NGUDO 15
Yesu Ndi Nnyi?
Yesu ndi muthu ane a ḓivhiwa u fhira vhathu vhoṱhe vhe vha vhuya vha tshila. Vhathu vhanzhi vha a ḓivha dzina ḽa Yesu, fhedzi a vha ḓivhi zwithu zwinzhi nga hae nahone vhaṅwe vha na mavhonele o fhambanaho nga ha uri Yesu ndi nnyi zwa vhukuma. Bivhili i ri mini nga ha Yesu?
1. Yesu ndi nnyi?
Yesu ndi muruṅwa a re na maanḓa ane a dzula ṱaḓulu. Yehova o thoma nga u sika Yesu a sa athu sika zwiṅwe zwithu zwoṱhe. Ndi ngazwo a tshi vhidzwa uri ndi “tanzhe ḽa zwoṱhe zwo sikwaho.” (Vhakolosa 1:15) Bivhili i amba uri Yesu ndi Murwa “muthihi fhedzi” wa Mudzimu nga nṱhani ha uri ndi ene fhedzi we Yehova a mu sika nga ho livhaho. (Yohane 3:16) Yesu o shuma na Yehova ane a vha Khotsi awe u itela u sika zwiṅwe zwithu zwoṱhe. (Vhalani Mirero 8:30.) Yesu u khou ḓiphina nga u vha na vhushaka ha tsini na Yehova. Samusi e muambeli wa Mudzimu ane a ḓivhadza milaedza na vhulivhisi vhu bvaho kha Mudzimu, u ita mushumo wawe nga u fhulufhedzea.—Yohane 1:14.
2. Ndi ngani Yesu o ḓa kha ḽifhasi?
Miṅwahani i ṱoḓaho u vha 2 000 yo fhiraho, Yehova o ita maḓembe, o shumisa muya wawe mukhethwa u itela u fhirisela vhutshilo ha Yesu u bva ṱaḓulu a vhu dzhenisa mbumbeloni ya musidzana ane a pfi Maria. Zwenezwo zwo ita uri Yesu a bebwe sa muthu. (Vhalani Luka 1:34, 35.) Yehova o rumela Yesu kha ḽifhasi uri a vhe Messia kana Kristo o fhulufhedziswaho na u itela u tshidza vhathu. a Zwoṱhe zwe Yehova a zwi porofita Bivhilini nga ha Messia zwo itea kha Yesu, zwenezwo zwo thusa vhathu uri vha ḓivhe uri Yesu “ndi Kristo, Murwa wa Mudzimu a tshilaho.”—Mateo 16:16.
3. Yesu u ngafhi zwa zwino?
Musi Yesu o no fa, Mudzimu o mu vusa sa muruṅwa nahone a vhuyelela ṱaḓulu. Musi e ṱaḓulu, “Mudzimu o mu hulisa a mu ṋea vhuimo ha nṱha.” (Vhafilipi 2:9) Zwa zwino Yesu ndi muruṅwa a re na maanḓa. Ndi Yehova fhedzi a re na maanḓa u fhira Yesu.
GUDANI ZWO ENGEDZEAHO
Gudani zwo engedzeaho nga ha uri Yesu ndi nnyi zwa vhukuma na uri ndi ngani u guda nga hae zwi zwa ndeme.
4. Yesu a si Mudzimu Ramaanḓaoṱhe
Bivhili i funza uri Yesu ndi muruṅwa a re na maanḓa ṱaḓulu, fhedzi u a thetshelesa Yehova Mudzimu ane a vha Khotsi awe. Ndi ngani ri tshi ralo? Ṱalelani VIDIO ni vhone zwine Bivhili ya zwi funza nga ha uri Yesu o fhambana hani na Mudzimu.
Vese dzi tevhelaho dzi ri thusa u pfesesa vhushaka vhune Yehova na Yesu vha vha naho. Vhalani vese iṅwe na iṅwe ni kone u fhindula mbudziso dzi tevhelaho.
Vhalani Luka 1:30-32.
-
Muruṅwa o ṱalusa hani vhushaka vhune Yesu a vha naho na Yehova Mudzimu “Wa-Ṱaḓulu-ṱaḓulu”?
Vhalani Mateo 3:16, 17.
-
Musi Yesu a tshi lovhedzwa, ipfi ḽi bvaho ṱaḓulu ḽo ri mini?
