WEKELO 15
Yeso oyɛnde na?
Yeso alekɔ onto woleka ndjewamá l’andja w’otondo. Koko, anto efula ndjewaka ngo djiina djɛnde, koko wapewe akambo efula lá nkambo djɛnde, edjinge amɔtshi walekɔ la tokanyi totshikitanyi lá nkambo djɛ wopo w’onto w’oyɛnde nsɔsɔlɔ. Bible otepelande nge lá nkambo djɛ Yeso?
1. Yeso oyɛnde na?
Yeso alekɔ ondjelo wɔ nkfulu efula wowika l’olongo. Yehova Ndjambe otongaka lá ntondo kɛ nkete nkfumɔ. Djɛkondeke, Bible owetande ante ‘otango wɔ nkete nkfumɔ djetongamisá.’ (Kɔlɔsɛ 1:15) Bible ndjetaka Yeso ante ‘ɛtɔyi kɛ Wɔna’ Ndjambe ladjikɛnde ngo nde toko ndeke lotongamisá m’ɛwɔ wɛ Yehova nyɔmɛlɛ. (Djɔanɛ 3:16) Yeso akambaka esanga nya Papa kɛnde Yehova, nde ookotshɛ́ka djɛ ntonga nkete nkina nkfumɔ. (Wala Woongo 8:30.) Yeso alekɔ la djokanelo djɛ ma ma nde nya Yehova tii lɔɔko. La nkɔmano nkfumɔ, nde akamba etengo itshwantomɔ yɛ Ndjambe, ntepela ente “Djoyi,” ladjikɛnde nde ewoyɛ nsango la ɛlɛmbɛ wɛ Papa kɛnde.—Djɔanɛ 1:14.
2. Ladjikɛnge Yeso ndaye lanɛ lá looko?
Amboheta ɛnɔnyi etengo 2 000, Yehova ananghaka nsese má nyuma kɛnde k’ekina djɛ nsangola lowiko lɔ Yeso m’olongo ko ndjila lá kfundu djɛ wɔna omoto wotopɛ oyɛ w’iyetaka Mariya. Nghɔsɔ ndeke Yeso ndoowotshɔka etengo onto. (Wala Luka 1:34, 35.) Yeso ayɛka lanɛ lá looko djɛ ndoyala Mesiya kana Kristo kelakemisá, la djɛ ndowikɛ anto. a Prɔfɛsi inkfumɔ yɛ Bible ndatepela lá nkambo djɛ Mesiya ikotshamaka le nde, ko kɛsɔ kekotshɛka anto djɛ ndjewa ambɔ Yeso ndeke ‘Kristo, Wɔna Ndjambe kewika.’—Mateo 16:16.
3. Yeso oyɛnde lámpe win’ɔsɔ?
M’ɔkɔngɔ wɔ Yeso mvɔ etengo onto, Yehova okfundɔlaka la demba djɛ nyuma ko nde akalɔka t’olongo. L’eteyi, ‘Ndjambe ohandjɛka lá mpipo kelá djiko.’ (Filipɛ 2:9) Win’ɔsɔ, Yeso alekɔ owandji w’ekekete, ntepela ente onto w’ape me Yehova.
TSHIMOLA
Hona djɛ ndjewa akambo ankina walendana la wopo w’onto wɔ Yeso oyɛnde nsɔsɔlɔ, la lamo oyɛwɔ djonyi lombombe ndjeka akambo walendana la nde.
4. Yeso apalekɔ Ndjambe Kanga-Nkfulu-Inkfumɔ
Bible ndakanyɛka ante kaanga Yeso oyɛnde etonghami kɛ nkfulu efula k’ewika l’olongo, nde nɛmɛyɛka Ndjambe kɛnde, kanga lolekɔ́ Papa kɛnde, Yehova. Ladjikɛnge otepelaso nghɔsɔ? Lenda VIDEO djɛ nyɛna kɛnɛ kelakanyɛ Bible lá wopo wotshikitana Yeso la Ndjambe Kanga-Nkfulu-Inkfumɔ.
Avɛrse wa l’anse wanɛ ntokotshɛ́ká djɛ nsipisoyɛ djokanelo djelekɔ́ l’antenyɛ Yeso nya Yehova. Nyowale avɛrse ankfumɔ ko nyokadjimole lá weepó wɛwɔlama.
Wala Luka 1:30-32.
-
Wopo wɔkɔnge ondjelo ndapakisola djokanelo djelekɔ́ l’antenyɛ Yeso nya Yehova Ndjambe, ‘Kanga-Lápamela’?
Wala Mateo 3:16, 17.
-
Lá winá wɔ batisimo djɛ Yeso, djoyi djeyisá m’olongo yatepela nge?
-
Djoyi djɛsɔ yayale dj’onto wɔkɔna?
