LESEN 15
Uda i Zizas?
Po mina longtaim, plenti pipol lo ert, bin lisen da neim blo wan man, Zizas. Plenti pipol lisen dat neim, bat sabe lelbet baut em, ane ol gad olkain dipren aidia baut uda em. Wanem Baibol i spikbaut em?
1. Uda i Zizas?
Zizas i wan mina strong einzel uda stap antap wea eben. Zeoba bin meke em pas bipo ebri samting. Daswai em i “pas boi uda i bos blo ebriting God bin mekem.” (Kolosi 1:15) Da Baibol kole Zizas “dat wan Boi” blo God, bikoz God bin gibe em laip pas, so em dipren prom ebri nada samting God bin mekem, ane nobodi i wase em. (Zon 3:16) Den, Zizas bin wok mina klostu po em Papa, Zeoba, ane bin elpe em po meke olgeda ebriting. (Rid Kolosi 1:16.) Ya nau, Zizas i stil api po stap klostu po em Papa, Zeoba. Em “da Mesiz” uda prapa wande meke wok po spikbaut God ane kare mesiz ane wod blo Em.—Zon 1:14.
2. Aukam Zizas bin kam po ert?
Lelbet moden 2,000 iya bipo nau, Zeoba bin meke mirikal. Zeoba bin yuze oli spirit blo em, po sane laip blo Zizas prom eben, gopo beli blo wan yangoman uda no sabe man, neim blo em Meri. Daswai Zizas ken bon wase man. (Rid Luk 1:34, 35.) Zizas kam po ert, bikoz em da Masaia, da Promiswan, o Kraist, uda God bin sanem po seibe yumpla. a Ebridem wod Zeoba bin spikbaut da Masaia bipotaim lo Baibol, bin kam tru wea laip blo Zizas. Diswan bin elpe pipol po megaraut Zizas i “da Promiswan uda God i bin sanem, Boi blo da God uda i laip.”—Matiu 16:16.
3. Wea Zizas nau?
Apta Zizas bin ded, em bin kamlaipgen, gobaigen po spirit, ane go antap po eben. So, “God bin teke em go antap po eben ane meke em nadakain spesil.” (Pilipi 2:9) Nau, Zizas i wan einzel uda gad nadakain strong paua—i mata Zeoba emselp uda gad mo paua den Zizas.
TINGBAUT MO NAU
Paindaut prapa uda i Zizas ane aukam i mina impotant po lanbaut em.
4. Zizas no AntapGod
Baibol i tise dat nomata Zizas i wan nadakain strong einzel lo eben, em wande obei God ane Papa blo em, Zeoba. Aukam yumi ken tok demkain? Plei da BIDYO po luk wanem da Baibol i tise yumi baut wiskain Zizas i dipren prom da strong AntapGod.
Dem skripsa ya go elpe yumi po sabe wiskain wei Zeoba ane Zizas i dipren. Ride dem skripsa, ane tokbaut dem kwestin ya.
Rid Luk 1:30-32.
-
Wanem da einzel bin spik, po soe Zizas ane Zeoba God, da “Prapa AntapGod”, i dipren prom wananada?
Rid Matiu 3:16, 17.
-
Wen Zizas bin baptaiz, wanem da bois prom eben bin spik?
-
Uda dat bois blo?
Rid Zon 14:28.
-
Uda i mo oul ane moantap? Da papa o em boi?
-
Zizas bin kole Zeoba em Papa. Wanem diswan tise yumi?
Rid Zon 12:49.
-
Wiswei, Zizas bin tingk emselp i God a? Wanem yu tingk?
5. Wanem prubem Zizas bin da Masaia
Bipo da Masaia bin kam, da Baibol bin gad plenti skripsa, o spesilmesiz wase sain, po elpe pipol megaraut uda em—da wan uda God bin suzem po seibe yumpla. Dem skripsa bin elpe pipol po prapa sabe uda i da Masaia. Plei da BIDYO po lanbaut sam skripsa, o spesilmesiz, wea i bin kam tru wea Zizas, wen em bin ya lo ert.
Ride dem Baibol skripsa, o spesilmesiz, ane tokbaut dem kwestin ya:
Rid Matiu 2:4-6 po lan wea da Masaia bin bon. b
-
Wiswei, Zizas bin bon wiskain da skripsa bin spik a?—Matiu 2:1.
Rid Song blo Sam 34:20 ane Zakaraia 12:10 po luk wanem da Baibol bin olredi sabebaut ded blo da Masaia.
-
Dem skripsa bin kam tru a?—Zon 19:33-37.
-
Ken Zizas suze wanem go apen po em bodi, apta em bin ded a?
-
Wanem diswan prubem baut Zizas?
6. I gud po yumpla po lanbaut Zizas
Da Baibol soe i mina impotant po lanbaut Zizas ane wanem God bin wande em po mekem. Rid Zon 14:6 ane 17:3, ane tokbaut dis kwestin ya:
-
Aukam i impotant po lanbaut Zizas?
Zizas bin meke da wei po kam pren blo God. Em bin tise da trutok baut Zeoba, ane tru em, yumi ken kese longlaip poeba
SAM PIPOL SPIK: “Zeoba Witnis no bilib lo Zizas.”
-
Wiskain yu go ansa?
WANEM YU BI LAN
Zizas i spirit uda gad nadakain strong paua. Em i Boi blo God ane em da Masaia.
Wiskain Yu Go Spik
-
Aukam Baibol kole Zizas da “pas boi” uda God bin mekem, “bipo God bin meke ebriting”?
-
Wanem Zizas bin mekem bipo em bin kam po ert?
-
Wiskain yumi sabe Zizas i da Masaia?
PAINDAUT MO
Lan mo baut wiskain yumi ken sabe Zizas i da Masaia.
“Do Messianic Prophecies Prove That Jesus Was the Messiah?” (Web article)
Paindaut prom Baibol lo wanem wei God i papa blo Zizas.
Stadi aukam da Trinity i no tising blo Baibol.
Rid wiskain laip blo wan oman bin seinz apta em bin prapa stadi wanem Baibol spikbaut Zizas.
“A Jewish Woman Explains Why She Reexamined Her Faith” (Awake!, May 2013)
b Luk Mo Inpomeisin 2 po wan skripsa wea i olredi sabe dat mina raittaim wen Zizas go kam da Masaia.
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
