ti sö azo. a Aprophétie kue so Bible atene na ndö ti Messie aga tâ tënë na ndö ti Jésus na amû lege na azo ti hinga so lo yeke “Christ, Molenge ti Nzapa so ayeke na fini.”—Matthieu 16:16.
3. Jésus ayeke na ndo wa fadeso?
Na peko ti so Jésus akui, Nzapa azingo lo tongana mbeni ange, na lo kiri na yayu. Kâ, “Nzapa ayâa lo na nduzu na mbeni kota ndo so ahon ti kozo ni.” (aPhilippien 2:9). Fadeso, Jésus ayeke na kota komandema, gï Jéhovah oko la ayeke na komandema ahon lo.
GI TI HINGA AYE MINGI
Gi ti hinga ambeni ye na ndö ti Jésus nga ndani so a yeke kota ye ti manda ye na ndö ti lo.
4. Jésus ayeke pëpe Nzapa so ngangu ti lo ahon angangu kue
Atâa so Jésus ayeke mbeni ngangu créature ti yingo na yayu, Bible afa so lo yeke mä yanga ti Nzapa nga Babâ ti lo Jéhovah. Ngbanga ti nyen la e tene tongaso? Zia VIDÉO ni ti bâ tongana nyen la Bible afa so Jésus ayeke nde na Nzapa so ngangu ti lo ahon angangu kue.
Aversê so ayeke na gbe ni so ayeke aidé e ti hinga songo so ayeke na popo ti Jéhovah na Jésus. Diko aversê ni oko oko, na pekoni kiri tënë na ahunda so:
Diko Luc 1:30-32.
-
Ange ni atene nyen na ndö ti songo so ayeke na popo ti Jésus na Jéhovah Nzapa, “Lo so ayeke na nduzu na ndö ti aye kue”?
Diko Matthieu 3:16, 17.
-
Na ngoi ti batême ti Jésus, go so asara tënë na yayu atene nyen?
-
Mo pensé so a yeke lani go ti zo wa?
Diko Jean 14:28.
-
Na popo ti babâ na molenge, zo wa la ayeke kota zo nga ayeke na komandema mingi?
-
Jésus airi lani Jéhovah Babâ ti lo. Ye so afa na e nyen?
Diko Jean 12:49.
-
Eskê Jésus apensé so lo na Babâ ti lo alingbi terê? Mo tene ti mo nyen?
5. Aye so asi afa so Jésus ayeke Messie
Aprophétie mingi ayeke na yâ ti Bible so apeut lani ti mû maboko na azo ti hinga Messie so Nzapa asoro lo ti sö azo. Zia VIDÉO ni ti hinga ambeni prophétie so Jésus asara si aga tâ tënë na ngoi so lo ga lani na sese.
Diko aprophétie ti Bible so, na pekoni kiri tënë na ahunda so:
Diko Michée 5:2 ti hinga ndo so a dü Messie dä. b
-
Eskê ndo so a dü Jésus dä asara si prophétie so aga tâ tënë?—Matthieu 2:1.
Diko Psaume 34:20 nga na Zacharie 12:10 ti bâ anzene nzene tënë so Bible atene kozo awe na ndö ti kuâ ti Messie.
-
Eskê aprophétie so aga lani tâ tënë? —Jean 19:33-37.
-
Mo pensé so Jésus apeut ti sara si aye so asi?
-
Ye so afa na mo nyen na ndö ti Jésus?
6. Ti manda ye na ndö ti Jésus ayeke ga na aye ti nzoni
Bible afa so a yeke kota ye mingi ti manda ye na ndö ti Jésus, nga na aye so Nzapa ahunda na lo ti sara. Diko Jean 14:6 nga na 17:3, na pekoni kiri tënë na hunda so:
-
Ngbanga ti nyen la a yeke kota ye ti manda ye na ndö ti Jésus?
Jésus azi lege na azo ti ga akamarade ti Nzapa. Lo fa tâ tënë na ndö ti Jéhovah nga, na lege ti lo, e lingbi ti wara fini ti lakue lakue
AMBENI ZO ATENE: “A-Témoin ti Jéhovah amä na bê na Jésus ape.”
-
Mo yeke tene na ala nyen?
NA NDURU TËNË
Jésus ayeke mbeni ngangu créature ti yingo. Lo yeke Molenge ti Nzapa nga lo yeke Messie.
Dango bê
-
Ngbanga ti nyen la a iri Jésus “kozo ye na popo ti aye kue so Nzapa asara”?
-
Kozo ti tene Jésus aga na sese, nyen la lo sara lani?
-
E hinga tongana nyen so Jésus ayeke Messie?
GI NDA TI YE
Gi ti hinga ye mingi na ndö ti kua ti Jésus tongana Messie.
Gi ti hinga wala Bible afa so Nzapa aga Babâ ti Jésus tongana ti so azo ayeke ga ababâ ti amolenge.
“Ngbanga ti nyen la a iri Jésus Molenge ti Nzapa?” (Article na ndö ti site)
Bâ ndani so Trinité ayeke pëpe mbeni fango ye ti Bible.
“Eskê Jésus ayeke Nzapa?” (A sigi na yâ ti Tour ti Ba Ndo ti lango 1 ti avril 2009)
Bâ tongana nyen la gigi ti mbeni wali achangé, na peko ti so lo gi nda ti ye na ndö ti tënë so Bible atene na ndö ti Jésus.
a Ye ti manda 26 nga na 27 ayeke fa ande na e ndani so azo abezoin ti tene a sö ala nga tongana nyen la Jésus ayeke sö ala.
b Bâ Kete tënë 2 ti hinga mbeni prophétie so afa mbilimbili ngoi so Jésus ayeke ga na sese.
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
