PĚNGANGĚNDUNGANG 15
I Sai i Yesus?
Yesus kai sěngkatau esẹ sěbạe terkenal su kanandụu sejarah. Lawọ taumata masingkạ areng i Yesus, katewe i sire tawe masingkạ mal᷊awọ soal i sie, kụ i sire lai piạ haghing pendapat soal u i sai sěběnarẹ̌e i Yesus. Apa niul᷊ịu Alkitapẹ̌ soal i sie?
1. I sai i Yesus?
Yesus kai makhluk roh matoghasẹ̌ kụ mětẹ̌tanạ su sorga. I sie niriading Mawu Yehuwa těntal᷊ang manga hal᷊ẹ̌ bal᷊inẹ bědang tawe niriadi. Hakị u ene i sie nisěbạ ”diadikang kahumotongange”. (Kolose 1:15) Alkitapẹ̌ nẹ̌sěbạ i Yesus kai ’Ahusu Mawu mang sěmbaụ’ ual᷊ingu kětạeng i Yesus niriadi langsung karạ i Yehuwa. (Yohanes 3:16) Yesus něhal᷊ẹ̌ sěngkasio dingangi Amange, Yehuwa, kụ nẹ̌tul᷊ung si Sie něndiadi kěbị hal᷊ẹ̌ bal᷊inẹ. (Basa Amsal 8:30.) Yesus mal᷊uasẹ̌ marani dingangi Yehuwa. I sie masatia nakoạ ”Hengetang”, arau juru bicarang Mawu kụ něhabarẹ̌ tatanata dingangu laahạ bọu Mawu.—Yohanes 1:14.
2. Kawe nụe Yesus diměnta su dunia?
Ěndịu 2.000 taung tamai, Yehuwa někoạ mukjizat kụ něpakẹ rohkẹ̌ masusi gunang měngal᷊ing pěbawiahẹ̌ i Yesus bọu sorga sarang rahim sěngkatau mahuala bědang tawe nẹ̌kawing arenge Maria. Dingangu cara ini, i Yesus nalahirẹ̌ nakoạ taumata. (Basa Lukas 1:34, 35.) Yesus diměnta su dunia gunang makoạ Mesias seng niriandi, arau Kristus, kụ měnal᷊amatẹ̌ taumata. * Kěbị těbal᷊ẹ̌ su Alkitapẹ̌ soal u Mesias naghanapẹ̌ si Yesus, kụ ene nakakoạ taumata botonge makasingkạ Yesus kai ”Kristus, Ahusu Mawu wiahẹ̌”.—Matius 16:16.
3. Su apa Yesus orasẹ̌ ini?
Su apang pěbawiahẹ̌ Yesus su dunia seng nasue, i sie saụ nipěbiahẹ̌ nakoạ makhluk roh kụ nẹ̌bal᷊ị sarang sorga. Sene, ”Mawu něgělị si sie kedudukan limembong marangẹ bọu kal᷊imona”. (Filipi 2:9) Orasẹ̌ ini, i Yesus piạ kawasa sěbạe gěguwạ, kụ kětạeng Yehuwa limembong makawasa bọu i sie.
BANGKA PAKARAL᷊UNG
Mahịe měngěndung limembong mal᷊awọ soal u i sai sěběnarẹ̌e i Yesus kụ kawe nụe sěbạe penting měngěndung soal i sie.
4. Yesus bal᷊inẹbe Mawu Makawasa
Alkitapẹ̌ naul᷊ị maning i Yesus kai makhluk roh matoghasẹ̌ su sorga, i sie tụtuhụ su Mawu lai Amange, Yehuwa. Kawe nụe i kitẹ botonge maul᷊ị kerene? Putarẹ̌ VIDEONE gunang měmanda kerea Alkitapẹ̌ něnodẹ i Yesus nẹ̌tatěntang bọu mawu makawasa.
Manga ayatẹ̌ tuhụe sarung makatul᷊ung si kitẹ makaěna pẹ̌tatěntange Yehuwa dingangi Yesus. Basạe manga ayate, bọu ene bisarai manga kakiwal᷊one.
Basa Lukas 1:30-32.
-
Kerea malaekatẹ̌ nělahẹ hubungan i Yesus dingangu Mawu Karangetange Yehuwa ?
Basa Matius 3:16, 17.
-
Su tempong Yesus nibaptisẹ̌, tingihẹ̌ bọu sorga naul᷊ị apa?
