ITYOUGH 15
Ka An Nan Lu Yesu?
Yesu ngu môm ken ior mba i hembe fan ve sha won cii yô. Nahan kpa, ior kpishi fa iti i Yesu tseegh, ve fa kwagh na yum ga. Shi ior mba a mbamnenge kposo kposo sha kwagh u or u Yesu a lu jim yô. Kpa ka nyi Bibilo i ôr sha kwagh naa?
1. Ka an nan lu Yesu?
Yesu ka ortyom u ageegh u a lu sha yô. Yehova Aôndo yange gba Yesu cii ve mase gban akaa agen ye. Sha nahan yô, i yila Yesu ér, “waniunda ken akaa a i gbe a cii.” (Mbakolose 1:15) Bibilo kaa ér, Yesu ka “Wan” u Aôndo “u môm môm,” sha ci u ka Yesu tseegh Yehova yange gba un iyol na ye. (Yohane 3:16) Yesu yange er tom vea Ter na Yehova ikyooso ikyooso, wase Ter na u gban akaa agen cii. (Ôr Anzaakaa 8:30.) Zan zan nyian kpa, Yesu ngu vea Ter na kôôsôô. Yesu lamen sha ci u Aôndo, ka “Imo,” nahan pasen ilyoho i Aôndo man akaawan a na.—Yohane 1:14.
2. Er nan ve Yesu yange va shin tara?
Yehova yange er tom a icighan jijingi na, gema uma u Yesu sha ivande wa ken iyav mbu iniunkwase igen, i yilan iti na ér Maria. Maa i va mar Yesu lu orumace. Kwagh ne yange er anyom kar hegen hemba 2000. (Ôr Luka 1:34, 35.) Yehova yange tindi Yesu shin tar ér a va lu Mesiya shin Kristu u yange i tôndo zwa ér ngu van la, shi a yima uumace. a Akaa a Bibilo tsenga ôron sha kwagh u Mesiya la cii va kure sha a na, nahan akaa la wase ior u fan ér Yesu “ngu Kristu, Wan u Aôndo u uma.”—Mateu 16:16.
3. Yesu ngu hana hegene?
Yesu yange kpen yô, Aôndo nder un, na un iyol i ken jijingi maa hide yem sha. Yemen sha yô, ‘Aôndo kende a na sha, ver un sha ian i hemban.’ (Mbafilipi 2:9) Hegen ne Yesu ngu sha ian i vesen shi ngu a tahav kpishi shi ka un a cir ken Yehova ye.
HEN KWAGH I ZA SHIMI
Seer fan or u Yesu a lu jim jim la man er i hii ve i gbe hange hange u u hen kwagh na yô.
4. Yesu ka Aôndo U Hemban Agee Cii la ga
Er Yesu a lu sha, shi a lu ortyom u lun a tahav kpishi nahan kpa, Bibilo tese ér ongo imo i Yehova u a lu Aôndo na man Ter na la. Er nan se ôr nahana? Nenge VIDIO i i lu heen ne nahan nenge er Bibilo i tese ér Yesu ka Aôndo u hemban agee cii la ga yô.
Avur a Bibilo a a dondo ne tese er Yehova a lu kposo a Yesu yô. Ôr nen avur a Bibilo a i tese heen ne, maa lam nen sha mbampin mba ve dondo ne:
Ôr Luka 1:30-32.
-
Ortyom la yange pase mlu u Yesu vea Yehova Aôndo “U Hemban Cii” la nena?
Ôr Mateu 3:16, 17.
-
Shighe u i er Yesu batisema la imo due sha kaa ér nyi?
-
U hen wer imo la lu i ana?
Ôr Yohane 14:28.
-
Ka an nan lu tamen shi nan hembe lun a tahava? Ka ter shin ka wana?
-
Yesu yange yila Yehova ér Ter na, nahan kwagh la tese se nyi?
Ôr Yohane 12:49.
-
Yesu nengen ér un ngu kwaghmôm a Ter naa? We u kaa wer nyi?
5. Yesu yange tese ér un ngu Mesiya
Akaaôron a profeti nga ken Bibilo kpishi a yange tsenga ôron kwagh u Mesiya, un shon u Aôndo tsua un ér a va yima uumace la. Akaaôron a profeti ne yange wase ior u fan or u nan lu Mesiya yô. Nenge VIDIO i i lu heen ne nahan nenge akaaôron a profeti agen a yange kure sha Yesu shighe u va shin tar la yô.
Ôr akaaôron a profeti a Bibilo ne, maa lam nen sha mbampin mba ve dondo ne:
Ôr Mika 5:2 nahan fa ijiir i yange gba u a mar Mesiya yô. b
-
Yange lu u a mar Yesu hana? Man i va mar un hana?—Mateu 2:1.
Ôr Pasalmi 34:20 man Sekaria 12:10 nahan nenge akaa a Bibilo yange i tsenga ôron sha kwagh u ku u Mesiya yô.
-
Akaaôron a profeti ne yange kure sha mii?—Yohane 19:33-37.
-
U nenge wer ka Yesu yange na ve akaaôron a profeti ne kure sha mi yee?
-
Kwagh ne tese u nyi sha kwagh u Yesu?
6. Ka sea henen kwagh u Yesu yô, se zua a iwasen
Bibilo pase er i hii ve i lu hange hange u se hen kwagh u Yesu kua tom u Aôndo a soo ér a er la yô. Ôr Yohane 14:6 man 17:3, maa lam nen sha mpin ne:
-
Ka a inja u henen kwagh u Yesu sha ci u nyi?
IOR MBAGENEV KA VE KAA ÉR: “Mbashiada mba Yehova na Yesu jighjigh ga.”
-
We u nenge nena?
KA NYI U HENE?
Yesu ka ortyom u ageegh. Ka Wan u Aôndo shi ngu Mesiya kpaa.
Mbampin mba umbur kwagh u i hen yô
-
Er nan i yer Yesu ér “waniunda ken akaa a i gbe a cii”?
-
Yesu yange er nyi cii ve mase van shin tara?
-
Er nan se fe ser Yesu ka Mesiya?
SEER HENEN KWAGH
Seer henen er i hii ve se fe ser Yesu ka Mesiya yô.
“Akaaôron a Profeti a sha Kwagh u Mesiya Tese Ér Yesu Lu Mesiya?” (Ngeren u sha Intanet)
Nenge aluer Bibilo tese ér Aôndo yange mar Yesu er uumace ve maren ônov nahan yô.
“Er Nan Ve I Yer Yesu Ér Wan u Aôndo?” (Ngeren u sha Intanet)
Tôv fa er i hii ve ityesen i Triniti la, i lu ityesen i ken Bibilo ga yô.
Ôr fa er kwase ugen yange tôv fa kwagh u Bibilo i ôr sha kwagh u Yesu ve kwagh la gema uma na yô.
a I pase ken ityough 26 man 27 er i hii ve yange gba u a yima uumace, man er Yesu yima se yô.
b Nenge Ngeren u Seer Tan Iwanger u sha 2 la sha er u fa kwaghôron u profeti u yange pase shighe u Yesu una va shin tar la vough yô.