OCIPAMA 15
Helie Yesu?
Kovolandu osi, Yesu eye omunu wa kũlĩhĩwa vali calua. Ndaño ndoco, omanu valua ka va kũlĩhĩle ovina vialua viatiamẽla kokuaye kuenda va kuete ovisimĩlo via litepa nda helie Yesu. Pole, nye Embimbiliya li popia catiamẽla kokuaye?
1. Helie Yesu?
Yesu ungelo umue ukuonene, o kasi kilu. Yehova Suku osimbu ka lulikile ocina cimue, tete wa lulika Yesu. Eli olio esunga lieci a tukuiwila okuti, “uveli woviluvo viosi.” (Va Kolosai 1:15) Embimbiliya li popiavo okuti, Yesu ‘Omõla Wongunga’ wa Suku. Eci ci lomboloka okuti, Suku wa lulika Yesu likaliaye okuti, lomue wo kuatisako. (Yoano 3:16) Yesu wa talavaya kumue la Isiaye Yehova poku u kuatisa oku lulika ovina viosi vikuavo. (Tanga Olosapo 8:30.) Yesu la Yehova va likuetele Ocisola cimue ca pama. Yesu okuti “Ndaka,” eye omunga ya koleliwa ya Suku omo okuti, o pitiya asapulo kuenda olonumbi Viaye. —Yoano 1:14.
2. Momo lie Yesu eyilila palo posi?
Ci pitahãla 2.000 kanyamo a pita, Yehova lekuatiso liespiritu sandu liaye, oku upisa kilu, wa linga ocikomo coku tuma omuenyo wa Yesu vimo liufeko umue wosombo o tukuiwa Maria. Lonjila eyi, Yesu wa citiwa ndomunu. (Tanga Luka 1:34, 35.) Yehova wa tuma Yesu palo posi oco a linge Mesiya wa likuminyiwile ale Kristu kuenda oku yovola omanu. a Ovitumasuku viosi viatiamẽla ku Mesiya, via tẽlisiwa kokuaye. Eci ca kuatisa omanu oku limbuka okuti, Yesu eye “Kristu Omõla a Suku o kasi lomuenyo.” —Mateo 16:16.
3. Cilo, pi Yesu a kasi?
Yesu noke yolofa viaye, wa pinduiwa ndungelo umue kuenje wa tiukila kilu. Oko ndoto, “Suku wo kemainyisa komangu yimue ya velapo.” (Va Filipoi 2:9) Cilo, Yesu ungelo umue ukuonene calua. Pole, Yehova eye lika wo velapo.
LILONGISA ONDONGOSI
Konomuisa helie Yesu kuenda esunga lieci ci kuetele esilivilo oku lilongisa catiamẽla kokuaye.
4. Yesu haeyeko Suku Ukuonene Wosi
Embimbiliya li longisa okuti, Yesu ungelo umue ukuonene kilu. Pole, ndaño ndoco, eye o pokola ku Suku yaye, haeye Isiaye, Yehova. Tua ci kũlĩha ndati? Tala OVIDEO oco o tale Vembimbiliya ndomo Yesu a litepa la Suku Ukuonene Wosi.
Ovisonehua vi kuãimo vi tu kuatisa oku kuata elomboloko liokuti, Yehova la Yesu, omanu va litepa. Tanga ocisonehua locisonehua, noke konomuisa apulilo a kuãimo.
Tanga Luka 1:30-32.
-
Olondaka viungelo via lekisa ndati okuti, Yesu la Yehova Suku “Ukuonene Wosi” omanu va litepa?
Tanga Mateo 3:16, 17.
-
Vokuenda kuepapatiso lia Yesu, ondaka ya tunda kilu ya popia nye?
-
O sima okuti ondaka yelie?
Tanga Yoano 14:28.
-
Vepata limue, helie ukulu okuti o kuete vali omoko? Isia, ale omõla?
-
Yesu poku tukula Yehova okuti Isia, ci lomboloka nye?
Tanga Yoano 12:49.
-
Anga hẽ Yesu o sima okuti eye la Isiaye vamuamue? Nye o sima?
5. Ovovangi a lekisa okuti, Yesu eye Mesiya
Vembimbiliya tu sangamo ovitumasuku vialua via kuatisa omanu oku situlula Mesiya, una Suku a nõla oco a yovole omanu. Tala OVIDEO oco o tale ovitumasuku vimue Yesu a tẽlisa eci eyile palo posi.
Tanga ovitumasuku viaco Vembimbiliya, noke konomuisa apulilo a kuãimo:
Tanga Mika 5:2, oco o kũlĩhe oku Mesiya a laikele oku citiwa. b
-
Anga hẽ ocitumasuku eci ca tẽlisiwa?—Mateo 2:1.
Tanga Olosamo 34:20 kuenda Sakariya 12:10, oco o tale ovina vikuavo viocitumasuku catiamẽla kolofa via Mesiya.
-
Anga hẽ ovitumasuku evi via tẽlisiwa?—Yoano 19:33-37.
-
O sima hẽ okuti Yesu wa koka oku tẽlisiwa kuovitumasuku viaco?
-
Eci ci situlula nye kokuove catiamẽla ku Yesu?
6. Tu kuatisiwa poku lilongisa catiamẽla ku Yesu
Embimbiliya li popia okuti, ci kuete esilivilo oku lilongisa catiamẽla ku Yesu kuenda ocikele caye. Tanga Yoano 14:6 kuenda 17:3, noke konomuisa epulilo li kuãimo:
-
Momo lie ci kuetele esilivilo oku lilongisa catiamẽla ku Yesu?
Yesu wa yikula onjila oco tu kale akamba va Suku. Eye wa longisa ocili catiamẽla ku Yehova kuenda pocakati ca Yesu tu pondola oku kuata omuenyo ko pui
OMANU VAMUE VA POPIA VATI: “Olombangi Via Yehova ka vi tava ku Yesu.”
-
Nda wa popia nye?
NYE WA LILONGISA?
Yesu ungelo umue ukuonene. Eye, Omõla a Suku kuenda eye Mesiya.
Oku Pitulula
-
Momo lie Yesu a tukuiwila okuti, “uveli woviluvo viosi”?
-
Nye Yesu a linga osimbu keyile palo posi?
-
Tua kũlĩha ndati okuti Yesu eye Mesiya?
OCO O KŨLĨHE OVINA VIKUAVO
Kũlĩha ovovangi akuavo a lekisa okuti, Yesu eye Mesiya.
Kũlĩhĩsa nda Embimbiliya li longisa okuti, Suku wa linga Isia ya Yesu ndeci omanu va siata oku cita omãla vavo.
“Momo Lie Yesu a Tukuiwila Okuti Omõla a Suku?” (Ocipama ci sangiwa lika vo Internet)
Kũlĩhĩsa esunga lieci Embimbiliya ka li longisila okuti, Suku Umosi Muvatatu.
Tanga ndomo omuenyo wukãi umue wa pongoloka noke yoku konomuisa Vembimbiliya catiamẽla komuenyo wa Yesu.
“Ukãi Umue u Yudea o Lombolola Esunga Lieci a Konomuisila Ekolelo Liaye” (Omasuli!, ya Kupemba 2013)
a Kocipama 26, 27, tu ka konomuisa esunga lieci omanu va sukilila oku yovuiwa kuenda ndomo Yesu a ci linga.
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