-
Ni vhona u nga ndi ipfi ḽa nnyi?
Vhalani Yohane 14:28.
-
Ndi nnyi muhulwane na a re na maanḓa? Ndi khotsi kana ndi ṅwana?
-
Yesu o amba uri Yehova ndi Khotsi awe. Zwenezwi zwi ri gudisa mini?
Vhalani Yohane 12:49.
-
Naa Yesu u humbula uri ene na Khotsi awe ndi muthu muthihi? Inwi ni ri mini?
5. Ndi mini zwe zwa sumbedza uri Yesu ndi Messia?
Bivhilini hu na vhuporofita vhunzhi vhu ambaho nga ha Messia we Mudzimu a mu nanga u itela u tshidza vhathu. Honovhu vhuporofita ho thusa vhathu u ḓivha uri Messia ndi nnyi. Ṱalelani VIDIO ni gude nga ha zwiṅwe zwe zwa porofitiwa nga ha Yesu zwe zwa itea musi a tshi ḓa kha ḽifhasi.
Vhalani zwe zwa porofitiwa Bivhilini ni kone u fhindula mbudziso dzi tevhelaho:
Vhalani Mika 5:2 ni gude nga ha uri Messia o vha a tshi ḓo bebelwa gai. b
-
Naa zwe zwa porofitiwa zwo itea musi Yesu a tshi bebwa?—Mateo 2:1.
Vhalani Phisalema 34:20 na Sakaria 12:10 u itela u guda zwe Bivhili ya dzula yo zwi amba nga ha lufu lwa Messia.
-
Naa zwe zwa porofitiwa zwo itea?—Yohane 19:33-37.
-
Naa ni vhona u nga zwi a tendisea uri Yesu o ita uri zwenezwo zwithu zwi itee?
-
Zwenezwi zwi ni vhudza mini nga ha Yesu?
6. Ri a vhuyelwa nga u guda nga ha Yesu
Bivhili i amba uri ndi zwa ndeme u guda nga ha Yesu na zwine Mudzimu a ṱoḓa uri a zwi ite. Vhalani Yohane 14:6 na 17:3, ni kone u fhindula mbudziso i tevhelaho:
-
Ndi ngani zwi zwa ndeme u guda nga ha Yesu?
Yesu o ri vulela nḓila ya u vha khonani dza Mudzimu. O funza ngoho nga ha Yehova nahone ri nga wana vhutshilo vhu sa fheli nga nṱhani ha Yesu
VHAṄWE VHATHU VHA AMBA URI: “Ṱhanzi dza Yehova a vha tendi kha Yesu.”
-
Inwi ni nga fhindula hani?
NO GUDA MINI?
Yesu ndi muruṅwa a re na maanḓa. Ndi Murwa wa Mudzimu nahone u dovha a vha Messia.
Ni Kha Ḓi Zwi Humbula?
-
Ndi ngani Yesu a tshi vhidzwa uri ndi “tanzhe ḽa zwoṱhe zwo sikwaho”?
-
Yesu o ita mini a sa athu ḓa kha ḽifhasi?
-
Ri zwi ḓivha hani uri Yesu ndi Messia?
WANANI ZWO ENGEDZEAHO
Gudani nga ha uri ri zwi ḓivha hani uri Yesu ndi Messia.
“Naa Vhuporofita Nga Ha Messia Vhu Sumbedza Uri Yesu O Vha E Messia?” (Thero i re kha jw.org)
Gudani uri Bivhili i funza uri Mudzimu ndi khotsi a Yesu nga nḓila-ḓe.
“Ndi Ngani Yesu A Tshi Vhidzwa Murwa Wa Mudzimu?” (Thero i re kha jw.org)
Vhonani uri ndi ngani Bivhili i sa funzi nga ha Vhuraruthihi.
Vhalani nga ha uri vhutshilo ha muṅwe mufumakadzi ho shanduka hani musi o no ita ṱhoḓisiso nga ha zwine Bivhili ya zwi amba nga ha Yesu.
a Ngudo 26 na 27 dzi ḓo haseledza nga ha uri ndi ngani vhathu vha tshi ṱoḓa u tshidzwa na uri Yesu u ri tshidza hani.
b Sedzani Mafhungo O Engedzeaho 2 u itela u guda zwe zwa porofitiwa nga ha uri Yesu o vha a tshi ḓo ḓa lini kha ḽifhasi.
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