-
Tumuhụ si kau, tingihẹ̌ i sai ndaị ene?
Basa Yohanes 14:28.
-
I sai limembong maghurang dingangu piạ kawasa limembong gěguwạ? Papạ arau anạ?
-
Yesus nẹ̌sěbạ Yehuwa kai Amange. Apa kaěndungang i kitẹ bọu hal᷊ẹ̌ ene?
Basa Yohanes 12:49.
-
Apa i Yesus nẹ̌pěndang i sie dingangi Amange kai pribadi mẹ̌sul᷊ung? Kerea tumuhụ si kau?
5. Bukti něnodẹ Yesus kai Mesias
Su Alkitapẹ̌ piạ lawọ těbal᷊ẹ̌ makatul᷊ung si kitẹ gunang makasingkạ soal u Mesias tau seng nipileng Mawu gunang měnal᷊amatẹ̌ taumata. Putarẹ̌ VIDEONE gunang měngěndung piram baụ těbal᷊ẹ̌ seng naghanapẹ̌ si Yesus su tempong i sie diměnta su dunia.
Pẹ̌basạe manga těbal᷊ẹ̌ ini, bọu ene bisarai manga kakiwal᷊one:
Basa Mikha 5:2 gunang makasingkạ su apa Mesias sarung malahirẹ̌. *
-
Apa tampạ i Yesus nalahirẹ̌ nẹ̌tatahino dingangu těbal᷊ẹ̌ ini?—Matius 2:1.
Basa Mazmur 34:20 dingangu Zakharia 12:10 gunang měmanda těbal᷊ẹ̌ soal u papateng Mesias.
-
Apa těbal᷊ẹ̌ ini naghanapẹ̌?—Yohanes 19:33-37.
-
Tumuhụ si kau, apa i Yesus botonge makakoạ kěbị ene mariadi?
-
Apa nitodẹu manga hal᷊ẹ̌ ini soal i Yesus?
6. I kitẹ sarung makaěbạ gunane mạeng měngěndung soal i Yesus
Alkitapẹ̌ naul᷊ị měngěndung soal i Yesus dingangu tugase, ene sěbạe penting. Basa Yohanes 14:6 dingangu 17:3, bọu ene bisarai kakiwal᷊o ini:
-
Kawe nụe sěbạe penting měngěndung soal i Yesus?
Yesus němuka ral᷊eng tadeạu i kitẹ botonge mědal᷊ahapị dingangu Mawu. I sie něněntiro katěngadẹ̌ soal i Yehuwa, kụ limiung i sie, i kitẹ botonge makaěbạ pěbawiahẹ̌ kěkalẹ̌
PIẠ U NAUL᷊Ị: ”Sahiding Yehuwa tawe mangimang si Yesus.”
-
Kerea i kau sumimbahẹ̌ ene?
RINGKASAN
Yesus kai makhluk roh matoghasẹ̌. I sie Ahusu Mawu dingangu Mesias.
Apa seng nikaěndungangu?
-
Kawe nụe Yesus nisěbạ ”diadikang kahumotongange”?
-
Apa nikoạ i Yesus těntal᷊ang i sie bědang tawe diměnta su dunia?
-
Apa buktine i Yesus kai Mesias?
PĚMANDA LAI
Pěngěndung limembong mal᷊awọ soal u bukti i Yesus kai Mesias.
Pěmanda apa Alkitapẹ̌ něněntiro Mawu nakoạ i Amang i Yesus mẹ̌sul᷊ung kere sěngkatau esẹ nakoạ matimadẹ̌ esẹ.
Pěmanda kawe nụe Tritunggal ene bal᷊inẹbe těntirong Alkitapẹ̌.
Pẹ̌basa kerea pěbawiahu sěngkatau wawine nẹ̌bal᷊ui su apang i sie bọu němarikěsa apa niul᷊ịu Alkitapẹ̌ soal i Yesus.
”Sěngkatau Wawine Yahudi Nělahẹ Kawe Nụe i Sie Saụ Němarikěsa Pangangimange” (Sedarlah! Mei 2013)
^ par. 7 Pěngangěndungang 26 dingangu 27 sarung mělahẹ kawe nụe taumata harusẹ̌ ipakasal᷊amatẹ̌ kụ kerea i Yesus něnal᷊amatẹ̌ si kitẹ.