Wala Djɔanɛ 14:28.
-
Kange ekokolo edjinge kange la lowandji loleka? Papa ndo koko wɔna?
-
Yeso ndakɔpɛ ntepela nge winá wɔ ndeete Yehova ante Papa?
Wala Djɔanɛ 12:49.
-
Yeso akanelaki ante nde nya Papa kɛnde walekɔ onto ɔmɔ? Okanelɛ mo lá nkambo djɛsɔ?
5. Yeso ɛnyɛka djɛ nde ndeke loyalisá Mesiya
Bible ndola kfu la prɔfɛsi yetokotshɛ́ djɛ ndjewa kanga lolekɔ́ Mesiya, onto wɔ Ndjambe ndasɔnɛ djɛ ndowikɛ anto ankfumɔ. Lenda VIDEO djɛ ndjewa prɔfɛsi imɔtshi yekotshamisá le Yeso winá wɔ ndayalaka lanɛ lá looko.
Wala prɔfɛsi yelá Bible yɛnɛ, ko masɔ kadjimola lá weepó wewɔlamá:
Wala Mika 5:2, djɛ ndjewa lampe Mesiya ndawotshɔ. b
-
Botshɔ djɛ Yeso djekotshɛka prɔfɛsi kɛsɔ?—Mateo 2:1.
Wala Yeembo 34:20 edjinge Zakari 12:10, djɛ ndjewa kɛnɛ ketepelisá Bible lá nkambo djɛ nyɔyi kɛ Mesiya.
-
Prɔfɛsi yɛsɔ ikotshamaka?—Djɔanɛ 19:33-37.
-
Okanela ente Yeso alonghanyɛka akambo amɔtshi djɛ prɔfɛsi yɛsɔ nkotshama?
-
Nkambo djɛsɔ okoshikikɛwɔ nge lá nkambo djɛ Yeso?
6. Iso mbaka wapɔ má ndjeka djɛ ndjewa Yeso
Bible ntepelaka ante alekɔ djonyi ndjeka djɛ ndjewa Yeso edjinge odjito wolekɔ lande. Wala Djɔanɛ 14:6 edjinge 17:3, ko kadjimola lá woopó wɔnɛ:
-
Ladjikɛnge oyɛwɔ djonyi ndjeka djɛ ndjewa Yeso?
Yeso atodjipwelaka mboka dj’iso nkoma tolongo tɔ Ndjambe. Nde alakanyɛka nsɔsɔlɔ lá nkambo djɛ Yehova, edjinge mpeyi me nde, ndeke songowa lowiko l’etshinda
ANTO EFULA NTEPELAKA AMBƆ: “Ewakɛ wɛ Yehova wapalekɔ la djawo te Yeso.”
-
Okokɛ nkadjimolɛ ente mo?
LÁ YOPASƐ
Yeso alekɔ etongami kɛ nyuma kelekɔ́ la nkfulu efula. Nde alekɔ Wɔna Ndjambe edjinge Mesiya.
Mvungo
-
Lamo Yeso etamande ‘otango wɔ nkete nkfumɔ djetongamisá’?
-
Yeso ndananghaka nge lá ntondo kɛ nde ndjɛ lá looko?
-
Wopo wɔkɔnge w’ewaso ente Yeso ndeke Mesiya?
TOKANYI TONKINA
Eka akambo ankina walendana l’odjito wolekɔ́ la Yeso etengo Mesiya.
“Prɔfɛsi yelendana la Mesiya nyɛnyɛka djɛ Yeso ndeke Mesiya?” (Djamba djelá jw.org)
Hona djɛ ndjewa ntsha Bible ndakanyɛka ante Ndjambe awotaka Yeso ngo ngete anto owotawɔ wana.
“Ladjikɛnge etawɔ Yeso ambɔ Wɔna Ndjambe?” (Djamba djelá jw.org)
Toshishime ladjikɛnge olakanyelo wɔ losato l’osanto yopalekɔ olakanyelo wemá Bible.
“Yeso alekɔ Ndjambe?” (Etange k’Olami, Ngɔndɔ k’anɛyi 1, 2009 lá Falase)
Lenda wopo wɔ lowiko lɔ omoto ɔmɔtshi yatshikitana winá wɔ ndananghe ehonelo djɛ ndjewa akambo wa Bible otepelande lá nkambo djɛ Yeso.
a Lá Wekelo 26 la 27, tɔnghɛna lamo anto iyayale la djonyi dj’onto ɔmɔtshi ndawikɛ la wopo wɔ Yeso ndotowikɛ.
b Lenda Nɔtɛ kɛ l’ekomo 2 kel’ekomo k’okanda djɛ nyɛna prɔfɛsi kewoyisá winá kɔɔ wɔ Mesiya ndɔngɛnama lá looko.
