იესო ისტორიას ართ-ართ არძაშ უმოს ცნობილ პიროვნება რე. ბრელს უჩქჷ თიშ სახელ, მარა ბრელ მუთუნ ვა უჩქუნა თიშ გურშენ დო შხვადოშხვანერ აზრ ხოლო უღნა თიწკუმა დაკავშირებით, მი რე თინა სინამდვილეს. მუს იჩიებ ბიბლია იესოშე?

1. მი რე იესო?

იესო ძალიერ სულიერ ქმნილება რე, ნამუთ ზეცას ცხოვრენს. თინა იეჰოვაქ არძაშ უმოს წოხოლე გაჭყჷ. ათეშენ თის ჯოხო „არძა ქმნილებაშე ადრე გორჩქინელ“ (კოლოსელები 1:15). ბიბლიას იესო მოშინაფილ რე, მუჭოთ ღორონთიშ „ხვალეგუნაჭყეფ სქუა“, მუშენდა იესოშ მეტ მითინ ვა რე თიცალ, მით ხვალე იეჰოვაქ გაჭყჷ (იოანე 3:16). თინა მუშ მუმა იეჰოვაწკუმა ართო ხანდენდჷ დო ოხვარუდ თის შხვა ირფელიშ გოჭყაფას (წეკითხით იგავეფიშ 8:30). იესო ასე ხოლო ხარენს იეჰოვაწკუმა ხოლოშიან ურთიერთობათ. თინა ართგურო მსახურენს ღორონთიშ წარმომადგენელო, მუჭოთ „სიტყვა“, ნამუთ თიშ ცნობას დო მითითებეფს შხვეფს გინოჩანს (იოანე 1:14).

2. მუშენ მორთჷ იესოქ დედამიწაშა?

სოდგარენ 2 000 წანაშ წოხოლე იეჰოვაქ გეგმირინუ მუშ წმინდა შურ დო იესოშ სიცოცხლე ზეცაშე ახალგაზრდა ქალწულ მარიამიშ საშვილოსნოშა სასწაულებრივო გეგნიღ. თეშნერო იესოქ დებად, მუჭოთ ადამიანქ (წეკითხით ლუკაშ 1:34, 35). თიქ დედამიწაშა მორთჷ, ნამდა ქიჸუკო დაპირებულ მესიაქ, ქრისტექ, დო დერსხკო კაცობრიობა. a ბიბლიას მოჩამილ არძა წინასწარმეტყველებაქ, ნამუთ მესიაწკუმა რდჷ დაკავშირებულ, იესოშა შისრულ. თექ ქიმეხვარ ადამიანეფს, ქიმეხვადესკო, ნამდა იესო რდჷ „ქრისტე, ცოცხალ ღორონთიშ სქუა“ (მათე 16:16).

3. სო რე იესო ასე?

დედამიწას ცხოვრებაშ უკულ იესოქ გეთელ, მუჭოთ სულიერ პიროვნებაქ დო ზეცაშა დირთჷ. თექ „ღორონთიქ თის ხოლო უმოს მაღალ მდგომარეობა ქიმეჩ“ (ფილიპელები 2:9). ასე იესოს უღჷ დიდ ძალაუფლება — თინა იეჰოვაშ უკულ მაჟია პიროვნება რე.

 5. იესოქ დამტკიც, ნამდა მესია რდჷ

დასკვნა

იესო რე ძალიერ სულიერ ქმნილება. თინა რე ღორონთიშ სქუა დო მესია.

გამეორებელ კითხვეფ

• მუშენ ჯოხო იესოს „არძა ქმნილებაშე ადრე გორჩქინელ“?

• მუს ორთუდ იესო დედამიწაშა მოულაშახ?

• სოვრეშე მიჩქნა, ნამდა იესო მესია რე?